3478,"儀礼","メムヮカの呪医就任０１","Mwainzi"," [kusimika mulungu] Anzazi: ..Mwanamulungu na mwanakatsimbakazi na we laika, na mwana musambala. Nawe mwana mukpwaphi, mwana kalunguzi na mwana p'ep'o k'oma. Hai hai na mwana mubarawa. Mwana bulushi na mwarabu na burusaji na mwana rohani. Hai hai yiyi rero nalavya ngoma. Murongo mwauvoya pindi uchamba kaundafika, hata vivi rero murongo ufika ni yiyi rero. Nahenza muloke mumwenga mumwenga chividzo sana. Na kuphisana kuvugula mwana chidunduruma. Hiwe laika uvugule, hiwe chitsimbakazi nahenza muvugule salama salamini. Muloke mumwenga mumwenga chividzo sana na amani. (song mwanamulungu1) ni kure we uya ni kure we uya uya hee uya uya hee uya (repeat many times)
(song mwanamulungu2) Hai hai mulungu vugula Hai hai mulungu vugula wee. (repeat many times) ","kayamba,lavya konze,mulungu",1991/10/25 0:00:00
3479,"儀礼","メムヮカの呪医就任０２","Mwainzi"," [ku-hatsa na uchi muyangoni] Mw: K'oma tsi mulungu dzulu. Huna hatsa ngoma vivi. Be ngoma, hata kuche machero tototo. Be hunahenza uzima. Phamwenga na uwe tsawe, phamwenga na mwanao Ngome. Phamwenga na mwanao Benyale, phamwenga na mwanao Chiti. Phamwenga na mwanao Mumbo. Na nyawa wakpwenda dzuzi. Phamwenga na uwe Bemwalewa mwenye hata uu mudzi wosi ni wako. Sino hunahenza yuyatu mwanache be aphole. Kala ni kadzama ya nyumbani ngoma yinarira ni yiyi. Hemu anwani uchi, be chitototo. Gangu nifanyago phapha be huimane phamwenga, hosi huvoyeni nyo mulungu. Ni uchi uu wa uganga.
(song of mwanamulungu3) tsererani tsererani, mulungu wa kpwera dzulu, tsererani tsererani tsererani, mulungu wa kpwera dzulu, tsererani (repeat many times)
Mw: Haraka mwanamulungu, haraka mwanamulungu. Ngoma ni yiyi.","kayamba,lavya konze,k'oma,hatsa,uchi",1991/10/25 0:00:00
3480,"儀礼","メムヮカの呪医就任０３","Mwainzi","[preparing mwana wa ndonga] Mw: ..Phatu hiphano rero hunaphalavya chereko. Tsi chereko be chichi ni mwana wa uwe mwenyezi mulungu. Na uwe mwenyezi mulungu ndiwe mwenye ngome. Onjeza ubani. Basi phatu hiphano rero nidzikudza mimi Mwainzi. Mimi Mwainzi tsiyire uganga. Nagbwirwa ni mashaka gangu. Mutu mimi nichenda hata Musambweni nichenda lagulwa ni azungu. Vyo nisemavyo nambwa nalembwa. Nichuya kpwehu, nichidza sagala. Nichisagala kumba mashaka ninago vivyo. Gachidza nigbwira nichambwa be kura kpwa azungu wari utu wani? Vyo kumba wari ni mashakago. (changing tape) Mw:..Nichamba kala ni uganga he ndaufanya. Amba mino vino tsuma nife kare. Muno duniani hata tsina mwana. Haya bemba mino dzikubali. Nichikubali gachihurira go maneno. Hata dzihenda musena. Nambwa haya, haya vino go maneno gakala vino. Nichiuyirwa nichigbwirwa sana. Hata chila mutu achimanya mimi ee. Mulungu uchinisaidia.","kayamba,lavya konze,mwana wa ndonga,mashaka,経歴",1991/10/26 0:00:00
3481,"儀礼","メムヮカの呪医就任０４","Mwainzi","Mw: Mulungu ni uwe uriye rero vivi phana mwanache yupata tabu ya kushinda phapha. Sasa yiyi ye mwanache ngere ni muvulana. Mburuga zichipigbwa yunambwa ni nyama a ameye. Sipitali makadara lwaphi. Mwanache yudzuya yuhenda unulwa. Hata yiyi rero yudzunulwa. Ela hangbwe hunahenza urongi. Ni mwana apate urongi wa mwenyezi mulungu. Yuyatu Memwaka yuyatu. Rero nami vivi urongi naulavya. Siupimire na mashaka gonigbwira. Mimi Mwainzi. Vivi rero chikala ni mashaka jeri yuyatu mwanache. Hata yuyatu ameye achipata mwana wa kupiga mburuga, mwana yunakala muzima. Mino nahenza nichienenda tsiku mbiri niambwe yutiywa sukuli. Nimanye kumba mwenyezi mulungu unamanya kugbwira jeri. Hata uchikala udzitsanganyikana na anao, lakini mwenye ni uwe. Na sino rero hunakupha kazi uwe. Uvugule salama salamini. Kuku ni yuyu, kuku mwiru. Kuku yuyu yuna tsinzwa phapha. Na roho ritiywe mumo. Be uwe uchikala u mwanamulungu, nami nahenza tototo.","kayamba,lavya konze,mwana wa ndonga,雌鶏黒",1991/10/26 0:00:00
