5010,"呪文","ヤブァでの治療1","Chari"," Chari(C): Chifuwa kumererera, moyo wa nyuma kubandikpwa dziwe, chunu kutoka, magulu kuvunzika vunzika, mwiri wosi kukala kawidima, ndani kunguruma. Ala chidzako nikambwa ni mwimwi arumwengu. Arumwengu tsi atu anjine, ni uwe mwanamulungu. Hiwe, uwe mwamunyika, hiwe vunzarere. Ala unambwa kukala uwe be ndiwe uyugaye. Unayuga be phamwenga na anao. Maana pharipho mashera ni anao, pharipho malaika ni anao, pharipho ani phosi osini ni anao aratu, makabeja osi. Rero wahi dzikudza voyera mulungu Mwaka. Mimi si muganga. Muganga mwenye ni mulungu. Kpwangu ni kuvoya mulungu kare tu, na kpwika mukono wa nema, kuya luk'ombe la kanda nami kpwenda sagala kuhurira. Vivi rero dzamba nimwikiravyo yuyu mwana yuyu mavuo gaga na mihaso ya kujita na ngata. Mutu mimi dzamba nivikpwe chiremba be ni mulungu, maana mulungu uchihenza mino dzikala muganga kare. Ninahenza k'oma za kpwao na za kpwehu zilale phamwenga. Hiyuno aphole. (to a woman nearby) Ha lavya o chihi usake mafuha. Rino ra muduruma.. ",,1992/8/26 0:00:00
5011,"呪文","ヤブァでの治療2","Chari"," (makokoteri resumed) Chari(C): Bismilahi rahamani rahimu audhubilahi minashetwani rajimu, ayyakana budu ayiyaka na sitahili maalikiombihini suratha alfunadhim namthalahim. Hu haini haini, arumwengu, nagomba tsingagombere saa zizi. Nikagomba ninagomba kpwa Mwaka. Mwaka ni mukongo. Mwaka ni mukongo na kaanzire dzana, kaanzire dzuzi. Lakini mwenye tu, akamba ninaenenda nao tu, lakini nasikira wangu. Ala chila mutu ufa kpwa tsikuze. Be hata kumba waanza pindi phapho hangu phapho wakala kadzangbwe zo tsikuze za kukala mukale mwimwi mundakudza fanyirwa. Kpwamba hata zo pesa nazo ni mutsumwa ta ye mutu achiha ye muganga yunamwiha kare tu kpwa nalagula ni mudamu, lakini yo pesa yenye be kayigota kamare tsetsetse. Maana yo pesa ndiyo chitsaga. Ala vino be namwamba pore hudzimukumbikira rero mutsidze mukamba mwanyalwa. Na tsikurema wahi, atu kaarema. Anahenza. La kuhenza kpwa mutu hicheye be kakutosha, tsiphokala paka mulungu uhenze. Basi haini namuvoya akpwa vuri, a kpwa mwaka, a mulairo wa dzuwa, mutserero wa dzuwa, hata achina bugubugu, achina kaziya ka nyenze, a mwana duga, a mwana toro, a mwana mayunge, mwana mukangaga chimbikaya mnyetera ziya. Hiwe mwanamulungu marera, mwanamulungu mulunguzi jumula na mwana musambala. ",,1992/8/26 0:00:00
5012,"呪文","ヤブァでの治療3","Chari"," Chari(C): Na nikagomba be ninagomba na uwe mwanamulungu, a jabijabi, ngura na ngura, Dzombo kpwa mayo, mpigao kondo samburu ya Mugamani, mukauya mudzini mukalola ndima, kaya Pongbwe yinavunzwa, mukambwa ni mwimwi haini. Ninagomba mimi hai, be nikagomba hai, nagomba hai kpwa Mwaka. Ninalavya fungu ra muhaso. Muhaso uu ni wa uwe mayo mwanamulungu, phamwenga na anao. Ninafunga ngata. Ngata tsi ya mutu munjine. Ngata ni ya laika. Laika kana ameye. Ameye ni uwe. Mwanashera