1683,"解説","クブラ・ミジゴ０１","Munyazi Mechombo"," M(Munyazi): Kumba be wakudza pindi. Na ni phapha dzuzi kare mwezi uu wa kumi kisha tarehe shirini na saba. Kpwa hivyo zakala sere tsiku tahu, udze kare uu wa kumi na mwenga. Ndio uphurirwa mizigo mimi. H: Na yo mizigo yaphulwa chidzedze? Maana tsiku yiyatu ya kayamba ra kuphulwa, hinyara ahenda makosa manji muno. M: Achesa na kayamba dza vivi rero. Kuchesa na kayamba paka ng'aa. Kunahenda ng'aa. Saa mwenga na nusu, nichenda zuzwa. Nichenda zuzwa laika. Achenda hivi, achidza, nichidza udzwa. Nichimala. Achisimikpwa muganga. Kaphiri achenda hiuno, achenda wala ichiliku. K: Mara ya kpwanza wakpwenda hiku? M: Ee. Akpwenda hiku muzukani. H: Muzukani? Kala ni muhoni, hebu? M: Haak. Ni muhini tu. Elakini ni muzuka ubomu. ","kuphula mizigo,kayamba,muzuka,ichiliku,laika,kuzuza",1989/12/22 0:00:00
1684,"解説","クブラ・ミジゴ０２","Munyazi Mechombo"," M: Haya achenda hiku, ndo achidza achidza udza, achimala. Achidza zagazwa kahiri ye muganga. Ndo achenda hikuno muhoni sambi. Yaani muhoni vivyo na kuko nako kuna muzuka vivyo kuko. Lakini nyo achenda phenya ndani ya madzi. Ndo achiwala ichiliku. H: Achenda phenya hata ndani ya madzi? M: Ee, hata yuyu muganga mwenga achiyayirwa ni tungore dza riri rangu niriro naro. Dza riri na pinguye dza yiyi. Yichiyaya mo ndani ya madzi. H: Yichiyaya mumo? M: Eee. K: Na ni vibaya kuyaya mumo hebu? M: Ni vibaya dze? Ni viratu(mistake is that) vyokala yuphenya bila shetani. ","kuphula mizigo,kayamba,muzuka,kuzuza,laika",1989/12/22 0:00:00
1685,"解説","クブラ・ミジゴ０３","Munyazi Mechombo"," M: Maana yekala yunawala ni ye muche, lakini yuno ye mulume wakpwenda wala hiku(muzukani). Sambi kuku, yaani, ni unaphenya tu, kuaviza yuyatu muyao. Lakini ukala kana shetani. Sambi mwenye shetani ni yuyatu muchetu. Maana yuyu ichiliku mwenye be kaudzwa ni mutu hicheye. Yuudzwa ni atu airi, muche na mulume. Haya sambi achilaa hikura, hata yunadza fika phapha, ni saa sita. Nichudzwa nichimala. Hewa sambi dzudzwa hizira peho nidzimala. Ndo nichisimikwa sambi. Nichipigirwa kayamba vivi. Hata nyama achiodzala mwiri, nichiphikpwa hiyiya mizigo. K: Sambi phara akenda kuno na kuno, we wakala usegere phapha mudzini, hebu uwe pia wakpwenda kuno? M: Haak. Tsendere. Mino nakala phapha. Kpwanza tsiukire phapha kuchini. Hata ao achilaa kuko. H: Achidza hata phapha. ","kuphula mizigo,kayamba,muzuka,kuzuza,laika,ichiliku",1989/12/22 0:00:00
1686,"解説","クブラ・ミジゴ０４","Munyazi Mechombo"," M: Achidza hata phapha. Nidzilazwa dza viratu mutu yedzefa. Dzifinikirwa nguo nyiru buu. Haya achidza vyao, achiphenya mo nyumbani. Achanza kupiga zunguo(スzunguwo) yo nyumba. Hata ndo achiphenya safari mbiri. Ra hahu achiphenya ndani. Haya ndo nichidza zagazirwa, ndonga hiphano mwenga yichima phano sikironi, mwenga hikuno. H: Yo ndonga? M: Ee, zichibuswa sambi. K: Yichima vyenye yo ndonga hebu? Kuhenda gbwirirwa tu? M: Haak. Kuhenda gbwirirwa. Yo ya kuku nahendwa gbwirirwa. Kpwa sambi nakala nirere vino. Ela yiyi ya phapha ya zagazwa phapha. Sambi zinjine zichimiswa muno. Yaani mumu mo masikironi. K: Kuno urere? ","kuphula mizigo,kayamba,muzuka,kuzuza,laika,ichiliku",1989/12/22 0:00:00