3482,"儀礼","メムヮカの呪医就任０５","Mwainzi","Mw: Muganga mulume ni mimi, muganga muche ni yuyu. Chila mutu wagbwirwa ni mashakage. Ye yu kpwao yuna gakpwe. Nami ni kpwehu nina gangu. Mulungu uchihutsanganya. Chila mutu kumba mashaka yunago. Na vino be tsikpwamba unanza phapha wanza pindi. Kuku kuhenda dza gaga na atu anaphola. Vivi chikala ni kondo yiyo be ni uwe mwanamulungu, ela unahenza upate urongi kpwa Memwaka, ni uphoze yuya mwanangbwa. Rero unahewa urongi. Uvugule salama salamini. K'oma nizimanyazo, k'oma nisizozimanya, nahenza mozini mwime phamwenga, muniunge na maneno gangu. Gaga nigagombago. Anzazi: Uwe mwana laika na mwana musambala. Na mwana mubarawa na mwana mukpwaphi. na uwe mwana kalunguzi. na mwana p'ep'o k'oma. Muchetu wa chingindo. Hai hai hunaphalavya wira. Wira uratu ni wa uwe mwana mulungu. Hiwe mwanamulungu ndiwe kudza na chiriro. Uchamba mwanamulungu unatsakula urongi. Hata chidunduruma udzichitiya ukongo uwe mwanamulungu kpwa unavoya urongi.","kayamba,lavya konze,mwana wa ndonga,mulungu",1991/10/26 0:00:00
3483,"儀礼","メムヮカの呪医就任０６","Anzazi","A: Kuvoya urongi kulaira hangu pindi uwe mwanamulungu, na urongi kuhewa. Basi, yino rero we mwanamulungu chiratu chidundurumangbwa chikakala viratu kachenenda ni cha photsi kpwenda. Unambwa ni uwe mwanamulungu na mwana musambala na mwana katsimbakazi na mwana laika. Ndiyo kondo bomu unahenza urongi hata ni bahi. Vivi rero urongi ni uu odzikupha. Uwe mwanamulungu, udzilaviwa ni nyani? Udzilaviwa ni Mwainzi. Urongi ulaviwa ni ani? Ulaviwa ni Anzazi. Mwainzi walaviwa ni abaye na ameye uganga. Mimi nami nichilaviwa ni baba na mayo. Mayo huya Vigurungani ni Memunga. Mayo huya Mazumalume hikura ni Nimwingo. Baba ni Bechekaya, chila mumwenga yuna abaye na ameye. Kaphana yeiya uganga. Kaphana yepima uganga. Ni mashaka kuhugbwira naswi na kulaviwa uu uganga naswi hunahenza huphoze asena. Huchitibu asena dza vivi akale nao huchialagula dza vivi anaphola. Basi ni Memwaka agbwire kaziye chividzo ya mwana wa mulungu.","kayamba,lavya konze,mwana wa ndonga,mayo wa chiganga",1991/10/26 0:00:00
3484,"儀礼","メムヮカの呪医就任０７","Anzazi","A: Kuvugula chira chidundurumangbwa kukala chizima. Kakuna mwana kumuvunza magulu. Ukamuvunza mikono yuyatu mwana chidunduruma. Uwe mwanamulungu na mwana musambala na mwana mubarawa, mwana kalunguzi, na mwana p'ep'o k'oma, phamwenga na uwe Mwarabu na mwana bulushi. Na mwana rohani. Muphokere urongi asena. Mufanye kazi ya urongi. Tsi kuhewa urongi ukakala mumo nyumbani mwana mulungu. Apana! Viratu vyokala uchirira dzuzi na dzana. Uchamba tsindapata urongi. Urongi ni yiyi rero. Uphokere chividzo sana, uwe mwanamulungu. Uvugule yuya mwana chidunduruma akale muzima. Apigbwe ni peho mbidzo magulu gadine aenende yuyatu mwana chidunduruma. Ndiye yendakala mwanzo yunatsukula uratu mukoba wa ameye. Mwenye ndivyo ahenzavyo yunatsakula mwana madziwe hata chamba yunaenenda mwana madzi hiye ko nyuma, ni nyani? Ni yuyatu chidundurumache.","kayamba,lavya konze,mwana wa ndonga",1991/10/26 0:00:00