kana ameye. Ameye ni uwe, ta ye muchetu wa chidigo ameye ni uwe. Osini ano madena na manyari. Basi dzamba vivi nichiika muhaso uu na mavuo garatu Mwaka amanye kukala kuchicha achilaa yunalaa kpwenda madzini, achilaa madzini Mwaka yunenda mundani. Vuri kpwanza yudzegbwa. kahwenzi kusikira chitswa wala chizungu, moyo wa nyuma, peho hiyi, chifuwa kumererera, moyo wa nyuma kubandikpwa dziwe, mbavu kuvunzirwa ndani, ndani kunguruma, ndani kudunga miya, ndani kpwaka moho. Hata vyau na vyau kuafunwa ta kumukupula madzi pia munamanya, magulu kuvunzika vunzika, chunu kutoka, mosini munagahenda gago. Vivi rero be ninamwamba mwinyi na yuyu. Mwinyi wa kpwangu be musegere k'ombe ra kanda mukasagale muhurire. (makokoteri ends) ",,1992/8/26 0:00:00
5013,"儀礼","ヤブァでの治療4","Chari"," (to the patient) Chari(C): haya mayo. Mino we mayo. rino rino vuo nakupha, be urimanyirire maogi. Chikala dza mundanyala mutsimanyirire maogi. Nikuphe ro vuwo lakini utsiroge paka umale riratu. Yiyi njelengbwa dzikpwenda henda yivoya, chikala yindakala tsiku nyinji be ni makosa. Mwaka(Mw): Aaah kayiyuga. C: Riri vuwo ninakupha, maana karogbwa phamwenga. Guest(man,G): Mwenye! People(Pe): Enye! G: Haya hodini. Aganga taireni. Pe: Za mulungu. G: Mwambadze? Pe & C: Kahuna utu, kahumanya hiwe? G: Kahuna utu. Pe &C: Ndo vidzo. C: Haa hebu, nikuphise phapha. Karibuni musagale. Mw: Ni tsaweyo bee. G: Ndakuchapa uwe. Mw: Hangbwe yunasikira yendagomba be yunamba ni muganga, yunamba hebu nidze nimulole ye muganga wenu. Sagala pho. C: Tsi makosage, maana yo akili yinamba vivyo. We kumanya yuno mutu wa vitswa baye achilogbwa, yulogbwa na aratu. G: Vyoo! ",,1992/8/26 0:00:00
5014,"儀礼","ヤブァでの治療5","Chari"," Chari(C): Nakpwenda lagula kare mutu wa vitswa mino, ta nichamba, ta ye abayo(Murina) chikala yuhenda kare roho mbii. Namba muganga kenzi roho mbii. Be fikiri kulaa phapha mimi ta dzikudza Mulafyeni kure kpwenye, be nikale ndauya chiphuphu(without doing anything)? Aah tsigo. Mukongo yunambwa "laa ulolwe ni muganga". Yunamba "Aah, muganga, muganga. Kpwani yuna chiremba cha mulungu?' Guest(G): 'O chiremba cha mulungu we unacho uwe?' C: Murina yutsukirwa kare, yunamba 'Chukua twende.' Naamba 'Aah we kundakala muganga, maana muganga winga dakitari ati.' 'Twende nyumbani kabisa. Mimi haya maneno siyataki kabisa.' Nichuka ninamba nenda konze, nikachike konze cho chiza changu, be nilorere chikala (mukongo) kandakudza. Be nichenda chika ko konze, kure kpwenye, nichichiimba kuko mimi hichi yangu, nalola hiyu(mukongo) 'Hero! Hero!' Yunadza namwamba mba udzinamba una chiremba cha mulungu wee. G: Chodzichorecho ni chani nawe? Chari: Kalimbo wa Mwero! Mimi dziuyaha o moho! Hamamoto: Aah pore, pore. C: U mutswano. Nahenda uka we mwenye mwiri haya. Uu mambo gangu ni gago, maana unahenza chikala udzoga riratu ra makodza, ukale ta wume kamare kamare. Ta ukale chikala udzigbwirikana na kodza rikut'ike ndo woge riri. Aah kayina haraka, nikulungire vuworo mino nikukokotere, uririche ta umale riratu, haya phamwenga na muhasowe, woge. Mwaka(Mw): Haya. ",,1992/8/26 0:00:00
