3850,"呪文","トゥシェのムドゥルマの壷０１","Chari","(makokoteri for installing a pot of muduruma) Mino nikagomba. Be nagomba kpwa Umazi. Umazi ni mukongo na Umazi wanza pindi. Umazi anzapho pindi wahi. Umazi yunambwa yuna k'oma ya uganga. K'oma ya uganga yiyo wahi be hudzika nyungu. Hudziika nyungu swiswi hata hudzephya nondo. Huchamba hunenda virimani hunambwa be kahundaokola chitu paka uganga. Hudzikudza mwikira nyungu Umazi, ya arumwengu. Umazi nyungu yidzimushinda kamare kamare. Ndo fyokpwa na tapikpwa hata kukala kavidimikika. Ela hunambwa ni hiwe muduruma. Na chikala ndiwe kpweli, be hiwe nakumanya ukalapho hiwe be kpwenzi munzio. Na aduruma adzikpwa ni shirika. We unahenza uwe hicheyo. Na uwe hicheyo chidzako kundafanya utu wakukala ni wa kuokola.","nyungu,muduruma,k'oma,uganga,下痢,嘔吐",1991/11/8 0:00:00
3851,"呪文","トゥシェのムドゥルマの壷０２","Chari"," Na aduruma agomba achamba 'Harambee ni nguvu.' We unahenza phondosagala uwe be ukale uwe tu basi. Nyungu ya anzio uchiyiricha, uchishinda, hata yichirichwa. Ndo uchiphaudusa fyokpwa na tapikpwa na wari kutsariwa. Unamba nalorera. Huchidza lavya fungu ra muhaso ra uwe tu muduruma. Amba huya vino ni muzima. Be namanya ndiwe uriye mbere. Hudzapho kala sambi hudzilaga nyungu. Nyungu wahi ni rero. Na nyungu yiyi be kudzifukiza na uzima. Hata yiyatu ngoma yenye yichifika yiyatu be akale Umazi ni muzima. Ninakupha nyungu be kisha ya raha tototo. Nyungu mbidzo ya kukpwambira kukala mwezi tsano kundakala ngoma. Uhewe kazi ya wako. Mbona vino sambi hudziandika hunangalala. Mwanadamu ni mukongo kavidimikika. Amba vino ninahenzadze? Ninahenza uzima. Na ninahenza nione pesa. Pesa za uganga. Ni ulavye jeri. Ptu. Be na uzima unji vyo. Vivi be yendakudza alavye pesa kpwenda tu.","nyungu,muduruma,下痢,嘔吐,妨害",1991/11/8 0:00:00
3852,"呪文","トゥシェのムドゥルマの壷０３","Chari"," (holding Umazi's right ear in front of the pot, then makokoteri) Haini haini arumwengu. Arumwengu nagomba. Tsingagombere saa zizi. Basi ninagomba kpwa Umazi. Umazi wavyalwa ni abaye na ameye. Adziphovyalwa ni chumbe cha mulungu. Ni binadamu wa mulungu. Ela Umazi be yudzanza ukongo pindi. Be wanza pindi hata kuayuka achiayuka. Swiswi hudzitengeza manji na manji. Nyungu hudziika chila nyungu hudzika. Ela sino hunambwa kasidi wahi. Vino be mino dzikudza ika nyungu ya muduruma. Ela ninmwambira himwi arumwengu. Hiwe mwanamulungu ndiwe mwenye ngome, hata chamba kuna ajeni aratu be ni ajeni a kpwako.","nyungu,muduruma,arumwengu,kasidi",1991/11/8 0:00:00
