(注意: タイトルには「呪文」とか「壺」治療とか書いてあるが、これはテキストをデータ化した際の熟考を欠いた翻訳のせい。データに手を触れないために修正せずにそのままにしてある。「呪文」は唱えごとに、「壺」は鍋に読み替えていただきたい。)
4526,"呪文","トゥシェ、チャリに壺治療０１","Tushe, Chari","(muzyondoherangluwe) T: Asena! Mimi nidzikudza phapha, na dzikudza phapha, be dzikudza vunza mihi. Nikaike nyungu. Nyungu tsi ya mutu munjine. Nyungu ni ya mwalimu dunia. Phamwenga na jamba. Na uganga uu be tsiwiyire. Uganga uu nauhewa ni Murina na chari. na uganga u vivi be ninanza. Na mwana be wambwa kaamwisa ameye. Amwisaye ameye ni memwana. Vino sambi ye mayo be kana mutu wa kumwikira nyungu. Na kakuna muhaso nyotsophoza mutu. Vivi dzamba nichifika phapho kpwanza nichimwikira nyungu, ye mayo riri bugubugu ra ndani be ruke kamare kamare. Maana u uganga tsiwiyire. Nayuka hangu ni mudide. Na yenipa uganga be ni mwalimu dunia. C: Aa bemba manjine unago mwenye. T: aa amba mino dziloka phano, nikaloka phapha.. Mayo we! C: Aa kakuna chitu.","nyungu,muhi,dunia",1991/12/7 0:00:00
4527,"呪文","トゥシェ、チャリに壺治療０２","Tushe, Chari","T: Nikaloka phapha dzituwa kudza vunza mihi. Nivunzapho mihi uu uganga be tsiwiyire. Nahewa ni mayo, mayo Chari. Na baba Murina. Mino dzikudza kudza vunza mihi, nikamitire nyungu mayo. Maanage yu vivyo. Mwana kalagula ameye. Ameye ndiye alagulaye mwana. Vino ni vivyo kakuna. Sambi mino nidzikudza vunza yiyi mihi yangu nende nikamitire nyungu mayo, ya mwalimu dunia na uwe jamba, joka wa majoka. Be achikala ndimwi jeri, yuyatu mayo nichimwikira nyungu, kpwanza yuyatu mayo hata kumba yunaikirwa nyungu ni atu anjine. C: Kpwanza dzuzi nakuloha muno.. T: Ela vivi rero onavyo mimi mwanawe wanilavya dzuzi, na dzikudza anza nyunguye. Be dziamba hata achikumba teri mayo aphole hata adze anipe mukono kuratu Chinango. Ambe mwanangu tsina ukongo wowosi mimi phapha.","jamba,nyungu,muhi,dunia,親子,muganga",1991/12/7 0:00:00
4528,"呪文","トゥシェ、チャリに壺治療０３","Tushe, Chari","C: Apige uganga na raha. T: Naapige uganga na raha. Hira dzijoka ruke tsetsetse pharatu rohoni, hata rikatsakule phatu phanjine risagale kisha rihurire. Yiye rero be mayo ninamuvunzira mihi na mihi ni ya nyungu. C: Na uganga wangu uzidi kutsamuka be. T: Na uganga wangu be ung'ale chikala ni uwe mwalimu dunia, na uwe jamba, joka wa majoka. Naung'ale hata kuno kukala tsiloha utu nagarichike. Maana mino tsilaviwirwe konze nitsilohe. Na mino uganga waniayusa hangu ni mudide hata vivi. Na nichihenda nambwa ni uganga. Tsina nguvu hata nichipata nguvu. Haya vino nalaviwa nze. Be pakapaka hata mwana wa mongoni aloke kpwangu. na chiloka ni sawa tu. Hata samba uno ndio? C: Eee vunza. Chidzako ugombe na hura wa mulungu hura.","nyungu,muhi,dunia",1991/12/7 0:00:00