5015,"儀礼","ヤブァでの治療6","Chari"," Guest(G): Samba ni ya phapha yino? Mwaka(Mw): Ee ni ya phapha. G: Aa kala baha dza rero yituphwe. Ba...(husband of Mwaka(B): Achambwa rina vuo tsee. Muduruma kagbwa. G: Yiye! Haya be tengeza. Chari(C): Ni mujeso? G & B: Aah ni mujeso lwaphi? G: Aah tegu ganze yiye. B: Kumba kuna mitsanga asena. Mw: Waa! Tsikomya na kunyala. C: Hoo. Gano gafunge kodzani. Lola kodza ugafunge. Ni ga mumu muhasoni gaga. Mw: Gananuka. G: Undavunza bemba zozi. C: Gananuka kpweli. B: Gago ni uchidzikumba paka umale wiki. Mw: Aah yendakona yunamanya yuyu mutu be, eeh. C: Kpwanza uchidzisaka yendakona paka amanye kukala yuna nyungu ya muduruma yuyu. G: Yino ndo ndiyo buba hebu yihiwayo kachiri? C: Ni buba na kachiri, lakini gara go ga hicheye.. G: ganatsanganywa? ",,1992/8/26 0:00:00
5016,"儀礼","ヤブァでの治療7","Chari"," Chari(C): yuya buba hicheye baye tsi utu. We chikala u muganga lakini unatumainira o muhi wa kunuka ni ro buba hicheye, unalemba. Kuna mihi ya kunuka weruni. Guest(G): Mo weruni? C: Jambo ra kpwanza ni muranze, phiri ni ndago, hahu ni mihi. Sambi unaidima kayisaga yiyo, hata ukambwa udzitiya muranze lakini kutiyire chila utu, ukambwa udzitiya buba. Kpwanza uchitumainia ro buba hicheye rinanuka chitsitsi. G: Ee ni kpweli. C: Ee. Sambi we ni ubunde mihiyo, ukune mihiyo minji yenye dza vivi ya kunuka. Haya ubunde, chilaa phapho, buba unahenda wala kachache tu haya utiye. Na hinyo ario atumia kare ro buba hicheye kpwa ta yiyatu mihi.. G: Ya weruni kaanayo shida? C: Aaah tsi kaanayo shida ni kaayimanya. G: Ooh. C: Mino naona adigo kare tu kuku Chinango. G: Oo haa. Mwaka(Mw): Cho chitsaga cha baba be nacho chi.. Ba...(B): Mba yunahenzwa achisagala alole cho chiza. C: Ee. ",,1992/8/26 0:00:00
5017,"儀礼","ヤブァでの治療8","Chari"," Ba...(B): Nacho cho chihi chi vyama. Guest(G): Yunachimanya upande wa kugbwerera yiye. Ee yundaima to. Mwaka(Mw): Yaani nisagale phapha chihini? Chari(C): Ni phapha chihini. B: Aah be mukanyala o chihi chenu mayo. G: Kagbwaa. C: Kanyala. Achigbwa yundagolomokpwa kamare. Ambwe yubitwa ni nyama, kumba yudzegbwa. (laughter) Hewa! Chino changu chino chinjine chi konze? G: Aah, mba ta chichi chinatosha. C: Ta ye muganga kana pumuzi kpwani za kugombera. B: Sagalani mufanye kazi. G: Ha we baba sagala hipha kabaoni wahi. B: Aah ninaanza kpwima phapha. C: Kuna chiguo cha mulungu? G: Kana yiye. C: Kona ta baba yunaanza kare kugomba yiye kpwa yunamanya kadzangbwe kuyigula. Be kavule lo rinda wahi mayo, mutu kakokoterwa na rinda. Ama chikala tsivyo riteremuse kare vivyo. Haya wala yo nguoyo ufunge egga. Gaga hunagapendelea lakini kpwa chiganga cha chienyeji tsigo. ",,1992/8/26 0:00:00
