2733,"呪文","ルブノのライカ治療０１","Chari Malau"," (Chari's makokoteri for providing mihi ya laika) Basi haini haini. Tsingari gombere saa zizi. Ninagomba kpwa Luvuno. Luvuno ni mukongo mwenye. Yunamba, 'mimi ni mukongo, ni mukongo wa chitswa, peho, kuphaphika, kunwa madzi. Be nidzizunguluka na sipitli mimi, hata yo dawa nichiyinwa yi mbali, na go gangu nirigo nago nago ga mbali vivyo. Hata mimi mwenye nidzikala be ni nuke. Ndo nikambwa enda vyako kpwa Chari, wende ukapatirwe vuo, na ngata, nikuhenda vivyo phanjine be yikakala ni laika. Maana laika ndiye mwenye kazi ya kuphaphisa na roho, laika ndiye mwenye kazi ya chitswa na peho, mbavu kuvunzirwa ndani, kunwa madzi.' Basi haini, mino namupha vuo na ngata na mihaso yenu, ninagomba na mwimwi mosi. Namuvoya a kpwa vuri, a kpwa mwaka, mulairo wa dzuwa na mutserero wa dzuwa, achina bugubugu, achina kaziya ka nyenze.
","luvuno,chitswa,peho,kuphaphika,madzi,laika",1991/9/4 0:00:00
2734,"呪文","ルブノのライカ治療０２","Chari Malau"," Ninamuvoya hata achina mwana duga, mwana toro, mwana mayunga, mwana mukangaga chimbikaya munyetera ziya. Mwanamulungu marera, mwanamulungu mulunguzi. Ninamuvoya a chirima cha dzombo, ninamuvoya achina nyonyi, ninamuvoya mwananyonyi ninamuvoya. Ninamuvoya be mosini, a marere mosini ninamuvoya achina chimbepho, hata achina makanga mosini namuvoya. Basi haini haini nidzegbwa mwenu maguluni. Vivi nahenza uzima wa Luvuno. Ninamupha ngata hiwe mwanamulungu, mwanap'ep'o, mubarawa, sanzua, bulushi, mukpwaphi, chitsimbakazi cha mbinguni, chitsimbakazi cha ziyani, p'ep'ok'oma wa kuzimu, p'ep'ok'oma wa ziyani, hiwe mugala, muboni, mudahalo, mukorongo, mukoromeya, hiwe dungumale, zimu chizuka, mudoe, mudoe ni uwe murimangao, mtumwa ni uwe mungindo.
","luvuno,laika",1991/9/4 0:00:00
2735,"呪文","ルブノのライカ治療０３","Chari Malau"," Himuno muna hiwe dena, na nyari, chiyuga aganga, luki, mbilichimo, kare na gasha, rero ni rero, uwe mandano, uwe mwanapungahewa. Phamwenga na uwe mudigo na ichiliku. Mosini, mumalaika, namwamba pore. Kuna uwe jine bara wa chimasai, na uwe gologoshi ndiwe ngai. Ngai ndiwe mukamba, mukavirondo, mumawiya, munandi, mumanyema. Haini haini. Nikadza nikamba hai. Kuna uwe mupemba na rohani, mwarabu, mwalimu kuruani. Kuna zikiri, zikiri maiti, zikiri maulana, jina maulana, jine bahari. Ninamwamba pore. Mino tsi muganga. Muganga ni mulungu. Kpwangu ni kpwika mukono wa neema. Kuuya luk'ombe lwa kanda, kpwenda sagala, kuhurira vivi. Be ninamupha amani, nduguzanguni. Muniphokerere yuyu. Achilaa phapha, ende akanwe mihaso, aoge mavuo, na ngata hiyi.
","luvuno,laika",1991/9/4 0:00:00
2736,"呪文","ルブノのライカ治療０４","Chari Malau"," Atsiphaphike. Kuphaphika kuriche. kala ni kunwa madzi, kuriche. Chitswa na peho chiriche rero. Mbavu kuvunza, ziriche. Atuwe shuhuli za kpwake. Be ye mwenye achidzaona uhenda baha. Mba undatsakula nafasi, akale undatengezerwa, adze azuzwe. Ala vino wahi mwinyi mumurichire.
","luvuno,laika",1991/9/4 0:00:00