1687,"解説","クブラ・ミジゴ０５","Munyazi Mechombo"," M: Ee. Sambi zichibuswa kubusirwa mumo. Wagaona yuyu Kalimbo. Kona! Yunagasumurira tototo. Haya hata nichimala, ndo sambi achenda hikuno. Ndo nako achidza henda dza vivyo kahiri. Haya nalaa phapho, ndo nichiphikpwa hiya mizigo. Wa hiphano na hiphano na wa chitswani. Haya, nichilongozwa na mizigo yangu. Bemba ni kazi. K: Yo mizigo yakala ni mizigo yani? Yiya mizigo ambayo... M: Tupa, mawe madongolowa ga mitsanga. Sambi ziratu tupa ziratu zinatiya muratu halafu kuratu zinenda tiyirwa garatu madzi. Sambi zinaomekpwa himo. Yaani mahundu. gasukpwe mahundu ga minazi. K: Ugaagale? M: Eee ugaagale hiku na hiku, ndo chikaphu chitswani na higo mawe sambi. K: Na kubita? M: Be undabita dze? Ye unachapwa vyenye uwe undabita. ","kuphula mizigo,kayamba,mizigo",1989/12/22 0:00:00
1688,"解説","クブラ・ミジゴ０６","Munyazi Mechombo"," K: Unachapwa milanga vivi? M: Haya kpwanza ni kpwenzi kuphikpwa yiyatu mizigo. Phapha chikala unahenza uphikpwe phapha, kpwanza ni kpwenzi. Hata ni unazizwa kuno na kuno. Maana kpwenzi kamare uphirikpwe kuratu. Unahenza ukale kuku mudzini. Sambi ni unapigbwa hiku na hiku. Unapigbwa, hata ukubali yiyatu mizigo. Utiywa phano fuzini, utiywe hiphano. Umwenga chitswani. Ulongozwe sambi. Kpwenzi. K: Phano chikala unaphikpwa ni kukala udzilokerwa au ni kukala kudzangbwe? M: Ee. Una nyama mba. Kpwani wamba unaphikpwa vivi matso mafu? Ni ulongo. Sambi wende ukaphulwe dze? Chikala kuna nyama. Chikala udziphulwa vivi bila nyama, kuphurirwe mizigo tsetsetse. Hata uwe unaye ye mutu yiye. Unaye mumo. ","kuphula mizigo,kayamba,mizigo,milanga",1989/12/22 0:00:00
1689,"解説","クブラ・ミジゴ０７","Munyazi Mechombo"," M: Haya wende hipho na hiyo mizigongbwa. Be unenda uchirira vivi hata ufike. K: Na kupigbwa milanga? M: Eee na unachapwa venye. K: Ni ye muganga? M: Ee. Maana we unenda uchiima. Sambi kagahenzwa hivira kavihenzwa wende uchiima, unahenzwa ulongoze safari mwenga tu. Unenda uchichapwa kuno kpwa magulu. Unachapwa venye. Unachapwa muno yenye. Hata usikire utsungu duu ndiro. K: Na kuno kayamba rinasagbwa? M: Rinapigbwa muno. Hata phapho, uchifika phapho. K: Ni muhoni. M: Ziyani. Uchifika phandahandikpwa nanio uringo vivi. ","kuphula mizigo,kayamba,mizigo,milanga,ziya,uringo",1989/12/22 0:00:00