5018,"儀礼","ヤブァでの治療9","Chari"," Guest(G): Rocha! Rocha(R): Yoo! G: Nikenda anza kukoma mudzini samba ye muganga kahi yuchere kutengeza? R: Ee samba yu phephi na mwisho lakini.. G: Yu phephi na mwisho? R: Tsimanya. C: Samba ta mutumia ni kulorera uganga? G: hata hulaa kutsongerani be ni tsidzangbwe kufika mudzini. R: Haya, naye dzimwambira maana dzikala dzilavya kare mutu tsi kuko mino. G: Vyoo! R: Hee. G: Ukamwambira? R: Nidzikala dza.. AAh dzimwambira phana mutu wa kpwanza. Sambi ndo nikamwamba kamwambire baba muvaha maana yudzamba yunamuhenza yuyu. G: Ee. R: Eee. Sambi ndo yunanza kufanya kufanya kpwa jumla. ",,1992/8/26 0:00:00
5019,"呪文","ヤブァでの治療10","Chari"," (Chari starts her makokoteri) Chari(C): Hiririri. Hiririri. Hiriririr. Hiriririr. Ptu. Similani. Haya aganga taireni. People(Pe): Za mulungu. C: Alombwaye ni ani? Pe: Ni mulungu. C: Itsi ni ziya? Pe: Nayiphole. C: Navoya vidzo. Pe: Navidze. C: Na vii. Pe: Navyende. C: Muloga aganga. Pe: Naafe. C: Muloga ateji. Pe: Naafe. C: Uu basi. Haini haini nagomba. Tsingagombere saa zizi. Nikagomba la ninagomba kpwa Mwaka. Mwaka ni mukongo. Mwaka wavyalwa ni abaye na ameye, na pumuzize tana. Ala uchipigbwa ni peho ya konze, mpaka wuonane na maradhi. Maradhi ni gani? Ni ga mashetani. Be Mwaka yunapata tabu. Kaanzire dzana wala kaanzire chiramuko cha rero, ela yudzaanza pindi kare. Mwenye achidza kala yunaenenda nao. Bemba ukongo ni kpwenda vivi, hata uchidzakala sambi (nyama)'Aa sino kumba kahundafanyirwa, baha akale mukongo jeri jeri yuno.' Vino mudzimwika ni mukongo mwenye. Naye yukumbukira kumba ano atsuma kunibanangira. ",,1992/8/26 0:00:00
5020,"呪文","ヤブァでの治療11","Chari"," Chari(C): Basi haini ndugu zanguni. Munagombwa muniphokerere. Muniphokerere a kpwa vuri, a kpwa mwaka, a mulairo wa dzuwa, a mutserero wa dzuwa, a bugubugu, achina kaziya ka nyenze. Ninamuvoya achina mwana duga, mwana toro, mwana mayunge, mwana mukangaga chimbikaya munyetera ziya. Mwanamulungu marera, mwanamulungu mulunguzi jumula na mwana musambala. Ninamuvoya a jabijabi ngura na ngura dzombo kpwa mayo, mpigao kondo, Samburu ya Mugamani, mukauya mudzini mukalola ndima, kaya Pongbwe yinavunzwa, mukambwa ni mwimwi haini. Ninamwamba hai we mwanamulungu phamwenga na p'ep'o, mubarawa, sanzuwa, bulushi mukpwaphi. chitsimbakazi cha mbinguni, chitsimbakazi cha ziyani, p'ep'o k'oma wa kuzimu, p'ep'o k'oima wa ziyani. Hiwe mugala, muboni, mudahalo, mukorongo, mukoromea, dungumale, zimu, chizuka, sunduzi, mudoe. Mudoe ni uwe murima ngao, mutumwa ni uwe mungindo. Himu ni muna we dena na nyari, chiyuga aganga, luki, mbilichimo, kare na gasha, rero ni rero phamwenga na mwana pungahewa. Kuna mudigo ndiwe shera phamwenga na uwe ichiliku, namwamba pore uwe mayo ni madiwa. Hiwe mayo mujita k'oma ni uwe muchetu wa chidigo, namwamba pore. Namwmaba pore tsona pore musikire. ",,1992/8/26 0:00:00