3485,"儀礼","メムヮカの呪医就任０８","Anzazi","A: Basi chivugurireni. Muchilavye konze. Kakuna kuchivunza magulu. Mukachivunza mikono, mukachivunza ndani. Muphaphikeni yuyatu mwana wa kazi. Apigbwe ni peho mbidzo. Peho mbii yichire na dzulu. Kakuna kondo kulaira ano nyari mosini, ano dena mukambe, ano bwana masai mosini. Phokerani, mwana ni yuyu. Ano p'ep'o k'oma phokerani mwana ni yuyu. kakuna kondo. Ano pungahewa mosini, chiyuga aganga, boko musawe, hai hai asena. Ahehao ni airi. Achidza wa hahu, akakala mukanyi kondo. Swiswi be hu akanyi enu. Hudzikudza mupa mwana wenu wa furaha wa urongi. Mufanye kazi na uzima ndio niuhenzao. Muvugule salama salamini. Arumwengu mosini, hai.","kayamba,lavya konze,mwana wa ndonga",1991/10/26 0:00:00
3486,"儀礼","メムヮカの呪医就任０９","Mwainzi"," [to the completed mwana wa ndonga] Mw: Hodi hodi mwenyezi mulungu. Mwenyezi mulungu ndiwe mwenye ngome. Kakuna avyalwaye akakala kana mulungu. Nakupiga karibu sana uwe mwenyezi mulungu. Na muchetu Memwaka, Memwaka wavyala mwanawe. Na sambi mwanawe kaenenda. Ni aenende rero, machero mwanache yudzuya pho tandikoni. Gafanywa manji, hata mafundi asena achiloka phapha, uwe mwenyezi mulungu. Achidza fanya. Mwanache kaenendere. Achuya virimani achambwa mambo gakoseka. Uyirani mwenyezi mulungu. Vivi rero sino naswi huna uwe mwenyezi mulungu. Kulaira yiyi rero vivi uwe mwenyezi mulungu, uwe u mwana vivi, be wa kufanya kazi. na ndakupha Memwaka yiyi rero. Hata nichilaa phapha, nende nikakpwike phatu phangu, hata ye Memwaka adze akuwale mwenye. Hata nimanye Memwaka yugbwira mwana. Kpwa yuhenza mwana.","kayamba,lavya konze,mwana wa ndonga,mulungu",1991/10/26 0:00:00
3487,"儀礼","メムヮカの呪医就任１０","Mwainzi & Anzazi","Mw: Kara kadundurumake nako kaphole. Maana uratu ukongo wosini unambwa ni ye ameye kahewa uganga. Ela achihewa uganga naye mwanache yunaenenda. Huchidza heza maneno gehu huchuka. Huchidza mita nyungu. A: Nawe dina. Kung'ala uwe. Mw: Aa yundapigbwa vivyo. A: Go maiki ga yuyu mwana. Mw: Undauka uwe na yuyu mwimwi airi. Mino hata dzipanga pindi ni uwe na yuyu. Mino tsenda. Sambi we mwenyezi mulungu, vivi rero mwana yuyu be ni wa Memwaka. Hata ngoma ya mulungu yichirira Memwaka akawale mwanawe. Be nahenza yuya mwana aenende. Kpwa wakudza ika nyungu ya muduruma, mwana achienenda. Hata nichidza mona yunavuguta magari. Dzuzi nichidza ika nyungu kahiri hangbwe achenenda hata achifika ko tsini. Vino dzana hunaloka, ukongo udzuya hata mwanache yuhenda unulwa. Uwe mwenyezi mulungu phamwenga na Mwarabu, phamwenga na mwana barawa, phamwenga na mwana sambala.","kayamba,lavya konze,mwana wa ndonga,fitsa",1991/10/26 0:00:00
3488,"儀礼","メムヮカの呪医就任１１","Mwainzi","Mw: Na uwe mwana musambala ndiwe muganga mubomu. Ndiwe muchina kaserema (worn out jembe)na kurima tumbaku. Na kugbwira chititi na kupiga sana. Kuvugula yino rero. Memwaka achilaa phapha akaone hiyuno mwanawe. Phamwenga na mwana kpwaphi, phamwenga na mwana katsimbakazi, phamwenga na mwana laika. Phamwenga na mudoe, phamwenga na mwana bulushi, phamwenga na uwe mwangala. Hemu vugulani. Phamwenga nani, na uwe dungumale na uwe zimu. Na uwe chiroboto, hemu vugulani. Mwana yuyu rero namupha Memwaka. Na senzi nikamuwale mimi nidze nihende piga taji(ス) phapha kpwa namupa. Chikala Memwaka munamuhenzera urongi, ao asena akudza achidza phonya ngao. Nami Mwainzi dziloka phapha na tsipimire uganga mino. Uganga be nauhewa ni Mwenyezi mulungu. Nami nafanya go ga mwenyezi mulungu. Nahenza Memwaka achunuka phapha, be akawale mwanawe. Be nimuphe uganga.","kayamba,lavya konze,mwana wa ndonga,fitsa,musambala,",1991/10/26 0:00:00
