5583,"問答","霊の棲む場所（ムリナの体験談）1","Mwainziの屋敷"," Chari: Pho pho dzulu phana bumba(ス= swarm) ra nyuchi ta ta ni upuzi(ス= uphupha). Anzazi: Ro dziphangare be ko dzulu? C: Ee. A: Ni dza kuratu muyuni. C: Be ta o nyuchi mino ta .. aa! Hinya laa aa. Anji achichimbira. Murina: Yunacheza rumba hipho na nyuchi kahuaona sino. Ni tsimya huchilaa tu. A: Kpwani muchifika phara munaphenya muratu ndani? C: Mo madzini? A: Ee mo ndani ya rira dziphangare? M: Amba paka uphenye! C: Naphenya muno yenye mino kpwanza ni nichima paka nende ta ko ndani. M: Ni uphenye mo madzini amba hata gafike phano go madzi. Sambi ro panga ro rikpwenda kuko. Sambi utsimye kpwenda kuku. Mwainzi: Siku yiyo? C: Ee ta Kalimbo achitapatapa wamba mayo yuzizimira tsetsetse ta chitswa kachoneka. A: Ni kazi. Mw: Kunachira kazi kuko! ",,1992/10/7 0:00:00
5584,"問答","霊の棲む場所（ムリナの体験談）2","Mwainziの屋敷"," Chari: Asena achuka kare, airi be na mwanangu mumwenga wa chiganga. Namona wee wee wee chidzitswa pitu pitu pitu. Nichimushonera pingu achiphola. Mwainzi: Aa ni phakali. C: Ni phakali. Anzazi: Sambi hiphara unahenzwa uchenda ukale una.. viratu vihingbwa ukale unavyo viratu. C: Mm. Aa mino tsiricha vihi vyangu. Murina: Mino nakala sina. C: Yuno wakala kana. A: Sambi ndo anjine chikala kaana. C: Aa nami nichiashonera shonera osi. Mw: Anambwa ano be atuwani ano. Na ano ta kaana ano. M: Lakini naye yunanimanya kukala nakala tsenzi kuku wangu. Mw: Ano ana mbuzi atiywa kuku? A: Simanya kumba atiywa kuku. M: Yunanimanya nakala tsenzi kuku wangu, maana namuphoka kpwa lazima. C:(to a girl) We u mukaza Ndegbwa au u mukaza Murina? M: Pharatu chimbarara(name of muzuka) chiratu chiphanga(dim. of p'anga) chiratu cha kuratu huvunzako mihi kuratu dzulu, pho phatu ni phakali. ",,1992/10/7 0:00:00
5585,"問答","霊の棲む場所（ムリナの体験談）3","Mwainziの屋敷"," Chari: Pho pha kpwaanza kpwenda dzuzi? Murina: Ni phakali pharatu phatu. C: Dzuzi wakpwenda heka madzi yuya mwanangbwa wa kulemba yuya.. Yunenda ta yunadza fika yunamba yuyatu mwanamuche paka alae uganga. Yunamba mayo phodzikpwenda heka madzi, waa! Si chidogo. Phana atu anji tatata. Namba aa ni muvyoni yuno. Na ni kpweli. M: Hipho phatu ni phakali. Dzuzi kuche.. ni dzuzi kucha dzana wakala yukpwenda niwarira ura muhi, namba kaniwarira muhi kamare. Sambi nichenda ta phapho. Mwainzi: Yuno mwanache yukpwenda kare madzini? M: Be nasikira utu. C: Na chisha yo pangangbwa ni yiyatu. Anzazi: Na yiya yo ngata yenu ni kukala munayo? M: Aa yakala yi nyumbani. C: Kpwani yunayivala ye? M: Be nasikira maneno gangu genye. Nasikira bweke bweke bweke mo masikironi. Weke weke weke. Naona gaa. Nini nani? Kudza peho yinjine yenye ambayo ta yiyo kayinipiga. C: Uwe uchenda pho ta uchamba unatuwa ro dzi.. riro ta.. ",,1992/10/7 0:00:00
5586,"問答","霊の棲む場所（ムリナの体験談）4","Mwainziの屋敷"," Murina: Sambi nichenda gbwira o muhi, be zo nyere hara hara hara. Namba aa shauri yako wewe, mimi navunja mti. Chari: Ni hiphara pha kpwenda dzuzi Kalimbo ta halafu ndo huteremuke tsini. H: Mmh. M: Mara ya kpwanza o muhi wakpwenda nivuha ta dzakpwamba una sipaki o muhi. Kuugbwira uchinivuha yuno naye yunanivuha nichiuvunza. Mwainzi: Mba go mambongbwa unahenzwa ugafanye mo mwirini. C: Hipho phatu tsi phatu. M: Nichuka na ro phungo mwenga tu. Tsiuyire kahiri. C: Mba naamba mbona ta yukudza na kaphungo kamwenga kenye? Anzazi: Chisha washindwa vivyo. Amba ye wawala ro phungo mwenga o unjine kauyire kahiri. Kpwa ro roho be rari ri chivinjine. M: Namala wiki kachidza hiko kadaro nizomorera tu. ni Hoo! Mwivi hoo! Mwivi! Yendaamba mwivi yunachira kare phanadza munijne kare. Hoo mwivi! Huya yunachira. Be osi kadaro kazima kachimala kunizomorera kosi. Be kunozomorera vyama vyama kpweli. A: Urere ama? M: Nirere. Sambi yendakudza yunahenza hoo mwivi! Huya yunachira. Tsetsetse. Kachetu. Aa hiye ni mwivi mwivi tu. Nalamuka namba be o wivi wangu ni wa utu wani? ",,1992/10/7 0:00:00