5021,"呪文","ヤブァでの治療12","Chari"," Chari(C): Haini haini kuna uwe jine bara wa chimasai. Hiwe gologoshi ndiwe ngai. Ngai ndiwe mukamba, mukavirondo, mumawia, munandi, mumanyema, namwamba hai. Ninamwamba hai, hiwe laika mwendo, laika mwenda na upepo, laika chibwengo, laika mukangaga, laika nuhusi. Nuhusi ni uwe pagao, pagao ni uwe muzuka. Kuna laika mwanyoka, kuna laika mwafira, kuna laika zuzu, kuna laika dondo, kuna laika chifofo, laika chifofo ni uwe laika tophe. Ninamwmaba haini, laika majaro namwamba pore. Musikire kuna laika mukuse, namwamba pore. Mwinyini hudzegbwa mwenu maguluni. Kakuna kondo. Kondo yeri dzuzi na dzana. Ahehao ni airi, achidza wa hahu, akakanya. Rero dzikala mwamuzi, nakanya kondo. Mino tsi muganga. Muganga mwenye ni mulungu. Kpwangu ni kutayamamu na kpwika mukono wa nema, kuuya luk'ombe ra kanda, kusagala kuhurira. Ninahenza uzima. Ninahenza uzima be wa hiyuno Mwaka. Achoga chiza chichi cha uwe, uwe vunzarere, uwe nyoka mubomu, hiwe bara na pwani. Ninamwamba pore na pore yiyo yifyeke luk'ombe la kanda. Mwinyini hudzegbwa mwenu maguluni. Kakala ni ye tajiri mwenye be yukumbikira kukala mudamu wangu ni mukongo, rero ninamutengezera. Hunahenza uzima ta ana pia nao ta patsa patsa kahukahala sino. ",,1992/8/26 0:00:00
5022,"呪文","ヤブァでの治療13","Chari"," C: Lakini poreni. Kakuna chitswa wala chizungu, moyo wa nyuma, chifuwa kumererera, mbavu kuvunzirwa ndani, ndani kunguruma, vyau na vyau kuafuna. Haini chinena kumererera, roho kpwahuka, roho wasiwasi, kakuna ndani kunguruma, mwiri kpwaka moho kakuna. Kakuna chunu kutoka ta magulu kuvunzika vunzika pia kakuna kamare kamare. Niuvoyao mimi ni uzima be phamwenga na adide ninaahenza anji enye. Maana aratu ndio atumishi enu ondakala anadza tengezera yuyu muchetu. Hai. (makokoteri ends, and Chari tries to make her finger click) Chari: Vyala vya kola maharagbwe la kavidoka. (pause) Chari(C): Hofwii. Niricha, nianze koya mayo. Be hwende konze nikakukokotere, kala ni chisiku ngere kpwamba dzitsoka. Ba...(B): Una gaphigo we nawe? (addition to the makokoteri) C: Haya vivi be ni uzima, ndio niuhenzao. Muganga kazumwa. Nahenza yuyu ta achisagala phapha amanye kukala na mayo wa chiganga be Ng'onzini. Ngelenge kpwenye madukani. siye nyama Ngelenge madukani. B: Musagalako. C: Ana dzizuka rao be uchifika phapho ro dzizuka ta uchifika phapho, haya. Guest(G): Eee. C: Ndo Ngelenge madukani. Hofwii! ",,1992/8/26 0:00:00