3489,"儀礼","メムヮカの呪医就任１２","Mwainzi & Anzazi","Mw: Nami naririra phapho yuyu mwana yuyu vivi, hata nichikpwika kuko, we rira kare, ameyo adze akuwale. Be nimuphe uganga, hata atu amanye Mwainzi ni mwanache mudide, lakini wagbwirwa ni mashaka jeri. Kpwani mimi ni mashaka gaga. Na musena ni yuyu kare. Mwana yuyu ni wa muche na mulume. Kuvugula sana uwe mwana mwanyika na uwe mwana chirimanjaro, muvugule. Mwana ni wenu. Ao anjine osini kuko anahenza kazi. Lakini kachira mpaka uwe mwenyezi mulungu uhewe. Nami rero nakupha. Hemu vugula yuya mwana aenenda. Hata nami nihende raha. Kpwa hata achiwalwa ye mwana tu, namanya hata yuyu yundaenda. Na mwana tsi munjine, ni uwe. Phondakpwika, uchona unachelewerwa, we rira tu. Ye ameyo adze akuwale. Muvugule salama salamini. Ano arumwengu osini. [Anzazi's makokoteri for the finished mwana wa ndonga] A: Haya basi. Na kuvugula. Vugula uwe mwanamulungu. Mwanamulungu wakala una chiriro. Chiriro ni chani? Ni cha kutsakula urongi.","kayamba,lavya konze,mwana wa ndonga,fitsa,mulungu",1991/10/26 0:00:00
3490,"儀礼","メムヮカの呪医就任１３","Anzazi"," A: Basi urongi tsi unjine. Urongi ni uu. Uratu uganga nyo kala unauhenza, kulaira hangu pho pindi. Phamwenga na mwana musambala ndiwe muganga mubomu. Na hiwe mukpwaphi. Himwi ndimwi aganga abomu. Aonyesa peho yinadza himuno mwehu mutu akamulohesa hata akasema kunaloka vita. Tsiku fulani kundakudza vita. Ye akakala ni mumanyi kare. Akafanya vyakpwe aidimavyo. Kumba ni kurimira maziya akarimira miziya barabara. Basi uwe mwanamulungu na uwe mwana chitsimbakazi, na mwana laika na mwana musambala na mwana mubarawa, mwana kalunguzi, mwana p'ep'o k'oma. Hiyuno mwana be ni wenu wa urongi. Na vivi namupha yuyatu Memwaka. Kpwa chidunduruma kukala chikongo na yunambwa ni uwe mwanamulungu ndiwe uriye unahenza kazi. Atu ni anji, lakini sino hunanza mwenyezi mulungu. Huanze kumupa mwana. Huchilaa phapha hundakudza hulavye mwana wa dena mukambe.","kayamba,lavya konze,mwana wa ndonga,fitsa,musambala",1991/10/26 0:00:00
3491,"儀礼","メムヮカの呪医就任１４","Anzazi","A: Huchilaa phapha hundakudza hulavye mwana wa muchetu wa chidigo na mwana marera. Hiwe muchetu wa shera. Phamwenga nani? Na mwana kalume muduruma. Atu aratu nao ni atu a kuhenza kazi. Lakin vivi anzani kuphokera yuyu wa ameyenu mosini mwimwi, ana arumwengu morio muratu ndani ya yiyatu ngome. Muvugule vino vidundurumangbwa vikala vizima. We mwanamulungu. Nakupiga njerenjere na amani. Kumba naswi hunaidima kuhewa chidunduruma chehu cha kuhendera kazi. Kazi ni yiyi, mwi asena, yidzanza. Hunahenza kazi hunahenza kazi. Higano manyonge himuno nyumbani gamulae. Mwana chidunduruma akale muzima. Apigbwe ni peho mbidzo, peho mbii yichire na dzulu. Mwana kurya chakurya na kunona, kakuna mwana kumuvunza magulu. Ukamuvunza mikono, ukamuvunza mbavu. Kakuna we mwanamulungu. Kondo yiyatu yakala dzuzi na dzana.","kayamba,lavya konze,mwana wa ndonga,fitsa,mulungu,母子",1991/10/26 0:00:00