3853,"呪文","トゥシェのムドゥルマの壷０４","Chari"," Mwanamulungu phamwenga na mwana p'ep'o, mubarawa na sanzuwa. Bulushi, mukpwaphi, chitsimbakazi cha mbinguni, chitsimbakazi cha ziyani. P'ep'o k'oma wa kuzimu, p'ep'o k'oma wa ziyani. Phamwenga na uwe mugalla, muboni, mudahalo, mukorongo, mukoromea, dungumale, zimu, chizuka, sunduzi, mudoe. Mudoe ni uwe murima ngao. Mutumwa ni uwe mungindo. Himuno muna hiwe dena na nyari, chiyuga aganga, luki, mbilichimo, kare na gasha, rero ni rero, mwana pungahewa. Kuna hiwe mudigo. Rero phamwenga na ichiliku ninamwamba poreni. Hata uwe jine bara wa chimasai. Kuna uwe gologoshi ndiwe ngai, ngai ndiwe mukamba, mukavirondo, mumawiya, munandi, mumanyema. Ninamwamba pore hata uwe mbilichimo phamwenga na digozee. Mwinyini, hukadza hukamba mwinyi wahi kunahenzwa uganga mwirini kpwa Umazi.","nyungu,muduruma,arumwengu",1991/11/8 0:00:00
3854,"呪文","トゥシェのムドゥルマの壷０５","Chari"," Dzuzi huchidza huchiika nyungu. Baada ya hudziphendula nyama kuaudza phamwenga. Huchidza ika nyungu. Nyungu yashinda. Kpwadze? Kpwa kuna kasidi. Yunahenza nyungu ya kpwakpwe adzifukize ya raha. Be hata akamba yunadza hewa nyungu ya uganga ya kukala ni ya kurongeshwa, akale yudzoha ya muduruma. Sino huchiika ya arumwengu. Na muduruma hunambwa ndiye ariye kpwamba yugali sana. Ndo fyokpwa tapikpwa sana. Wari kurichwa. Chila phatu kutika tika. Chizungu chinji. Vino rero hudzikudza ika nyungu. Nyungu tsi ya mutu munjine. Nyungu ni ya muduruma. Be mutsidze mukamba mbona sino kahuhewa nyungu yehu. Sino hunamupha yuyatu tu afurahike moyo wa kpwakpwe. Elakini sino huchilaa phapho hata kala ni tsiku mbiri hata kala ni siku tahu hata kala ni siku nne. Sino hundamupatira kadzungu kenu himwi arumwengu.","nyungu,muduruma,arumwengu,kasidi,妨害,下痢,嘔吐,rongesha",1991/11/8 0:00:00
3855,"呪文","トゥシェのムドゥルマの壷０６","Chari","Karatu ka kawaida. Ka kaya tahu. Ka kurongesha. Yiyatu ni ya kuronga yiyatu, ndo ya kulavirwa nze. Ela rero be sino hunaika nyungu ya muduruma. Afurahike. Amanye kukala kundahenda ngoma. Be ya kpwehu. Mwinyi sidze mukahenderana wivu.","nyungu,muduruma,arumwengu,嫉妬",1991/11/8 0:00:00
3856,"呪文","トゥシェのムドゥルマの壷０７","Chari","(makokoteri for kasidi) Kasidi ni uwe, kasidi kugbwirwa chitsuwa, kasidi kugbwirwani wala kugbwirwa lwaphi. Hiwe u mutu muzima, hiwe u mutu muzima. Be wa kaya tahu. U mutu muzima hata uchigbwirwa unamba atu anakuphurya. Kaziyo ni kpwambirwa tu. Kpwambirwa maneno ga chitumia. Na vivi rero sino be hunagaomba maneno ga chitumia. Be hunagomba na Umazi. Umazi wanza pindi. Yuna mashaka manji mwakpwe mwirini. Ela yiyi miezi yiyi miiri hudzikola hata wakala hunamba Umazi yundafa. Hata go ga ngoma gago be gakala gadzinilaa hata nakala namanya Umazi yundafa tu na fyokpwa na tapikpwa. Na kutsarya wari. Be huchitangatanga kosi vivi, hata huchidza agbwa phapha kasidini. Ni uwe vivyo. Mbona baye chidzako una utu wa kuuhusa anzio.","nyungu,muduruma,kasidi,kaya",1991/11/8 0:00:00