5587,"問答","霊の棲む場所（ムリナの体験談）5","Mwainziの屋敷"," Anzazi(A): Amba munaiya mihingbwa na kamuyi.. Chari(C): Yunahenza chikala yunenda mihini dza viratu yiyatu pingu akale yunayo. Mwainzi(Mw): Mm ni baha. C: Naye achimala yo kazi ya kuzuza ni.. Murina(M): Ndo achiloka hiye munjine. Achidza nonyesa hiyo mihi, achinonyesa, achinonyesa, be nikavunze yiphiyo na mino mihi nayimanya kare. C: Chisha chikala udzonyeswa dza viratu we vunza. Maana o uhenzwao wenye be ni uganga. A: Ee ni uganga. Mw: Yunahenza alaviwe nze. C: Yunahenza alaviwe nze. Munadza mupunga sambi. A: Na yiya yiriyo munayonyeswa kaphana muhi urio kuumanya ta yosi ni yiyo uyimanyayo? M: Yosi nayimanya yosi tsetsetse. A: Lakini baada ya kuonyeswa ni uganga ndio uhenzwao mba. C: Aa be wahenzwa rero? M: Haya ndo achidza hiye wa kunichesesa kunizuzisa sambi. C: Naye achikpwatya vivyo mba hee, unula phapha wende naye ta kala ni kuko lwaphi. Kalamuka paka kuche. (now the topic has shifted to that of Murina's pepo) ",,1992/10/7 0:00:00
5588,"問答","ムリナの霊とウガンガ1","Mwainziの屋敷"," Anzazi(A): Sambi kura kuzuza unazuza mukongo, hebu ni unazuza tu? Murina(M): Ndazuza mukongo vyenye. Ndo ndaimba mimi hata o wira ni wa kunilavya matsozi paka nirire. Ta nichilamuka matsozi gajera jeri. Chari(C): Nzala yidzegbwa na nambwa.. M: La achiloka yiye wa chiremba yiye, haya be napata kazi komu sana. Hamamoto(H): Ni yuphiye? M: Mwalimu jinja. Mimi be nazuza kpwenda na hiye kpweli kpweli, hata o anjine mbai, ela hiye yusita muno, kaviidimikika kamare. Maana kamala miezi miiri. Na yo mihi anonyesayo na ni yiyo ya kawaida. Mwainzi(Mw): Sambi uchenda ta uchidza laviwa unganga unadza onyeswa mihi kahiri. M: Ndo nisagalapho sambi. Be mino nende nikavunze mihi yiphiyo. Mw: Aa be mino naonyeswa maana mino nalaviwa... ",,1992/10/7 0:00:00
5589,"問答","ムリナの霊とウガンガ2","Mwainziの屋敷"," Anzazi: Be kura kuyivunza undaidimadze kpwenda yivunza nawe paka ulaviwe uganga ukale unenda lagula mukongo. Kpwani we vino unaidima kuyivunza ukalagula mukongo? Murina: Ta! Chari: Yiyatu kawaidaye nini. Chikala udziyonyeswa dza viratu, kaadzikonyesa vyo! Uyivunze kare adze avunze vunze kare mwenye aoge. Basi. W2: Ehee. Ni vivyo vyenye. vivyo vihenzwavyo. Haya sambi uchilaa phapho undasikira o mwirio zukpwe. M: Ndo sambi dzuzi achiloka, be achenda nikpweza muhi ure muno. (to a baby)Chari: Haya enda. Enenda mwenye mba. M: Muhi ure wenye wa dzulu kamare ta namba ni muvure uo. Ko dzulu kamare ta huchenda yaha go makodza vivi. Ko dzulu. Mwainzi: Nayo ndiyo kazi yao yiyo. M: Waa! Ndo chisha yunanamba wala peho za mwaka, wala peho za mwaka. Uwale peho za kpwa vuri, za mutserero wa dzuwa, za mulairo wa dzuwa. Be uhende nigaluza dzakpwamba yunanipiga picha. Nasirima mimi. Mw: Bemba nawe uchilaa phapho mwiri kauloka. Anzazi: Bemba gafanyeni. Sambi mundakala a kusirima vivyo, hata rini. M: Be yo nzala yikpwenda kola mayo, ta tsimanya ndayivumba nani. ",,1992/10/7 0:00:00