3492,"儀礼","メムヮカの呪医就任１５","Anzazi"," A: Ela vivi rero richira mwana jakazi, apigbwe ni peho mbidzo. Kakuna kondo salama salamini. Mwimwi ana arumwengu osini. Hai poreni phamwenga na uwe nyari chipinde. Nyari ng'ombe, nyari mwafira. Hiwe nyari mwalukano, nyari maumba, nyari chitiyo. Nyari vunzavunza uvunzaye chitswa, ukavunza mikono, ukavunza chilaga, ukavunza mbavu uwe nyari. Phamwenga na bwana masai. Na ukavunza magulu, mwana akatsaenenda, kumba ni uwe nyari joka bomu. Muphaphikeni yuyatu mwana jakazi, muphokere mwana wenu chividzo. Na njerenjere. Kupiga njerejere kuvugula mwana kukala muzima. Mwana apigbwe ni peho mbidzo, peho mbii yichire na dzulu. Kakuna kondo. Kala ni mwana ni yuyu wa uganga, mufanye kazi chividzo na amani. Kumba naswi hunamanya kuhewa kazi yehu. Wari hukayiririra kazi dzuzi na dzana. Huchamba kahundayipata. Vino rero hudziyipata.","kayamba,lavya konze,mwana wa ndonga,fitsa,mulungu,母子",1991/10/26 0:00:00
3493,"儀礼","メムヮカの呪医就任１６","Mwainzi","A: Phamwenga na mwana pungahewa, luki na gasha. Chiyuga aganga, boko musawe. Poreni sana muphokere chidunduruma chenu cha urongi. Ni chichi salama salamini. Hai hai.
[go to hide mwana wa ndonga weruni] Mw: Kaikpwa hipho kahiri. Hamamoto(H): Ni paka aende na atu airi? Mw: Ni atu airi. H: Akafitse? Mw: Akafitse. Samba mino dzigamala hata nikenda piga ngoma nenda piga? Namuhenza ye masai. Nahenza nikapige. Basi hunagomba hiphano ela hukagomba phapha hudzikudza phapha kpwa kuhusu Memwaka. Ngoma! Ngoma! ","kayamba,lavya konze,mwana wa ndonga,fitsa",1991/10/26 0:00:00
3494,"儀礼","メムヮカの呪医就任１７","Mwainzi"," [Mwainzi kuhatsira muhi with black chicken] Mw: Mwana kukala mukongo kpwenda hata makadara. Makadara kushinda. Achambwa ni wuyire chitamaduni(in a civilized way= in duruma way). Na mwana aphole. Naye Memwaka tsimwambire..(inaudible).. Memwaka na moyo umwenga. Kuna mwarabu na mwana barawa na mwana kpwaphi, na mwana chitsimbakazi, na mwana laika, na mwana kalunguzi. Mwana kalunguzi ni mwangala. Na mwana mugala. Na mwana p'ep'o k'oma. Muvugule. Rero muhi uu nakuhatsira Memwaka. Na moyo umwenga. Nagbwirwa ni gangu go mashaka. Nami nichilaviwa, na nichambwa nokole asena. Kokola tsi kunjine. Uwe mwanamulungu. Naokola hiyuno Memwaka. Mwanawe aenende, na kazi nayo yangale. Mwana aphole, naye mwenye apate kuenenda. Haya ye mwana adze, aende naye. Kpwenda naye ugangani.","kayamba,lavya konze,tsanzani,hatsa muhi",1991/10/26 0:00:00
3495,"儀礼","メムヮカの呪医就任１８","Mwainzi"," Mw: Uwe mwenyezi mulungu phamwenga na dungumale. Phamwenga na p'ep'o k'oma, phamwenga na chiroboto. Kuvugula sana phamwenga na mudigo. Kuvugula sana phamwenga na uwe mwana mwanyika. Phamwenga na uwe mwana chirimanjaro. Chidogo mimi kumwambiriza sana poreni. Dzikudza phapha mimi Mwainzi. Tsiyire uganga. Uganga nauhewa ni Nganyawa, uganga nichiuhewa ni Mumbo. Uganga nichiuhewa ni Nyale, uganga nichiuhewa ni Mbega. Nami naokola asena. Pore sana mwana kanyinyi. Konda dzuwani konda mvulani. Nahenza vivi rero. Umuvugurire uzima yuyatu phamwenga na mwanawe. Mwanawe aenende. Chikala yo kondo wari ni uwe, dzikudza phapha pha uwe mwana kanyinyi. Tsiyire uganga na tsipimire uganga. Kpwani nari tsiwenzi, nichishindwa ni mulungu.","kayamba,lavya konze,tsanzani,hatsa muhi,kanyinyi,mulungu",1991/10/26 0:00:00