3857,"呪文","トゥシェのムドゥルマの壷０８","Chari"," Sino huchidza lavya fungu ra mihaso tu bahi. Maana hudzigahenda manji. Lakini fungu ra muhaso tu, ndiro kala rinahenda baha Umazi. Wari achirya. Kuphaphika achiricha, be unamba achihenda vira, unamba ndo kuvoya na kupata. Hebudze? Vino rero wahi dzikudza dzikogopha musena. Dzikogopha, maana we wamba kukala 'mino, anahewa nyungu aa nyangarika(unimportant people), mino tsipata.' Na anadamu be achikala phamwenga, chila mutu yuna maryage. We unahenza kurya kpwa uwe hicheyo tu. Anzio afe na nzala. Haya pore wahi. Uzidze ukamba ninakuhakana. Rero nidzikudza lavya nyungu. Nyungu ni ya uwe kalumengala, wambaye ga ndani unagamanya ga konze unagamanya. Ukamba 'mino ndimi kasidi, mulungu marambo. Tsenzi mwana, hata nahenza utana.'","nyungu,muduruma,kasidi,kalumengala",1991/11/8 0:00:00
3858,"呪文","トゥシェのムドゥルマの壷０９","Chari"," Uwe rero ni rero, ndiwe mandano, ndiwe masikini, ndiwe mugayi. Hiwe hiwe chisirani konewa. Ukambwa ndiwe magendero, ukambwa ndiwe shaka. Kpwenu ni gopho, kpwenu ni Sakake, kpwenu ni nyongoro, kpwenu ni Lukakani sikumanya musena. Kpwenu ni virimani, mihi mibomu hiko karimanjaro. Be rero dzamba utserere udze wohe nyungu. Utserere ukulae kuko dzulu virimani. Ubandane na mitudwi uwe, hata uloke phapha(come here, felling trees of the bush), udze uohe nyungu na Umazi. Utserere kulaa hiko dzulu, Chilibasi, udze vyako udze wohe nyungu na Umazi. Amba pore musena, ninakupha pore. Be na makazi kpwa unji. Maana atu anahenza kurya be na kuhenda kazi. Vivi mino ninakukarabisha nyungu. Nyungu yiyo be yina wira. Wira udzo sana.","nyungu,muduruma,kasidi,dzulu,上下,weru,nyika",1991/11/8 0:00:00
3859,"呪文","トゥシェのムドゥルマの壷１０","Chari"," Na vivi be nahenza yendalaa kuko, hata achamba nenda kpwa Umazi. Achidza fika phapha, magana mahahu. Yendalaa kuko achamba nenda kpwa Umazi, achidza fika phapha yuna magana mairi. Yendalaa kuko achamba nenda kpwa Umazi, yuna gana. Hata ziratu pesa za kukala mundahewerwa kazi sambi, zikale zindalaa kpwa aratu atu nyondakala unadza lola Umazi. Humanye ni uwe kpweli. Na namanya ndiwe, maana kasidi unayihenda nyinji muno kpwa Umazi mwirini. Hata udzimwika kana maana. Ndani wayodzaza pindi. Chunu kutoka. Mwiri kuvunzika vunzika. Tapikpwa nyinji. Gano mavi manji genye galaago mo mwakpwe ndani. Mo ndani mwa Umazi be galaa phi? Mutu karya kisha mavi ganalaa manji genye. Kumanya we una kasidi ya kuphupha. Nawe be hata kukokoterwa uhenda ambirwa. Chidzako ukamba udzigomberwa. Amba mwinyi baye.","nyungu,muduruma,kasidi,uganga,排便",1991/11/8 0:00:00
3860,"呪文","トゥシェのムドゥルマの壷１１","Chari"," Dzikupha nyungu. Hiyo ni ya furaha. Kisha yichisira yiyo be, sidze ukamba undahewa nyungu yinjine. Yichisira yiyo yinadza nyungu ya kurongesha ya arumwengu. Yiyatu ya kaya tahu vivyo. Ela vino rero be dzikpwamba pore, musena wangu, mwinyi. Nyungu hiyo musena wangu, uphokere nyungu. Be uphokere nyungu chividzo. (to Umazi) Haya potosa mumu. Yuno naye kamanya kupotosa! (Umazi drops 2shillings into the pot.)","nyungu,muduruma,kasidi,rongesha",1991/11/8 0:00:00