5023,"呪文","ヤブァでの治療14","Chari"," (makokoteri for chiza cha konze, outside of the hut) Chari(C): ...(the beginning unrecorded)..mukongo. Mwaka kaanzire dzana, Mwaka kaanzire chiramuko cha rero. Mwaka waanza pindi, lakini mwenye tu, wakala yunaenenda na ukongowe. Basi ninamwamba pore. Ninamwamba pore. Dzigomba pindi mino nikamwabira kpwa Mwaka, ndugu zanguni, na vino ninasema Mwaka ninalavya chiza cha konze. Dzilavya cha nyumbani, cha nyumbani kachichirwa maana be kachirwa ni laika, laika ni mwana wa mulungu, shera ni mwana wa mulungu. Chila mutu ni mwana wa mulungu. Hata o adzomba ni ana a mulungu, ta ye aendaye Musikitini chisha yuvoya o mulungu, ni mwana wa mulungu. Ala vino wahi, hunalavya mavuo, mihaso ya kujita, pharipho maziya gani. Ninamwambira ndugu zanguni musikire. Ninamwambira. Ninamuvoya, be chisha kungi ni atsano. Kumuvoya uzima wa Mwaka na kumuvoya hata ana a Mwaka kukala kaandapata maradhi(makongo) manji. ",,1992/8/26 0:00:00
5024,"呪文","ヤブァでの治療15","Chari"," Chari(C): Mosini a kpwa vuri, a kpwa mwaka, mulairo wa duzwa, mutserero wa dzuwa, a bugubugu achina kaziya ka nyenze, ninamwamba pore. A jabijabi ngura na ngura, Dzombo kpwa mayo, mupigao kondo samburu ya mugamani, mukauya mudzini mukalola ndima, kaya Pongbwe yinavunzwa, mukambwa ni mwimwi haini. Ninamwmaba haini. Ninamwamba hai, a muhoni, ninamwamba hai a ziyani, ninamwamba hai ya mutsarani, namwamba hai a mihi mibomu, namwamba hai a chimbepho a marere. Mosini mutserere mudze mwoge ziya, muchire mwende kpwenu. A Ching'ang'ini, mosini musikire. A Makanga mosini musikire. Ninamwmabira lakini namupha Mwaka ngata yiyi. Ngata yiyi ni chihi chenu. Mutsimufyehe Mwaka. Hata kumba kuna laika yeambika naye yunahenza kuzuzwa. Lakini pesa kakuna. Pesa ni mutsumwa maana kakuna pesa jeri jeri. Pesa ndicho chakurya. Ala vivi wahi chikala kunaenderera na kunaiva vitsere mba yo pesa yichipatikana ndipho ndakala yinasagala nyumbani. Ninamwamba hai mosini ndugu zanguni. Ninamwamba hai uwe laika mwendo. uwe laika mwenda na upepo, laika chibwengo, laika mukangaga, hiwe nuhusi, jine pagao, muzuka. Laika tophe, laika tophe ndiwe laika chifofo. Ninamwamba pore. ",,1992/8/26 0:00:00
5025,"呪文","ヤブァでの治療16","Chari"," Chari(C): Namwamba pore hiwe dunia, uwe bara na pwani. Mosini bara na pwani ni mulungu mubomu vivyo, lakini akambwa kukala ni mudzomba. Kpwa ta yutumia bara na pwani. Ninamwamba pore hiwe digozee phamwenga na mbilichimo. Hata uwe mwalimu tali namwamba pore. Namwamba pore hata uwe bulushi, uwe bulusaji namwamba pore. Haini ndugu zanguni musikire hiwe mutumwa. Mutumwa ni uwe mungindo. Mosini namupha muradi, ndugu zanguni, dzimupha mavuo higo, kale mundaoga mumurichire Mwaka akale muzima. Kakuna Mwaka kutsangbwa ni chifua, kakuna Mwaka kumererera moyo wa nyuma, kakuna Mwaka kumuvunza mbavu, kpwala kakuna Mwaka kumuphenya ndani, ndani kunguruma ndani kudunga miya, ndani kpwaka moho. Gosini garatu nahenza gauke. Chunu kutoka, magulu kuvunzika vunzika, roho kpwahuka, kumulohesa k'oma mbii mbii, kumuphirika madzini, kumonyesa ta madiya, kumonyesa ng'ombe, kumonyesa chila chitu, hata maiti kumonyesa. Ninamwamba pore, na chisha be pore yiyo tsi za dzuzi na dzana. Haini. Uzima ndio huuhenzao sino. Kpwanza vuri yudzegbwa vivi atu atsoka njenga. vino be ni akale muzima, chisha be nahenza mwana kamare kamare munjine mo ndani, be muche chisha, hudze hupigane kuratu, udze ulole Mwakai na Mwanyota. ",,1992/8/26 0:00:00