5590,"問答","ムリナの霊とウガンガ3","Mwainziの屋敷"," Anzazi: Aa be yino nzala kamundayibara ta rini mwi. Yo nzala na ukongo? Yino nzala be yo yindauka. Yino nayo yakudza ya kamare. Mwainzi: Mino be ni minyana na atu kpwenda. A: Ni kukaza mairo kupata. Phano ni gano ni mapeni ga nzala gano ni ga kufanyirwa o mwiri kpwa unadzitetea(ス= kudziteteya, ku-hehera) o mwiri. Murina: Nakpwamba hangu nilae pho Ching'ora cha nzala, mimi tsina kazi kamare... A:(to a baby) Uwe unamwaga ushanga baye mba. Uka. M: ..hata ni mutu tu. Haki. Ni mutu tu mino nisegere tu. Tsimanya kunachira ani? Mw: Ganaidima kuziza hata o ako a chidzomba ulagulao ao. A:(still speaking to the baby) Mba uwe richa. Uwe undauzola mwenye vivi. Haya uka. Mw: Nyama ana tabu. Mimi dzimanya kukala nyama ana tabu.",,1992/10/7 0:00:00
5591,"問答","霊は厄介な存在1","Mwainziの屋敷"," Mwainzi: Nyama ana tabu. Mimi dzimanya kukala nyama ana tabu. Murina: Yiye(Chari). Ye ta o kurya wari tu kenzi. Chari: Ndo dzuzi.. ndo dzuzi yichikpwatya hiyo damu. Dzuzi kusinda dzana. Mw: Cha chama cha kuzirwa wari chi phapha mba. M: Ko kurya wari tu, ye kawenzi o wari. C: Vivi machero ni mutu wa kutsarya wari. Machero ni alamisi mba? Dzimaka. Mw: Kauriwa wari! C: Paka muhondo.. nikalole ngawa viazi na kabichi. Haya kuchicha, be mino nikale chakurya changu ni chicho kare. Mw: Phapha na kondo phapha o waringbwa be uriwa gagada phapha. La achirya chapati yuyu, haya ni bahi. Haya yiye alokaye achiloka phano ni kale phana sigara phano. C: Mimi nami o chama cha sigara chananza dzana. Dzana nakpwenda gula sigara na chiramuko. Be mba kuyisikira yi mutswano na ni mwenga ta nichiyifisa nichiyika. Mw: Chama cha sigara. H: Ni nyama wani yehendaye chama chicho? Mw: Muzungu wa mumiani tu. H: Mm. Muzungu wa mumiani. C: Haya yuyu na kumumanya yuyu. ",,1992/10/7 0:00:00
5592,"問答","霊は厄介な存在2","Mwainziの屋敷"," Murina: Na hata yuyu masuruwale pia. Chari: Ta yuyu wa zunguo yuyu yunavuha. H: Yaani ye muzungu wa mumiani ndiye mukahaza wari alamisi? M: Aa ni yuyu muzegeju. H: Ooh muzegeju. Lakini chama cha sigara ni yuyu muzungu wa mumiani. M: Muzungu, hata yiye yunavuha. Hata yiye yunavuha ye muzungu. Mwainzi: Kpwanza ta ni pesa ni sina, la ngere nakpwenda yipima kare yo nguo. Chisha nguo tide yenye. Nambwa Aa! Kisha yunaloka ye mutu, mino nichikala nisegere nyumbani, lakini nisegere dzuludzulu vivi. ye yu dzulu dzulu ya magongo. Yo nyumba yaikirwa magongo vivi. Sambi ye mutu achiloka achidza nilamusa achimala. Achitserera pharatu. Mayo yunamba kamuphe chihi. Be ye mutu yuvala nguo. Yo kofia zo nguo zirizo uko ni nyinji zenye. Ko kashati nako be ni mihi minji yenye na yuna chitabuche mukononi. Sambi yunamba mino mba ni mwaruwa wa abudu(fr.(ス= ku-abudu serve, worship)). Sambi nichuka chiratu chihi nenda chiwala, yunamba aa mino tsindasagala hikuno. Nireherani kuratu kpwangu nyumbani ndiko kpwenye na vihi vyangu vya kusagarira. Na mino tsisagala na chihi cha mutegemeo mino. C: La tsi mbilichimo? ",,1992/10/7 0:00:00
5593,"問答","霊は厄介な存在3","Mwainziの屋敷"," Mwainzi: Mino ni sagala na chihi cha magulu mino. Ndimi kare kulongoza naye chisiku kpwa nenda naye kuratu nyumbani. Yunamba be unaona mino dzikpwamba ni mwaruwa be wona ni mwaruwa wa dudu. Mino kumba kunimanya be ndimi mugayi. Ninagaya uwe ta kona go matana gangu we wona ni nguo mwenga yino? Mino be ni mugayi. Ha hinde vyehu ko nyumbani, be nikakpwambira maneno. Na kulongoza naye hata nafika phapho na kumubitira cho chihi cha magulu na kumupha. Be vyo yuvala.. Murina: Na matambara matambara maphuphu. Mw: Ee, nguo ya .. ee chila chitambaa mo mwirini. Sambi yo kofia yina