3496,"儀礼","メムヮカの呪医就任１９","Anzazi"," [Anzazi kuhatsira muhi badalaya Mwainzi] A: Hiwe mwana kanyinyi hunamupha huya Memwaka. Memwaka kuvoywa urongi. Kulaira hangu pindi. Chidunduruma kukala chikongo kachilaa muratu nyumbani. Yuyatu Memwaka vivi rero kazi ni rero. Ya uwe mwana kanyinyi. Basi ninagomba na uwe muhi wa mulungu. Mulungu mubomu ndiwe. Mimi ninagomba na uwe phapha. Tsiyire uganga, uganga mino nauhewa ni mayo Umazi wa Bindu. Nichiuhewa uganga ni ani, ni baba Mwainzi. Nichiuhewa uganga ni ani, ni baba Bechakaya. Nichiuhewa uganga ni ani, ni mayo Memwingo. Tsiyire uganga uwe mwanamulungu na mwana musambala. Na mwana mubarawa na mwana mukpwaphi. Na mwana kalunguzi, mwana p'ep'o k'oma, mwana dungumale, mwana zimu. Kugbwira urongi wenu chividzo. Vizuri sana viratu vyodzigbwira. Yuyatu mwana we arime mwaka. Umuvugurire kazi usiku na mutsana.","kayamba,lavya konze,tsanzani,hatsa muhi,kanyinyi,mulungu",1991/10/26 0:00:00
3497,"儀礼","メムヮカの呪医就任２０","Mwainzi & Anzazi"," A: Mukoba wenenda konze. Mukoba kawenenda nyumbani. Usikire hivi hiwe mwana kanyinyi. Konda dzuwani konda mvulani. Uwe mwana kanyinyi ninahenza uzima. Memwaka akale muzima, phamwenga na mwanawe agbwire kaziye tototo. Salama salamini arumwengu osini. Hai ano chirimanjaro, ano mugala mosini haini.
[Mwainzi yunahatsa na kuku mweruphe] Mw: Uwe mwarabu phamwenga na bulushi phamwenga na mwana rohoni, phamwenga nani na mwana somali, phamwenga nani, mwimwi nyama a chisilamu. Mwalimu dunia, mwalimu kuruani, kadume, tsovya. Mwimwi, mosini nyungu ya mulungu yichimitwa, naye mukongo chikala yuna husikana na mwimwi, ana arumwengu, ndimwi mudzao phapha. Yinakala ni sawa yaani, mwimwi mukale mundakala sawa tu na yuyatu ameyenu. Rero nakuhatsira Memwaka. Na Memwaka mwanawe ni mukongo, hata kaenenda. Naye yukudza mwenye phapha. Simwambire hinde nikakuonyese.","kayamba,lavya konze,tsanzani,hatsa muhi,mukoba,kanyinyi",1991/10/26 0:00:00
3498,"儀礼","メムヮカの呪医就任２１","Mwainzi","Mw: Yukudza mwenye kudza gbwira uwe mwana kanyinyi. Konda dzuwani, konda mvulani. Basi kuvugula mwana salama salamini. Memwaka nahenza vivi mwanawe aphole na ye mwenye. Mwanawe achiphola ugangawe wangale. Salama salamini.
[Mwainzi bless the tree with palm wine] K'oma nizimanyazo, k'oma nisizozimanya, ninagomba na uwe tsawe Mwainzi. Uwe tsawe Mwainzi, hata ye baba wanisiya mudide. Naye achiwala achivyala anae anji, hata mino ni wa katikati. Basi rero uwe tsawe Mwainzi na nduguyo. Bemwalewa mino phapha rero naphagbwiza muhi Memwaka. Na ni muche wenu be yiye, na namugbwiza muhi wa mwana kanyinyi. Ngoma! Nahenza yuyatu mwana aphole. Nahenza yuyatu mwenye akale muzima na kaziye yiangale. Uchi ni uu na uu mino nambwa,..vivi uchi ni uu. Mugbwire wa kunwa uchi na gondagagomba phapha mugaphokere mikono miiri.","kayamba,lavya konze,tsanzani,hatsa muhi,kanyinyi",1991/10/26 0:00:00