5026,"儀礼","ヤブァでの治療17","Chari"," (interruption) Ba...(husband of Mwaka(B)): Mundalengana yendakala yunahenza ye mulume tu, yundamanya kpwani.. Baha digirike. Chari: Ni kura? B: Uuuh. C: Yendapata ni yiye.. Dzikukinya muno? Dzigaphunguza mwenehu. B: Eeh! C: Ta kakala tsi yiye wa gandini kumba mino ningere kuuka mapema. B: Ooh. Woman(Ba...'s mother): Hayani digirikani digirikani mukaza mwanangu nahenza aphole anirimire vuri. Mwaka(Mw):(about content of ndonga) Nidzisake? ",,1992/8/26 0:00:00
5027,"儀礼","ヤブァでの治療18","Chari"," Chari(C): Arya. Udzisakedze? Ni nyuchi mba. Ba...(B): Mba ni ulambe! Eeh eeh. C: Tsi za vivuri zino. Kpwamba zinasagbwa na viryangona vya majongolo mayo? Kpwa ta za vivuri ndizo zisagbwazo na vijongolo. B: Sambi ganagombwa gahendani muno ndani. C: Aah utsigombe. Mwaka(Mw): Yunakoka ye Jimwa. B: Kuugula kpwenda na kusema cho chako uhenzacho? C: Haya leteni mang'otole(Chigiryama:=mapeni) B: Mmh? C: Pesa mba. ",,1992/8/26 0:00:00
5028,"儀礼","ヤブァでの治療19","Chari"," Ba...(B): Mimi tsigamanya chipimoche kare vivi. Chari(C): Kugamanya chipimoche, nami nakpwambira. B: A ah go ga dzana kpweli? Bemba ta... C: Amba yuno nyama ni mushenzi(ス mshenzi=uncivilized person, native) baye. B: Haya. Mwaka(Mw): Haa nzo kuno. C: Mba undamukokotera. Vyondamukokotera lakini uchihewa zo pesa uchilaa phapho paka phana zakpwe mbiri phapho kuuka nazo. Utimule ziratu zako be umuphe. B: Aah! C: Vivyo namukokotera. B: Taireni sambi. C: Za mulungu. B: Garatu maneno hwagagomba dzana ta huchigamala. C: Mmh. B: Ela, sifisire. C: Bembereza ta unalaa damu. Sere vivyo. B: Sifisire mimi. C: Nawe be u kure muno. Mw: Sagala phapho. B: Mimi tsifisire. ",,1992/8/26 0:00:00
5029,"儀礼","ヤブァでの治療20","Chari"," Chari(C): Na u kure be. Ba...(B): Ni kure jeri, ta mimi dzigagomba pindi gago. Na dzikpwenda kare kpwa musena wangu yeriye kpwamba yuna akiba yangu. Nafika ni kapho yiye. La dzikala tsenzi hivino. Eeh. C: Eeh. Sambi ndazilavyaphi zo mbiri za kumupha yuno na tsi hizo? B: Tsina kamare vivi. C: Kuna Siliva Kalimbo za kumi? Hamamoto(H): Aah tsina. B: Tsimanya dza yuyatu mutumia wahi ko dzulu. Uu chikala dza dza phanjine wahi chikala yuna chenji la mimi... H: Yaani phanahenzwa siliva ngaphi? C: Phanahenzwa shilingi mbiri. Za kurichirwa hiyu. H: Ooh. Kala ni siliva kumi tsina, lakini kala ni mbiri tu ninazo. Hoo. ",,1992/8/26 0:00:00