kafiyake vivi kana ushanga udzegbwa hivi, kana ushanga udzegbwa hivi, kana ushanga udzegbwa hivi, kana ushanga udzegbwa hivi. Yunamba unaona mino vino. Kona mino chihi changu ni chino cha kusagarira. Haa uwe chichi nacho ndicho chako. Sambi uwe ni ukagule nguo dza yiyi, haa nawe usirikise nawe. Hoo chino chitabu chino undakala uchilola chino chitabu. Ha ulolere uwe. Haa ni nyani mutu. Haa be phapho kare mba chiratu chitabu nichichiwala ta chiratu chitabu nichenda chiika nyumbani. Be gaga mauyi ga phapha phonze kale sambi hundagomba ng'anzi, amba nakuvumbuluka. La o chitabu nachiika mo nyumbani. M: Uchiyaywa ni hiye sambi. ",,1992/10/7 0:00:00
5594,"問答","霊は厄介な存在4","Mwainziの屋敷"," Mwainzi: Sambi mino dzivumbuluka. Namba be mino yudzinamba be uwe hata uchipata chichi chitabu na kaguo kaka undasikira uwe mwenye. Hata chikala walogbwa vivi paka ufanye kazi ta ta undasikira uwe mwenye. Haya na kuvumbuluka. Be nayihenza uwe yo nguo pesa haa! Kazipatikana. Chila nichifikiria vivi.. Murina: Pesa zasira na mitumba. Mw: Na mitumba. Sambi ni ko kaguo kaphake phapha kare. M: Kadide kenye tu? Mw: Ee Kadide kenye. Kaphake phapha. Nambwa we nakaphake phapha chitovuni kare phapha. Na yiyi nguo nyiru yondakala dzidzifunga nihende mutsarare weruphe kulaa kuratu ta phapha dzulu. M: Wa chibiruni? Mw: Ha aa. Unalaa phapha tsini o mutsarare weruphe. M: Wa chigani? Mw: Ee. M: yaani kpwa ubavu? Mw: Ee kpwa ubavu. Haya udzifunge kare tu. Mutsarare umwenga tu. Haya na kuno utiye ko kashatiko na ko kakofiyako uvale dza mimi. Ulorere uwe. Hata chikala wabanangbwa ganasira gosi gago. We unafanya kazi uwe phapha ta uchilaa mutu amanye kukala.. ha be ni ufanye utu uno mapesi. ",,1992/10/7 0:00:00
5595,"問答","霊は厄介な存在5","Mwainziの屋敷"," Murina: Sambi we katsakule yo nguo. Mwainzi: Ye fundi dzuzi nagomba naye nari dziphirika mwanache. Nichimwamba uwe fundi be mimi na nyama mumwenga ariye yunaniyuga. H: Yaani ndiye mugayi. Mw: Ee. Sambi nguoye.. Chari: Mimi vivi nina gushe ambaro kpwamba nahenza.. H: Yaani mugayi na muduruma ni mutu mumwenga ama tofauti tofauti? M: Ni jirani aa. Mw: Ni jirani ao. Haya sambi, unambwa uwe sambi kabambanye pesa kpwa hivira ya mulungu yindakala chibatu phapha, yinjine yikale chibatu phapho.. M: Yoni ngenge ngenge. Mw: Ni ngenge ngenge ta yo shati yosi yisire. M: Yaani kayihama kamare. Mw: Ee kayihama kamare maana yo yi chigayi. Haya na kakofiake dza vivyo kahiri mabakpwa mabakpwa. Haya chamba unenda ugangani haya uvale hivyo ta chamba unenda kuzuzani wende na zizo. Haya usirikise nawe. Aa nichamba aa.. M: Wa nguo ya kuphupha jeri. Mw: Ee ta tsi nguo mbidzo. M: Unalala phano kpwadze? Chari: Hunalala mundani be siku zizo. ",,1992/10/7 0:00:00
5596,"問答","霊は厄介な存在6","Mwainziの屋敷"," Murina: Unarya wari wani? Unarya vitu vya atu tu. Wakudza musenao ni ani kuno? Undaphauka. Chari: Yulala pho godoroni phapho. Kudza uswa pho godoroni ta kpwenda lazwa nyasini, kpwambwa unalala phano kpwadze? Chako ni chiphicho phano? M: Sambi hata rinapiga phapha mwingo mukononi yunauka. Mwainzi: Yunauka? M: Ee yunauka. Naro ri mumu yunauka, yunajera. C: Dzivuguzwa. M: Haya nichimwihira anae haya kakayamba kare wahi. Achidza sema yunamba dzivuguzwa kamare kpwanza phapha. Ee dzamba nauya kpwehu mino, nambwa mutu tsina musena. Nichimwamba yedzikuvuguza ni mulongo ta kazi ni kuhenda kazi phapha. Samba we udzikudza kpwa kazi? Basi mwi fanyani kazi na umwenga. La chikala yiye yunakulafya, yiye yunakulafya pha kusagala, ta yiye naye kendapata naye. Mosi mwende kpwenu mosi. Ee tsenzi mutu mukaha phapha. Wamba o asegere akudza pindi asegere ni dovyoo, phapho tu asegere osi. Kaphana mutu ahendaye kazi ta asegere atororosa magulu ni.. Mino nakudza na yangu kazi na mino nichipata yo nguo tu mino nafanya kazi kare mino. Mimi hichiyangu tsina musena. Nichimwamba be fanya kazi. Tso yunadza kurirwa rira rinda ni Kalimbo. Aa be ni kazi kpweli vyoo. Mw: Ye nyama yiye! ",,1992/10/7 0:00:00