3499,"儀礼","メムヮカの呪医就任２２","Mwainzi"," Mw: Basi nagomba na uwe mwana kanyinyi, uwe mwana kanyinyi muhiwe konda dzuwa konda mvulani. Mino rero nakupha Memwaka hiwe mwana kanyinyi. Na moyo umwenga. mimi nambwa ni baba Nganyawa, nakupha uganga mwanangu. Na uganga utsihende moyo wa chisongo. Nami nichigagbwira go gakpwe. Hata nikakugbwira vivi uwe mwana kanyinyi. Uganga nauhewa ni Nganyawa. Ndiye baba hiwe mwana kanyinyi. Nichuka nichenda na baba Rangi. Nichenda hewa muroi ni Nyale na Mimbega. Nganyawa ye achinilavya na Mwaka. Kanonyesere muhi, anonyesa uwe mwana kanyinyi konda dzuwa konda mvulani. Vivi rero nakuzuzira Memwaka na moyo umwenga. Memwaka mwanawe aphole chikala yuyatu mwanache atsaenenda ni mashetani. Nahenza rero uwe mwenyezi mulungu vyodzikudza gbwira Memwaka. Uu muhi uu mwenye. Nahenza yuyatu mwanache aphole. Naye mwenye naye alagule.","kayamba,lavya konze,tsanzani,hatsa muhi,kanyinyi,呪医の系譜",1991/10/26 0:00:00
3500,"儀礼","メムヮカの呪医就任２３","Mwainzi","Mw: Sino hunamurya mwanzo nahenza nuke wa kumvuna. Ndiye adze amvune. Ela mimi nichuka na nzala, naye yuphenya nzala. Uwe mwana kanyinyi. Mimi tsikuyire uwe mwana kanyinyi. Uvugule salama na k'oma zosini zano Mwamongo, zano Michisima. Mwimwi ano Wechizi. Hebu rengani uchi uo nyodziahadza phapho. Anjine ni ana enu anjine ni atumia enu. Rengani uchi. Moyo wangu ni umwenga. Kulavya uganga be tototo. Mutu ashindwe mwenye, na atsambe Mwainzi kahi yunani. Uchi uu vivi vugulani, mumuvugurire mwana wa Memwaka akale muzima. Na Memwaka mwenye wari yunaririra urongi. Urongi rero dzimupha, na roho rangu ni mwenga.","kayamba,lavya konze,tsanzani,hatsa muhi,kanyinyi,uchi",1991/10/26 0:00:00
3501,"儀礼","メムヮカの呪医就任２４","Mwainzi","[kutsinza mbuzi nyiru] Mw: Uwe be u mulungu mubomu na vivi yiyi rero be nakuhatsira yuyu Memwaka. Memwaka tabu za mwanawe. Mwana yulagulwa ni aganga, aganga ashindwa nidzihiwa mimi mwanache. Kpwani ni amvi za bule ela ni mwanache.Nagbwirwa ni mashaka, mahe gangu uwe mwana kanyinyi konda dzuwani konda mvulani. Nahenza yuyatu mwanache tabu zosini. Ni wari unahenza Memwaka adze achikuwala chila siku. Mino rero dzikuhatsira Memwaka. Memwaka adze phapha kukuwala chila siku na kpwenda lagula sana. Na uwe mwana kanyinyi be mbuzi nyiru ni yiyi. Vivi nahenza usalama, salama salamini. Phamwenga na mwana kpwaphi phamwenga na mwana laika na mwana mugala. Poreni asena. Mwimwi ndimwi odzilongozana na mwenyezi mulungu. Phamwenga na p'ep'o k'oma na dungumale na zimu. Na mwangala poreni phamwenga na mungindu poreni.","kayamba,lavya konze,tsanzani,mbuzi,vunza mihi",1991/10/26 0:00:00
3502,"儀礼","メムヮカの呪医就任２５","Mwainzi","Mw: Muvugule asena phamwenga na mudoe poreni. Mbuzi ni yiyi, phamwenga na uwe mwana mwanyika. Uwe mwana mwanyika be u mulungu mubomu. Pore mbuzi ni yiyi. Mutsikasirike(mutsitsukirwe), phokerani mbuzi yenu. Namulavya uzima kura. Na mumupe urongi yuno aronge usiku na mutsana. Uwe mwana kanyinyi wamba mino nahenza Memwaka adze achiniwala chila tsiku. Mino be rero vivi nakupha Memwaka be na moyo umwenga. Kisha nakupha na moyo umwenga hata dzikupha mbuzi. Mumanya Memwaka achiloka phapha mutsimuhuke. Achilaa mudzini be achiloka achidza kuwala akadzaona phaimire mutu phapha. Mino tsenzi. Hemu yunakutsimba achidza fika hata akoshe muzi phapha. Mino senzi. Dzikuhatsira na yukudza mwenye. Simwambire hinde. Yuloka mwenye kpwa hata uwe mwenye wamini. Kukala yuyu adirikie(akubali) maneno ga uwe, kudza achikuwala, ni yuya mwana akale muzima kura nyumbani.","kayamba,lavya konze,tsanzani,mbuzi,mwanyika,vunza mihi,p'ep'o",1991/10/26 0:00:00