4529,"呪文","トゥシェ、チャリに壺治療０４","Tushe, Chari","T: Ee unatsanganyirwa? C: Ee. Maana nikamba wanze kugomba na uu ni yo nyungu ni ya hiye. T: Ni ya hiyu mba. C: Sambi uratu nao ni uvunze kare tu wambe uu muhi ninaugbwira. T: Phana vuo? C: Eee? T: Una vuo? C: Ee. U muhi u ninauvunza mino tsiwiyire vivyo u uganga wa mulungu nauhewa ni.. T: Aa pho ni bahi pho nirichira mwenye. C: Nauhewa ni Chari na Chai. Uu wa mulungu. T: Nagasikira gosi higo. C: Ni baha kukpwambira mwanangu umanye.","nyungu,muhi,mulungu,教育",1991/12/7 0:00:00
4530,"呪文","トゥシェ、チャリに壺治療０５","Tushe, Chari","T: Mutu mimi dzikudza kuku tsakani. Na dzirehewa nini? Dzirehewa ni kudza wala mihi. Na yiyi mihi tsikpwamba nayiya. Tsi mwivi wa mihi mino. Tsiku zosi tsiiya. Elakini wahi. Nalaviwa nze dzuzi ni Mayo Chari na baba.. Ndiyani? C: Chai. T: Chai. Mimi nidzikudza wala mihi nikaikire mayo nyungu. Na uwe mwanamulungu ndiwe mbuomu uwe. Ndiwe mwenye dunia kpwanza. Hebu ninenda nikaikire mayo nyungu na yiyi nyungu yiyi yangu hata chikala wari yunaikirwa nyungu pindi yenye ni aganga. Kisha aganga abomu. Be mimi ni mwanaganga hata wanilavya nze yiye dzana. Ela dzihenza yo yangu yikale mbere. Hata nichenda mwikira nyungu, ye mayo atsiniambire ukongo uratu ukongo ausemeo, nyungu zinaikpwa na kaphola. Nahenza hata achenda dzibandika yo nyungu yangu, ni tsiku yiyo hata ra phiri, ambe 'asenani ela ndarichirwa mino.'","nyungu,muhi,mulungu",1991/12/7 0:00:00
4531,"呪文","トゥシェ、チャリに壺治療０６","Tushe, Chari","T: Muganga ni taire. Mino nalaviwa. Tsiyire muhi. Hata nahenda onyeswa ni mayo Chari, be na baba Chai. Muvugule huya mayo. Kisha uwe mulungu univugule kisha univugule sana. Maanage uu uganga mino tsihenzere henzo rangu. Kpwanza mwaniayusa. Hata mukaniayusa kamukarire munahenza nyo uganga? Bemba walaa, heka hata tsona maneno. Ni kuvugula wahi. Hata phachikala phana mumwenga wakoseka kumufyula kanda kung'aza uganga. Maanaye uratu uganga uchikala ulengeka, hata unenderera hata ye mumwenga naye yundafurahi. Heka munaniyuga. Vugulani kisha muvugula sana. Uganga ung'ale na yiyi nyungu yangu nenda mitira mayo. Na yuyatu mayo be nichenda mumitira be utu uo ukale wamba ni nawika mimi, wuke.","nyungu,muhi,mulungu",1991/12/7 0:00:00
4532,"呪文","トゥシェ、チャリに壺治療０７","Tushe, Chari","(gorimanga) T: Dzirehewa ni kudza wala uwe muhi gorimanga, nikamitire nyungu. Nenda mitira nyungu mayo. Na uu uganga tsiwiyire, tsiyire uganga. Nalaviwa dzuzi mino. Hata phapha phako tsifisirwe, elakini ninashukuru vivyo. Nenda nikamitire nyungu mayo. Yuyatu mayo, hata chikala dzuzi, dzana, mayo Chari na baba Murina, chikala dzuzi na dzana, wakala akamitirwa nyungu ni asena aganga abomu. Ela vino kaphola. Mimi be dzikudza wala uwe gorimanga, nikaike nyungu yangu ye mayo. Ukongo naukale pungu wuruke. Kpwanza achenda dzifukiza yiyi nyungu yiyi, paka ambe aa ninamitirwa nyungu, elakini tsi hivyo. Mimi tsisikira utu uganga ni taire. Mino dzituwa mihi kuku tsakani. Na mino tsiyire uganga wahi, naonyeswa uwe gorimanga ni mayo Chari be na Murina. Be dzana.","nyungu,muhi,dunia,gorimanga,病歴",1991/12/7 0:00:00