1690,"解説","クブラ・ミジゴ０８","Munyazi Mechombo"," K: Uringo? M: Ee uhandikpwa tsaga dza viratu. Hata tsetse. Kpwanza ni mwimwi phodzikala munachira nikamulorere ela nyo uringo wangu uchere u phapho tse. Phapho ziyani phapho. Kaudzangbwe kugbwa, maana ni dzuzi muno. Haya sambi alafu, wende phakanze kusagala mutu dza vivi mino phapha. Pho uringoni akasagale ye mutu vivi. Sambi ye ariye yunaphulwa mizigo asagale hiphano. K: Azagazwe magoni? M: Ee. Dzulu dzulu pha mwirini pha mutu. Haya sambi chikala yuzagazwa hiphano, kuno kuna chiringo chinjine chidide aricho yuyaha hizino nyayoze, zisikale kudewadewa. K: Zisikale kudewadewa? Eehee. ","kuphula mizigo,kayamba,mizigo,ziya,uringo",1989/12/22 0:00:00
1691,"解説","クブラ・ミジゴ０９","Munyazi Mechombo"," M: Ee. Haya alafu riwalwe hirira hiha ra kuni. Maana rinanzwa kuwalwa, phapha chikala unaloka. K: Na mizigoyo nikukala unayo? M: Pharatu chikala unanza kuloka pharatu, chikala undaphandizwa pharatu, sambi hinyuno undatserezwa. K: Kabla kazagazwa hiphara chiringoni? M: Ee. Na hinyuno utserezwe. Sambi uno unambwa phula mwenye. Sambi phapho kpwenzi kuphula, kpwa hata unahenza uhende phulwa. K: Nyo wa chitswani? M: Paka uchapwe mulanga. Wambwe phula. Unachapwa mulanga, hata usikire utsungu. Haya wugandule waa. Wike photsi. Haya alafu upandizwe dzulu. Uchipandizwa dzulu, uchilaa phapho, phara phana higara mahiha saba. ","kuphula mizigo,kayamba,mizigo,kuni",1989/12/22 0:00:00
1692,"解説","クブラ・ミジゴ１０","Munyazi Mechombo"," M: Sambi ni riwalwe hiha hikura mwenga , riwalwe hikuno. Ripandizwe hiphano dzulu ya chitswa. Haya rinateremuswa. K: Ga kuni? M: Ee. K: Mabomu, hebu vidide vidide? M: Vidide vidide. Lakini vya musito kpwani wamba be ni vidide vidide vyakukala ni... K: Vya chanache. M: Dza vivi zizi tsaga zosi zizi. Haya rinatserzwa hata bwaa. Na yuno kumwenga naye yunatserezwa baa. K: Mafungahe? M: Ee. Haya yuno yunawala naye, kuno yuno yunawala. Haya hata gatserezwe garatu hata tse. ","kuphula mizigo,kayamba,mizigo,kuni",1989/12/22 0:00:00
1694,"解説","クブラ・ミジゴ１２","Munyazi Mechombo"," M: Ee. Ndo atsinzwe. Haya uchilaa phapho unatserezwa, sambi pharatu dzulu ya chiringo. Wikpwe photsi. Haya kayamba sambi. Hata paka phapha mudzini. Uchidza henda dii hiphano mudzini. Unahewa jembe. H: Unahewa jembe? M: Unahewa jembe. H: Hiphano mudzini? M: Ee. Wende ukarime vyenye. Chikala kpwenzi, kupigbwa. Haya uhewe hirira jembe. Na huya mulume, agbwire mundu. Chifika phapho yuya mulume yunakufyekera, we unarima. Ye yunafyeka, we unarima. Viratu ni unalozwa kare mulumeo viratu. Maana ni kpwenzi, unapigbwa. Unapigbwa sana. Hata uburuge umale, haya womeke jembero. Mulume naye awale munduwe. Na kayamba renu, kisha ko ndimwani kayamba rina... ","kuphula mizigo,kayamba,mizigo,mbuzi,山羊赤,供犠,jembe,mundu",1989/12/22 0:00:00
1695,"解説","クブラ・ミジゴ１３","Munyazi Mechombo"," K: Mulume ni ye muganga? M: Haak. Tsiye. K: Ni munjine mwenye. M: Ye muganga ni abayo uwe. Akale ni mutu dza vivi uwe. Kpwa hata udzikudza makayambani, sambi uchigbwira kare uratu mundu kpwa ta unamufyekera, manya udzilozwa kare na hiye sambi. Halafu muuye nyumbani. Haya uchidza fika phapho, higara matsere godziphonderwa hikura. Maana kuratu kundaphondwa. Kisha viratu vinu ni viiri. Halafu uphikpwe na cha hiphano chitserezwe na fuzi hiri, hata chidigizwe hiku. K: Chinu? M: Ee. Na uphikpwe na cha hikuno chidigizwe na upande hinyuno. Haya alafu ziratu p'ure zindatiywa muratu kaphuni. ","kuphula mizigo,kayamba,jembe,結婚,kuphonda",1989/12/22 0:00:00