5597,"問答","霊は厄介な存在7","Mwainziの屋敷"," Murina: Yiye. Ni mukazi vyenye. Ee yunaye be yakpwe ya hicheye. Mwainzi: Yakpwe ya hicheye. Aa na kumba be mashetani kagasira. Ganaloka kuloka tu. M: Sambi yiye yunanichichisa baye. Karya wari, yuhenza ndizi. Migomba yafuwa, yasira. Haya ndayipataphi ndizi mino? Mw: Haa mino phapha ye muche wangu be kona we muchetu aa nyama aa, na mimi hata tsi muchuzi kahiri. M: Ndo phana mupemba sambi yunanikukula. Mw: Haa be ye mupemba samba ndo urigo unagamanya uwe mwenye ga kugafanya hata tsee. M: Nayiika nyungu vivi akpwatya kuudulana anafurizirana. Nyungu yi mumo yinaola na mavumbage. Chari: Ta yishinda. Mw: Yishinda? M: Muduruma kenzi kamare. A: Muduruma? M: Ta kenzi kamare. C: Kpwanza hata yo ndani yidzodzala kahe yosi. ",,1992/10/7 0:00:00
5598,"問答","霊は厄介な存在8","Mwainziの屋敷"," Murina: Haya, mavumba nagatopesa(fr.(ス ku-topeza=press in)) nyunguni phano nyungu yinashinda. Akpwatya kuudulana enye. Haya sambi nikugaambadze mino? Mwainzi: Muduruma kenzi? M: Kenzi kamare kungu ya marashi. Mw: Aah! Muduruma gakpwe ni mavumba. M: Be vyo gandagbwirana munzio mba yunarya chakpwe mba muriche arye! Mw: Haa be muduruma samba kala ni nguo.. M: Hata waanza yiye kokoha yo nyungu. Sambi namutsakula we chamba ni muduruma, chamba ni munjine ndamupata. Mw: Undamupata. O andalairira ati. M: Sere ko kugbwavukira tu sambi. Tsimumanya ni yuphiye sambi mino. Ndo nakukulwa(pas. of ku-kukula) na nyumbangbwa ta kaviidimikika. Mw: Mbidzo yenye sambi. M: Waa! Nichiyimuta kare tu yo nyumba. Mw: Uchiyimita? M: Hata ni kuphatsani vivi. Dzana nasinda dii hata o mwiri uchere kuluma. Mw: La kupigbwa kasimiti pho tsi kakamwe? M: Ndo vihenzwavyo kamare. ",,1992/10/7 0:00:00
5599,"問答","霊は厄介な存在9","Mwainziの屋敷"," Mwainzi: Haa be unambwa uchiahendera vivyo aratu enye magulu mare.. Murina: Be ni vumbi renye riro. Yo nyumbangbwa yiyo ni vumbi. Yo siku achiloka tu, yinalolwa kare yo nyumba ko dzulu. Be dzana nasinda dii ta vivi dzana nashindwa ni phatu phadide. Dzimala mikowa. Vivi nichuya ni nikapate mikowa machero niphamarigize nichiajaliwa. Mwenyezi mungu achinisaidia niphamarigize na chiramuko, niteme kare boriti niyihandike. Mw: Nafuuye ni kukala kura mutsanga u phephi. M: Aa! Mimi yiyo yindapigbwa na mutsanga tu, we o mwiri utsoka jengo baye. Mw: Mba yo kpwenda jengbwa ni ya chiduruma pho chanzo? M: Ni mwana ng'ombe. Mw: Ni mwana ng'ombe? M: Bemba ire renye. ",,1992/10/7 0:00:00
5601,"呪文","チャリ、ジネ・ムァンガの呪符を授かる1","Mwainzi"," Mwainzi: ... Nahenza uvugule yiyatu ndani. Yiyatu ndani be yikale nzima yiyatu. Kakuna kuundwa(fr.