5030,"呪文","ヤブァでの治療21","Chari"," (makokoteri for muduruma) Chari(C): Haini uwe muduruma, hiwe chisirani kuonewa, hiwe kalume ngala, hiwe magendero, hiwe kalume ngala ambaye ga ndani unagamanya ga konze unagamanya. Ukamba ndiwe kasidi uwe mulungu marambo we kpwenzi mwana. Uhenza utana Uwe ndiwe rero ni rero, ndiwe mandano, ndiwe mugayi, ndiwe masikini. Kpwa vivyo uwe mutu uwe, be wapatana na Mwaka na Mwaka vino yukala we kutanga na njira, kutanga na weru, kutanga na ulumwengu. Yutanga na dunia na kaphola. Ala unambwa ni uwe ndiwe mwenye kazi yiyo. Hiwe kalume ngala hiwe. Tsikumanya kpwenu ni Gopho, tsikumanya kpwenu ni Tsakake, tsimanya kpwenu ni Nyongoro. Kama kpwenu ni Chidzaya tsikumanya. Alakini atu ni kpwambirana na kumanyana nikulamusana. vivi rero be nahulamusane. Kulamusana nini wahi? Ni Mwaka yuyu. Be Mwaka ni mukongo wa peho. Mwaka ni mukongo, roho kpwahuka, chidzako roho kulewa lewa. Kusikira nzala ambayo kpwamba kayina chipimo(nzala bomu). Mwaka yunavimanya vivyo. Kukala sambi kusinda na kukala ni kusikira nzala, unavihenda we. Ndo chidzako yo ndani kuyitiya moho yenye ta kunguruma ta kusikira dzakpwamba mo ndani mwatiywa chitu. We unavimanya. Ndo chunu kutoka we be unaviidima kamare kamare. Hiwe kalume ngala hiwe. Unamba ga ndani unagamanya, ga konze unagamanya na chidzako be unayuga. ",,1992/8/26 0:00:00
5031,"呪文","ヤブァでの治療22","Chari"," Chari(C): Rero mino nakupha vuo, musena wangu. Ninakupha mihaso ya kujita. Wone baha baha ni kuphola. Uchona baha, hata kumba ni wira wenu mundakudza mupate, lakini vivi tsindamulaga mbara. Hata kumba ni nyungu yenu mundakudza mupate, lakini tsindamulaga mbara. Ala wahi, uzima ndio niuhenzao. Ninahenza uzima kpwa mwaka. Nahenza uzima jerijeri vivi mwanzo wa ndani mpaka chitswa, chifua moyo wa nyuma, chunu kutoka, magulu, mikono. Akale muzima yuno. Kakuna akili kuvugbwa, roho kubabaika. Chikala ni uwe kpweli. Ninahenza umurichire. Dzikupha virumbavyo mino vya kusaka, nikakupha mihaso ya kujita. Be tsidze ukaamba dzihewa miyo, ni tsiyirya. Ninakuricha kpwanza. Mwanze kumuricha yuyatu aratu achina makodza aratu aoge kare makodza gao ta amale, we gako be ga phapha vyenye ga mavumba tototo na mihasoyo midzo kamare kamare. Haya sambi hukale hunahendadze? Hunalola mukongo aphole. Be kumba ni kudza hewa wira, uhewe wira musena. Lakini vino pore musena wangu. Utsidze ukamuhendera tabu. Muriche aoge garatu mavuwongbwa garatu ga aa. Be samba kpwanza mulungu ndiye muduruma? Muriche aoge, nawe chidzako gako gandaogbwa. Gako nagaikpwe maana kutsanganyikana na mutu we Muduruma! Hai. Phamwenga na vivyo dzigamala jeri. ",,1992/8/26 0:00:00
5032,"儀礼","ヤブァでの治療23","Chari"," Ba...(B): Gasira vivi? Chari(C): Kpwanza dzigamala to. B: Vino be kazi ni yo mihi kutsakula wahi? Ala kisha yi phapho utu si ra haraka. C: Hofwii. Kondo ni yo mihi. O muhi ta kala u nzovuni paka ukautuwe. Uchamba natengeza vivi kpwa kamanya. B: Eeeh. C: Unadzifya mwenye na atsiphole. A aah. Be ta nikenda na yiyo ye yunamanyani. B: Kpweli. C: Hemu kaniwarire chiko changu muche phara phonze. B: Pho pehoni. ",,1992/8/26 0:00:00