1696,"解説","クブラ・ミジゴ１４","Munyazi Mechombo"," M: Yiyatu kaphu yodzitsukurira mizigo. Haya uchidza fika unabandika dziwe. Ulaa ndimwani kare. Udzihunda mutsunga kuko. Haya uchidza fika phapha, haya unahendadze, unabandika dziwe. Unasaga kare, dakika kare, usage kare, umale. Hewaa. Uchisaga. Unambwa jita wari. Ujitire wari yuyu mutumia. K: Na ni wari wenye hebu ni wa mitsanga? M: Haya wari wenye hebu. Uwe undasaga. Haya amba undasaga. Sambi alafu yuyatu mutumia sambi undamupha hura wari. Haya akale yundarya. Kpwa... phapha kabila kurya wari. Paka mukazagazwe chitandani mosi. K: Paka mukazagazwe chitandani mosi? M: Eee. Haya alafu yuyatu muche yedzimukabidi gaga manenogo, ndiye yendakala yunalavya pesa za kubitira huya muvulana. Halafu alavye shilingi nne. Ape huya muvulana za sigara. ","kuphula mizigo,kayamba,結婚,sigara,mutsunga,kusaga,wari,chitanda",1989/12/22 0:00:00
1697,"解説","クブラ・ミジゴ１５","Munyazi Mechombo"," M: Sambi yuyatu abayo wa chiganga yundakuuza haya nionyesa baba. sambi uchere na nyamao lakini. Kayamba rinapigbwa. Sambi pharatu undamba abayo ni yuyu. Uwe baba na uwe mayo, abayo ni yuyu. Haya muchilaa pharatu, ndo mujite hura wari. Haya hata arye, amale. Haya ndo wudzwe nyumbani kayamba. Haya ripigbwe vyenye vivi, hata uchilaa phapho, ukamarigizwe gara mavuogo, hata tse. Kayamba risira. Haya sambi kale anagomba mambo ga kurya tu sambi. Ulavye mambong'a go ndakala udzambwa pharatu. Haya uchiapha pesa zao achimala chamba phana uchi achinwa, achimala. Atu anatsamukana. Kona go maneno. H: Na nyo wari unajita nyumbani hebu? M: Eee. Unajitwa nyumbani. Kpwani ko pho munenda ko kpwa Chari mwakpwenda onadze kpwani. H: Ee. Gakala ni gago tu. ","kuphula mizigo,kayamba,結婚,chitanda,wari",1989/12/22 0:00:00
1698,"解説","クブラ・ミジゴ１６","Munyazi Mechombo"," M: Haya be. Ujite nyumba kumba ni ziratu mboga zo ndakala udzambwa pharatu. Haya ni yiyatu mbuzi alafu. Yunawalwa upande munahewa himwi. Amba upande unauka na muganga mwenye. Yunatosa hiphano hikuno aphe anamadzie, ela kuku yunauka nao mwenye. Ga chiganga kumba yiye be kendere phirikpwa mizukani be amuhendera dambi. K: Kpwa hivyo sambi uchijita wari, uchimala, ni kukala mambo ga kuphula mizigo gasira? M: Gasira tse. K: Na gano ga matungo gahendwa saa nyingaphi, gano ga matungo? M: Pharatu chikala andakudza chesa, garatu matungo ganahungbwa. Maana uratu mutsana wa kuhungira matungo ni unjine. Na hura wa kuphurira ni unjine. Maana dza vivi go ganahungbwa vivi rero. ","kuphula mizigo,kayamba,結婚,matungo",1989/12/22 0:00:00