4533,"呪文","トゥシェ、チャリに壺治療０８","Tushe, Chari","(makokoteri while digging roots of mubambakofi) T: We uwe mubambakofi, mutu mimi nidzikudza phapha. Dzuzi nakala phapha nichidza onyeswa uwe. Mutu mimi dzituwa mihi ya kpwenda mita nyungu. Kpwa vivyo yiyi mihi dziyituwa nikamite nyungu be ya mwalimu dunia na jamba, joka wa majoka. Vivi niukavyo na uwe mubambakofi, nenda mitira mayo be wa chiganga. Be yiyi nyungu yiyi nayikale dza zosi yiyi. Hata nichenda yibandika hata achidzifukiza, be mutu yuyatu mayo Chari akale kana ukongo, na ndiye nipa uganga be na baba Murina. Be niwuse tsetsetse, ukale mutsuchi utsuke. Muhaso wa mayo Chari nanii ukongo wa mayo chari wa mwirini. Haya. H: Yinatosha? T: Ee.","nyungu,muhi,dunia,mubambakofi",1991/12/7 0:00:00
4534,"呪文","トゥシェ、チャリに壺治療０９","Tushe, Chari","(mugandi) T: Mimi ni muganga na nyo uganga be walaa dzana. Lakini tsiyire muhaso manaye hangu phapho wari kamunona nadza musuhuni kutsakula mihaso? Nahenda laviwa konze na uwe mwalimu dunia. Na uwe Jamba, jambalulu, joka wa majoka. Ni uwe tsikpwiyire mino. Mino nahenda laviwa ni mayo wa chiganga, ni Chari. Na baba wa chiganga, ni Murina. Kuhenda nionyesa yiyi mihi yiyi. Kpwa hivyo mimi rero dziloka na dziloka na chiriro cha mayo. Mayo yushinda aganga. Muganga ambaye yunamulagula kpwakpwe tsi muganga. Be wanilavya dzana, lakini mimi nami tsiwiyire na kuayuka na anza pindi. Na uwe joka wa majoka, be waniphenya kulaa hangu ni mudide. Hata dzikula hosi. Uwe mwalimu jamba, uwe mwalimu dunia.","nyungu,muhi,dunia,mgandi,jamba",1991/12/7 0:00:00
4535,"呪文","トゥシェ、チャリに壺治療１０","Tushe, Chari","T: Kpwa hivyo mimi be dzituwa mihi, nikamitire mayo nyungu ya uwe joka wa majoka. Uwe mwalimu jamba, uwe mwalimu dunia. Kpwa hivyo mimi nichenda ika nyungu yiyi ya mayo yiyi nyungu yikale ngoma, yiyi nyungu yikale nguo, yikale chila chochosi. Aphole ye mayo, hata ambe aa napigbwa nyungu mimi tsiku zosi lakini vivi yuyu mwanangu be nafikiri tu tsimanya yundanikaphi. Maana tsikpwiyire uwe nyoka, wanitsunuka hangu ni mudide. Kpwa hivyo mino nami nichivumirira hata nichidza henda laviwa konze. Rero nidzituwa uwe mihaso. Mihaso ni uwe mugandi. Nikamitire mayo nyungu. C: Kavunze hikura. T: Lwaphi? C: Hikura. T: Ee ni dzwani. Natosha fuso na vuo? C: Ee bemba kura nako undapata dzavyo. uu hangbwe undapata dza vyo.","nyungu,muhi,dunia,mgandi,jamba",1991/12/7 0:00:00