(スku-unda) chitu na kuyaya. Kakuna uwe jine mwanga. Vivi rero ngata yiyi yikaphokerwe mikono miiri. Uwe jine mwanga una chihicho chenye chibomu cha kufanyirwa hiriziyo. ukapigbwa pichazo halafu ukafanyirwa mavumbago na marashigo. Haa ukahewa pingu. Ela vivi yiyi ni ngata yiyi. Be ngata yiyi garatu agaonago yuyatu mwanangu nahenza gariche akale muzima salama salamini. Akale muzima ta yuvyalwa ni abaye na ameye, na kazi be ulavye kazi uwe ukambwa jine mwanga. Hiwe unaanga usiku ta mutsana. Basi muganga kasagala, muganga kalala, ni kazi mutsana, kazi usiku, la tsikumutiya ukongo. Mino tsenzi hivyo. Ngata ni yiyi. Chari: Mino hata tsimanya ndahendadze. Haa. Mino be kpwani phara mwaka.. mwaka dzuzi hata ukongo ukale ndakaza kuuma. Samba nakala dzilavya. Nichiinjiza yinjine hata mwezi wa saba, yichiyaya vivi, ta tseee. Hata nichikala dzikpwenda kpwa Nyamawi nichikala nahenza kuphulwa mizigo, achinamba muchetu wa tumbo kaphulwa mizigo. ",,1992/10/7 0:00:00
5602,"呪文","チャリ、ジネ・ムァンガの呪符を授かる2","Mwainzi"," Mwainzi: Hunamwamba hodini achina mwache hodini, achina mukangaga hodini, na achina matoro hodini, achina ..(inaudible).. hodini. Nindapiga hodi kpwa mujakazi(fr.(ス mjakazi=mutumwa wa chiche)) hiyuno. Mujakazi hiyuno we mwenyezi mungu, hiyuno be wapata tabu. Uwe mwenyezi mulungu, chikala undamupa urongi na uchimupa urongi jeri, yunaronga usiku na mutsana. La heka kafuhuka we mwenyezi mulungu? Na mutu ariye yuhewa urongi, wakpwe ni uzima, apate uzima na kulagula ayae. Na ye mwenye kukala hata siku dza viratu kuona kakazi hata ng'oo. Na kuhewa wira ubomu. Vino sambi wira yunahewa na we mwenyezi mulungu we unaricha ngome yinagagandwa vivyo ni anao. Ni utu wani uwe mwenyezi mulungu? Phamwenga na mwarabu na mwana barawa na mwana sambala na mwana kpwaphi. Na uwe mwana katsimbakazi ndiwe muganga mubomu. Na uwe mwangala na uwe mwana laika na uwe mwana mugala. Hivino ninamwambiriza hiphano dziphalavya michochoni hiphano. Kavuo vuo tu. Be kpwenda kata kata vidzihi? Kuna kavuo ka kulaviwa vivi? Basi muvugule uno mwiri uno mwiri ukale uzima. Yino ndani kukuta kpwanza yiriche. Kpwenenda yiye mwenye na kusikira mwiri kauna mukotse, garichike higo. Muvugule uno mwiri phamwenga na uwe mwana mwanyika, phamwenga na uwe mwana chirimanjaro. ",,1992/10/7 0:00:00
5603,"呪文","チャリ、ジネ・ムァンガの呪符を授かる3","Mwainzi"," (Mwainzi's makokoteri continues) Mwainzi: Hiwe mwenyezi mulungu. Hiyuno wahewa. Ni fundi. Hiyuno ni fundi. Basi uwe mwenyezi mulungu, hiyuno, nichidza mupha ufundi kahiri. Nichamba nalavya mwana mulungu, walaviwa ni asena. Mino nichidza imira mbere. Hiwe mwenyezi mulungu. Basi ngome hiyino, be yina atu anji. Muna hiwe nyari na nyari mu anji. Kuna nyari chipinde. Kuna nyari vunza vunza, kuna nyari mwabumba, kuna nyari sagariro, kuna nyari chipinde. Basi muvugule muvugule yino ngome yino. Yuno mumuphe urongi tu usiku na mutsana. Ela tsi kumubita bita kahiri. Ha aa! Kakuna kakuna. Muvugule. Kuna uwe mutumia bwana masai na uwe mutumia dena mukambe. Mosini mwimwi munambwa mu atumia. Ni kazi hiyino ngome hiyi yikale nzima na ramaza hikura konze. La mukoba kauramaza nyumbani. Uchiramaza nyumbani, be ni voro. Maana ko kuramaza nyumbani, be ni gadzuyira ye mwenye. Sambi ni yiye mutu achidza ye yunamba ni mukongo. Mutu achidza yunamba ni mukongo. Mikoba nayo kayenenda. La vivi mumuphe uzima, muvugule mwimwi, ana arumwengu mosini. ",,1992/10/7 0:00:00