1699,"解説","クブラ・ミジゴ１７","Munyazi Mechombo"," K: Chikala rindakala dza machero? M: Ee ganafung'a rero, haya kuchicha, unenda ukaphulwe mizigo. Matungo gahungbwa kulaa hangu dzana. Ni hivyo go maneno. H: Kpwa hivyo matungo gakale ga tayari kare. Gahungbwe mwanzo na kisha undapigirwa kayamba? M: Eee. H: Ndipho phapho aratu akosera aratu. M: Chikala si hiye wa kulazirwa matungo. Maana aa shetani aa yu kuko yetsilazirwa matungo. Gahungbwa kare vivi rero, gakahungbwa kare vivi rero, hata gakasira. Na ukaphulwa tsiku yiyo. H: Gatsilale? M: Yuya unaihiwa shetani wa rero ni rero. Maana ye yuphulwa muphulo wa mutsana umwenga na matungoge gakahungbwa kare tsiku yiyo. ","kuphula mizigo,kayamba,matungo,rero ni rero",1989/12/22 0:00:00
1700,"解説","クブラ・ミジゴ１８","Munyazi Mechombo"," K: Kahungbwa tsiku mwenga kare. M: Na akaphulwa tsiku yiyo. Na kasazirwa mwiyowe hata chidogo. K: Ni atengezerwe chila chitu. M: Tsetsetse phapho. K: Tsiku mwenga. Kare ni rero. M: Ndo uchigalaza, be udzibananga. H: Ni kazi bomu. Ni rero ni rero hiye? M: Ni rero ni rero. Kumusikira ye mwenye wamba ndimi rero ni rero. Maana ye yunagbwira tu kana musamehe, hata ni musago tu kpwenderera. Go maneno. H: Na pho ziyani ambapho uringo waikpwa ni ziya renye hebu ni ziya ra chinu? M: Ni ziya renye ra mutsanga. ","kuphula mizigo,kayamba,matungo,rero ni rero",1989/12/22 0:00:00
1701,"解説","クブラ・ミジゴ１９","Munyazi Mechombo"," H: Tsi ra chinu? M: Haak. Kpwani ye pho unenda ikpwa... K: Na ura uringo ni kukala unak'otwa pho ndani ya madzi, ama phonze tu kandakanda? M: Phapho katikati ya ziya renye. K: Pho katikati ya ziya renye? M: Eee. Unak'oterwa phapho katikati mwanzo. Chikala phana madzi be ndo vidzo vyenye. K: Na kadide vivyo, kakukala nyayo zisilewelewe? M: Ee. K: Kumba be ni kazi hata kugavyoga gara madzi? M: Haak. Ni we undak'oterwa ubomu kama dza vivi meza na phano uk'otwe udide phano tsini. ","kuphula mizigo,kayamba,matungo,rero ni rero,ziya",1989/12/22 0:00:00
1702,"解説","クブラ・ミジゴ２０","Munyazi Mechombo"," K: Wa kuvyoga ili magulu gatsilewelewe. M: Kuno udzizagazwa dzuludzulu ya mutu, haya be kazingbwa yihendwe kare hipho. K: Na kisha undakala udzizagazwa magoni. Ye mutu ambaye yunaphulwa, yunazagazwa magoni. Phana mutu munjine yundalongola kusagala pharatu uringoni. Na ye muwele mwenye achidza ambaye yunaphulwa mizigo, yundasagazwa phapha magoni. H: Na ye mutu ni muganga hebu? K: Mutu yeyesi. Mwanamadzi. M: Ni muteje, mwanamadzi. Lakini phapho kaphasagala mutu mwenye kana tungo dza riri phapho uringoni. Ni ukale una tungo dza riri. Ndo usagale pharatu, ela tsi mutu yeyesi. Kana dza vivi, uwe be, kusagala. K: Ni mutu ambaye naye ni akale yuna matungo. ","kuphula mizigo,kayamba,matungo,rero ni rero,ziya",1989/12/22 0:00:00
