7228,"論評","マゾラでの１２月１日のカヤンバ1","Chari&Murina","H: Yaani yuyatu mwana wa ndonga ni wa phiri? Ni wa mwanawe mwenye? Murina: Mwana wa wakpwe mwenye ni wa phiri. Mwana wa ndonga ni wa phiri. Maanaye wa kpwanza wapewa mwana wa ndonga, be achivunzika. Chari: Wa mwana munjine lakini. M: Wa mwana munjine. H: Yaani yuyatu ya kuvunzika wahewa wakati ye kadzangbwe kuvyalwa? M: Ee Dumae wakala kadzangbwe kuvyalwa Dumae. H: Ee kpwa vivyo ni wa kuvoyera mwana. M: Eeeh. H: Sambi mwanawe achivyalwa na yuyatu mwana wa ndonga.. C: Achihewa. H: Na sambi achivunzika. C: Achihewa, achivunzika. H: Ndo achivyala mwana wa phiri.. C: Mmh. H: Na achikala mukongo ye mwana. C: Eee. H: Ndo ahewe kahiri. C: Mmh. ",,1993/12/2 0:00:00
7229,"論評","マゾラでの１２月１日のカヤンバ2","Chari&Murina","Murina: Be nao ati anatiya myoyo ya kuku jeri kumba! H: Na ye muchetu tsi muganga na kisha atsakule yuya mwana wa ndonga yiye. Ndonga yafitsirwa. Chari: Mm. Dzigaona rero gago. H: Ee kahewerwe vivi kare. 'Haya haya mwana yunarira!' C: Yufitsirwa nyumbani. M: Ndo akamutuwa ko nyumbani? C: Samba ukpwenda wala mwenye mino. Ta hudzikpwenda hosini na Kalimbo. Udzikpwenda samba? H: Mmh. C: Yuyatu mwana wa ndonga kawaida ni ahewe. H: Mmh ahewe tu vivi. C: Ee. Na mukono. Unakarabishwa ni ndugu na aganga. Lakini o kukala ende akafitsirwe pho muyangoni, ha ye ukpwenda kpwani akenda muchira ta akenda ndani. Kumba ye mwana yu pho muyangoni. Udzikpwa pho pembeni. M: Ta mauyi.. C: Ndo akamona. Chila mutu yuna ugangawe. H: Mmh. ",,1993/12/2 0:00:00
7230,"論評","マゾラでの１２月１日のカヤンバ3","Chari&Murina","Murina: O moyo wa kuku, atsinzwe kare, kuku ahulwe kare. Be moyo uchere kutetema, 'tu, tu, tu.' Ufungbwe fungbwe kare chidemu, ufungbwe fungbwe kare, utiywe kare! Kuno uchere kupiga vyoyo vivyo. Chari: Ha a! Kandakpwenda ola? M: Ndipho dzikala namwamba. H: Yaani moyo wa kuku watiywa? M: Ee hata ndimi yedzeutiya. H: Aa dzikala ni konze. Tsigaonere. M: Ndo namwamba, 'be gaga gosini baye unagahenda..' C: Be we udziutiyadze we? M: Mba dzambwa nitiye. Kpwani o enye atiya! C: Mmh. M: Aa! Bora mambo gabanangike tu we. H: Kpwa vivyo yuyatu mwana yukala tayari kare saa tsano? M: Saa kumi. H: Saa kumi za chiramuko? M: Dzimuhunga mimi. Utayarisha usiku. ",,1993/12/2 0:00:00
7231,"論評","マゾラでの１２月１日のカヤンバ4","Chari&Murina","Chari: Mimi dzana nahunga ushanga wa hipha, nichihunga ushanga wa hipha. Ndo nichihunga mwana wa ndonga. Aa ushanga unaturisa. H: Mmh. Wakala ni udide muno. Murina: Walagizwa ni Mechombo. C: Ni Mechombo. M: Dzana achikala ni musiru musiru mwenye. C: Aa dzana wakala ni musiru ta nichihenda mukanya. H: Yani wakala musiru kpwadze? C: Hata tsimanya. Aganga anjine ana choyo. Maana kama viratu vyoambirwa ngoma ni yuyatu Mwainzi, sambi ye mwakpwe moyoni unamba, 'Haya yo ngoma ni yangu na yiye vino wakpwenda ambira aganga anjine.' Ni moyo wa pesa tu. H: Mmh. C: Mm be mba mino ta tsituwire pesa. Ta chikala tsina ni ko kpwangu, lakini mino dzikudza nimanye viratu aphulavyo mizigo. H: Eeeh. C: Eeeh kuwala ujuzi. H: Ndo vidzo. C: Kona mino dzikpwenda dzik'ota ta mo ndani ya madzi!",,1993/12/2 0:00:00