5604,"呪文","チャリ、ジネ・ムァンガの呪符を授かる4","Mwainzi"," (Mwainzi's makokoteri continues) Mwainzi: Bahi ngome hiyino, be yina atu anji. Yina uwe muchetu wa chidigo, na uwe mujita k'oma, uwe muchetu wa shera. Hiwe muchetu wa shera, be walaa kpwenu jiryama, unalaa jiryama, uchenda chinondo, unalaa chinondo, uchenda Dzombo, unalaa Dzombo, koonere ngome ya kusagala, ta uchamba mino nenda kuratu, nauya kpwehu jiryama. Na kudza ona hiyuno Chari hipho njirani. Nakukala sambi we be udzisagala hipho. Be mafundi gakala manji kulagula mwiri uu. Yuya yunafanya vira yuya yunafanya vira, hata mimi nami nichidza fanya gangu vivyo mwiri uu. Uwe mwana marera, hemu nahenza uvugule yino rero na uwe muchetu wa chidigo. Kavuo vuo kenu ni karatu. Dzimutsanganyira na ameyenu mwenyezi mulungu. Mwimwi be murya phamwenga. vivi ni chirimo chidzegbwa vivi ni chirimo na hiwe muchetu wa chidigo, kaziyo ni ya ukaha. Kulaa mwembeni kpwenda mugandini, kpwenda mubiboni. Hiwe kutsakula phenye chiva cha madzi, be na kusagala madzini, kuoga na kukala hata kuuka kamare phapho. Ni ukaha tu wako urio nao. Bemba mino nakufanyira chila chitu chosini nichimupha, mwana nichimupha wa kazi. Na yo kazi nichivuha kungu vivi, yinafanyika jeri yo kazi. Bemba sere ye mwenye mumuphe uzima. Vivi ni kumupha uzima hiwe muchetu wa shera na hiwe muchetu wa chidigo. Mumuphe uzima akafanye kaziye na kufika hiphara mundani kuno koya kuriche. ",,1992/10/7 0:00:00
5605,"呪文","チャリ、ジネ・ムァンガの呪符を授かる5","Mwainzi"," (Mwainzi's makokoteri continues) Mwainzi: Hikano ni kavuo vuo hikano, na ye dzumbe yudzamba vivi nichimala yo nyumba yangu, nindamupha wira ndamupha wira apate kurima t'o yuno vuri. Bemba ni uvugule uno mwiri, ta ura wira uchidza amba unalaa na kaka kavuo vuo kaka, be ye ni muzima, ahewe wira. Ambwe haya wira hinyuno dzulavya, ugbwire jembe urime. Muchetu nikpwenda kunini, akavunza kuni, akadza ika hiphano na kpwenda mundani kpwenda gbwira mundu kutema mahuka kakamwe. Muhewe jembe murime, gachiiva munahewa wira. Atu ahenda shindwa ni nguvu, ela himwi ana arumwengu o kawaida kenye be ni kako. Chirimo chinafika, kuhewa wira. Kugbwira jembe kpwenda rima. Gadziva go matsere, aa matsere gangu gadziva, unakala hata uchiguwa, unahewa wira. Haya ugbwira we kulagula ayao. Ndo vikalavyo. La vitu mba mo nyumbani kavikala mwi asena. Basi rero hiyi, haini, ninamwambiriza ndimi abayenu vivi, na ninahenza musikire mukagbwire jembe murime. Na kutuwiwa kutsakala mukaha sana kpwanza kpwa hata o mwiri ni uzima, be nakufanya kazi jeri. Mino ndo nihenzavyo himwi ana arumwengu. ",,1992/10/7 0:00:00
5606,"呪文","チャリ、ジネ・ムァンガの呪符を授かる6","Mwainzi"," (Mwainzi's makokoteri continues) Mwainzi: Hiyino ngome hiyino, be yina atu anji. Yina mashetani ga chidzomba hivino. Kuna uwe mwana rohani, kuna uwe mwana bulushi, kuna uwe mwalimu sudiani, mwalimu kuruwani, uwe muchetu wa chipemba. Jine mwanga, uwe jine mwanga vivi be unaanj(g)ira hiyuno usiku na mutsana, uwe jine mwanga. Na hiyuno vivi ningemupha kaziye akaenenda usiku akaenenda mutsana, la tsikuya ukakala unaangira yuyu kahiri, uwe jine mwanga. Mino vivi rero nakupha ngatayo yiyi rero na chikala ndiwe jeri, yino ndani kukuta kpwanza yiriche, yino ndani kukuta yiriche rero. Na mwiri ukale uzima na kupigbwa ni k'oma za uganga. La tsi kuloka hinyara atu a voro. Achidza henda viratu adzimurichira ukongo aratu atu ahendao garatu muratu mwirini. Yiyi rero mino nalavya ngata tu basi, na chikala ni uwe jeri jine mwanga, unagahenda gago, vivi nahenza uyiphokere mikono miiri yiyi ngata yangu niyilavyayo. Akafanye kazi, hata yichidza kala utu uo ukala sawa jeri, ndakudza mufanyira chihiche cha kusagarira. Be ufanye kazi sambi. Uramaze mutsana, uramaze usiku. Muganga kana usingizi, hata achiihiwa tu, fulani, yu matso, ta yunawarira laka kpwa ni kpwihika upesi, kumba udzituwiwa ni atsai. C: Cha Mukuruto? ",,1992/10/7 0:00:00