1703,"解説","クブラ・ミジゴ２１","Munyazi Mechombo"," M: Kpwani waphulwadze ye Chari we? H: Aah. Kagahenderwe vivyo. Phakala phana ziya kuko, lakini ra chinu tu. Kaaendere pho ziyani phenye. Ro ziya raikpwa kanda kanda ya mudzi tu. M: Yaani kaphurirwe ziya renye ra chiwenyeji ra photsi. Hata wahendwa ziya ra dzulu ya chinu? H: Eee tsona. M: Lakini chila mutu yuna maphulige. Eee. Maana hata kuna muchetu mwenga kuku... K: Ye rero ni rero hebu? M: Ichiliku. Ichiliku tsi. Ela yuyatu kahi ndiye rero ni rero, matungoge kafanyirwa kare dza vivi rero tse. Haya uphulwe mizigo tse kare. Hata utsisaze hata mwiyo, hata umwenga. ","kuphula mizigo,kayamba,matungo,rero ni rero,ziya",1989/12/22 0:00:00
1704,"解説","クブラ・ミジゴ２２","Munyazi Mechombo"," M: Ela kama dza hiyuno ndo gahungbwa yiyi rero, tsetsetse. Hata chamba kayamba rinasimikpwa. Haya mwi mukakala mudzigaphunguza(mudzigamala) gago. K: Mukala mudzigaphunguza kare ga ichiliku? M: Ee. Gago ga kuhunga matungo mundakala kamuhunga kahiri, hata kuchicha mwi munatuwa ro neno mwenga. K: Ela muchihunga kahiri mundakala sambi.. M: Mundakala mudzimuudza mba. K: Mundakala mudzimuudza rakukala aenderere kuyuga? M: Ee ni hivyo tsi go maneno. K: Yaani mudzimuudza vyakukala enderera kuyuga? M: Ee. K: Ni mukali kumba. ","kuphula mizigo,kayamba,matungo,rero ni rero,ziya",1989/12/22 0:00:00
1705,"解説","クブラ・ミジゴ２３","Munyazi Mechombo"," K: Na yiya ndonga nikukala yinatiywa utuwani phara ndani? Yinatiywa utuwani na utuwani? Huya mwana wa ndonga. M: Si misizi tu? K: Ni mizi? M: Ee yikunwe yikunwe(ku-kuna), halafu kayikalangbwa(neg.) K: Kayikalangbwa? M: Haak. Yinabundwa. Yinatiywa kare mo ndani. Haya na nyuchi hiyino. Na chikala tsi wa nyuchi, haya atiywe mafuha ga nyono. K: Na anjine nikukala anatiya nanihino, anamba kukala yunatiywa roho? Roho nikukala yutiywa chidzedze? M: Maneno ga aganga. Ndonga nayo ni kutiywa roho. K: Hangbwe ni vivyo hangbwe yikatsinzirwa kuku. Hangbwe anjine anatsinza kuku anatiya moyo mumo. ","kuphula mizigo,kayamba,ndonga,roho",1989/12/22 0:00:00
1706,"解説","クブラ・ミジゴ２４","Munyazi Mechombo"," M: Yiwalwa yiyatu mbuzi yedzitsinzwa mizigoni. Muratu murimo munasumba sumba. K: Mo vyoyoni? Murimo munasumba vyoyo? M: Eee. Munamwafulwa kadide kadide. Kadide kadide hata tse. Haya chidzako yikatiywa muratu ndani ya ndonga. H: Ooh. Ela tsi moyo? M: Haak kamutiywa moyo. K: Maana moyo undaola ati. Sambi be yindakala yinalavya harufu. M: Ndo ni vibaya sambi. Maana pharatu chikala undatiya nyama yenye bomu muratu ndani. Haya yindabananga viratu vitu virivyo muratu ndani. K: Vianze kunuka. Hata muhende mabulu. M: Haya ndipho wambwapho udzishindwa wahi. Garivyo ga chiganga. ","kuphula mizigo,kayamba,ndonga,roho",1989/12/22 0:00:00
1707,"解説","クブラ・ミジゴ２５","Munyazi Mechombo"," H: Kala namanya ngari nakudza. Ngere nakudza nikadza gaona tototo. M: Bemba we wakala kukumanya kuno, undakudza dze? Na yuno naye wakala kuno kaloka loka. K: Eee. Nakala dzikupheza pindi sana. Lakini vivi dzikutsararira vivi. M: Ee. Uwe chidzako hata kudza. ",,1989/12/22 0:00:00