5607,"呪文","チャリ、ジネ・ムァンガの呪符を授かる7","Mwainzi"," (Mwainzi's makokoteri now mixed with everyday conversation) Mwainzi: Ee. Asirikise hata amanye be yiye yuna shida jeri yiye. Aa himino senani ni usiku, ela nina gangu. Nyumba yisundulwe mutu agbwire chititi, apige mburuga, ambe be kuchicha nzoo vyako uwe kare, mino tsigbwirire atu anjine, hata ni uwe kare. Kuchicha yunagbwira mikobaye naye yunalaa jeri. Yunenda lagula. Mukongo yunaphola. Ndo nihenzavyo hivira. La higano ga kuona madzik'oma mai mai na yunambwa ni uwe jine mwanga, mino rero vivi nakupha ngatayo garichike kulaira rero. Haini ngata ni yiyi. Uvugule uwe jine mwanga. Kakuna kondo kahiri vivi. Nahenza uzima. Yino ndani kukuta, be yiriche. Muvugule. Aa anayifunga phapha tsingoni be. C: Dzikumbikira ye Maphindi. Yunambwa muchetu wakpwenda mufunga ta mulumewe. Achunuka mairo, yunamba aa unamukinya muno. Mw: Aa mino ta ni nahenda ika tu, be mundafunga tototo. ",,1992/10/7 0:00:00
5608,"呪文","チャリのドゥルマに対する呪文1","Mwainzi_Lugo"," Mwainzi: ...nagomba yiyi rero, be ni abayenu. Kpwa yuyu kudza phapha na kudza muphula mizigo, na ameye ni yuyatu, na abaye ni yuyu. Muvugule. Hiwe mwakasidi, hiwe mwana kalumengala, ga ndani unagamanya, ga konze unagamanya. Basi uwe mwana kalumengala, kpwanza ta urongi wahewa hiwe na unambwa una kondo vivyo. Simanya kahi utsakulani? Kahi na takala ni vituku, samba vituku vi phapha. Murina: Vituku kaphana, muroi kaphana. Mw: Muroi kaphana? Kpwani yino kazi yosini kadzangbwe kupata muroi? M: Kadzangbwe. Mw: Hoo! Bemba ta ye mulungu chikala ni gago kadzangbwe kusira. Chari: Kadzangbwe. Mw: Haya kona go maneno. Basi nakpwambiriza hiwe mwana kalumengala, hiwe kagayi, tsigayise hiyuno usiku na mutsana. Kurya kakpwenzi kahiri, ni ndani kukuta tu. Haya be chikala ni uwe mwana kalumengala, la kudzangbwe kutosheka garatu mapambogo amani ro dzuwa be mumu mwehu vivi kamwiva kahiri, kamwiva kahiri. Musambe atu kaenzi uwe mwana kalumengala, uwe mwakasidi. Hemu vugula uno mwiri. Ndani yiriche kukuta. Kona chakurya na kurya mboga yoyosini, achirya ndani ni nzima uwe mwana kalumengala, uwe kagayi phamwenga na mucheo nyoe. Mulole phatu muhurire. ",,1992/10/7 0:00:00
5609,"呪文","チャリのドゥルマに対する呪文2","Mwainzi_Lugo"," (Mwainzi's makokoteri continues) Mwainzi: Kumba u wa chituku. Undakudza pata chitukucho. Bemba mino nahenza uvugule uno mwiri vino we mwana kalumengala. Kumba ni mulume, be yundakudza pata yuyatu mwanawe wa kadzihi, maanaye yuyatu mulume be yunaidima kufanyirwa mwanawe wa chigongo. Bemba basi ni kuvugula sana uno mwiri. Mundakudza fanyirwa mundakudza fanyirwa. La vivi be ku voro ku voro. Kumba mimi nichamba kuku nafusa, ta o anangu nao afusa. Sambi poreni mwi asena. Muvugule mwiri, muvugule mwiri, hiwe mwana duruma. Kakala ni ngoma yindakudza laa na garatu gaserego gandamarigizwa. Kakala yo kondo nyinji phanjine uwe mwenyezi mulungu nawe undakudza henza muroio, bemba uchidza uhenza mba, undahewa na uchigbwira uwe tu udzigbwira na anao osi, kakuna maneno kahiri ga kpwambwa kukala kahi muroi ura muroi ura maana marembo gosi ganaikpwa phapho. C: Wahenza pindi kpwanza. Mw: Waa! Bemba naye chikala yukpwenda ta yufika mwisho yunayuga yunahenza o muroi. Haini. Akosanao ni airi, achidza wa hahu, akakala mukanyi. Himino rero be ni mukanyi wenu. Murina: Mudzi uchere uphya. Mudzi uchere uphya. Kahudzangbwe hujenge mudzi. Mw: Kaphana karatu kavuoko we mwana duruma, lakini be phano ta achere chengoni. Vivi apate ayao kaka kavuo vuo kaka usende kapinga, akaoge chividzo. Uvugule uno mwiri we mwana duruma. ",,1992/10/7 0:00:00