3503,"儀礼","メムヮカの呪医就任２６","Mwainzi","Mw: Kala ni mbuzi nyiru, be, ni yiyi. Vugula na mwana chirimanjaro. Mwisho wangu ni uno. Characho uwe mwenyezi mulungu be mamboge ni gago. naphadze mudzomba. Muganga mulume. Muche ni yuyatu kare. Na chila mutu be yuna gakpwe gochizirwa. Rero vivi unawalwa ni Memwaka. Ni umurichire Memwaka na mwanawe akale yunaenenda. (to Memwaka) Vunza chitai.","kayamba,lavya konze,tsanzani,mbuzi",1991/10/26 0:00:00
3504,"儀礼","メムヮカの呪医就任２７","Mwainzi","Mw: Ngoma yidzegbwa, ngoma yidzegbwa. Upige chitu ulole mukongo. Na chikala una anji nyodziaona, niambira mino. Tsenzi mwana muzuzu, mino nahenza mwana mwelevu. Mwambira hiye, mwanzo. Munula umurehe. Na yuno undamwambira vivyo. Naye yedzimona chimberembere kamuwala. Nyamaza ngoma chidogo umwambire asikire. Umokole. Sambi gano arigo nago unamuricha auke nago. Haya dzishindwa nini? Nayo ng'ombe yibitwa ni yuyu. Memwaka: Yuno namona ni mukongo, mukongo. Yuno tsimanya, yuno, yuno yunayugbwa nini? Ni manenoge. Maneno manjine tu. Ga mwakpwe mwirini gakukala be tsimanya yunaenenda, enenda vivi, be hata kang'arirwa kamare kamare. Mw: Hebu hikiza mwanangu. Man: Taire. Me: Naona yiye be achenenda enenda vivi mwakpwe mapatoni. Be hata kang'arirwa kamare, henda, chihenda, chidzako yugbwirwa kare mo nyumbani. Mino nimona vivyo tu. ","kayamba,lavya konze,mburuga",1991/10/26 0:00:00
3505,"儀礼","メムヮカの呪医就任２８","Mwainzi"," Mw: Piga taire. Man: Tsipata chitu hata nichiphenya nyumbani nalafiwa. Me: Ni azunguluke zunguluke, chidzako auye yiye. Yudzangalala angalala. Kana ra kuhenda kahiri. Mw: Taire mwanangu. Me: Hata ro gomare narona karipho pho mudzini. Rauka kare kapindi na haya chomusa(thing that made her leave) unachimanya? Man: Tsichimanya. Hata naona mutu kuuka tu. Me: Haya be ni uwe mwenye wabanangbwa. Sambi be aa uu. M: nahenza nyo ubanangi mba niwelewe. Naye mubanangi chikala yu phapha mupige chiphungo. ","kayamba,lavya konze,mburuga,utsai",1991/10/26 0:00:00
3506,"儀礼","メムヮカの呪医就任２９","Mwainzi"," Me: Bemba tsiku zino kakuhadzwanwa. M: Aaa nambira nguo zodzivala tu ndamumanya. Me: Katsakule fundi tu we, utengezwe tengezwe mwirio tu. Maana kaphana mabomu musena, hata ni gago kare. Kpwani baye naona uo mwirio be wabanangbwa banangbwa, hata kauna nuru(afya) kamare, hata phondaphenya, hata kupata chitu kamare uwe. M: Nihendedze? Sambi nyo ufanyeo ndafanywadze? Kpwanza una chiryangona chani? Me: Hata ni wende ukatsakule kiiru tu bahi, kache, aphendulwe phenduluwe, akale naye yundahamirwa hamirwa baye. Ela chikala sivyo be yundazunguluka zunguluka yuyu. Haya be akakome kura auye kura. Kang'arirwa kang'arirwa,yuyu. Baye uwe musena wangu ni akaphendulwe phendulwe baye. Ukatsakule viganga ganga na kadzanakuku kiiru hikano. Ela baye chikala undakala vivi, be, undakala wa kutapatapa kpwenda. Hata kundang'arirwa kamare.","kayamba,lavya konze,mburuga,utsai,phendula",1991/10/26 0:00:00
3507,"儀礼","メムヮカの呪医就任３０","Mwainzi","Man: Ye muche yundauya? Me: Amba sambi uchendwa fanywa fanywa uchimutuwa yiye mayo amba yundakudza. Bila kufanywa fanywa baye be undakala wa kutapa tapa. Uwe mwenye be wabanangbwa hata we mwenye kpwani unaonadze. Man: Hata kabila kufanayirwa gano mino tsiwala kahiri kumba? Me: Uchimutuwa ye muchetu bemba munadza musagale. Uchikala kumwenzi enzi bemba, undatsakula munjine. Bemba yindakala ni kaziyo. Ela baye mino dzikpwambirwa kutengezerwa mwirio ndipho phenye maneno gandakala sawa. Ela bila kuhenda vivyo haya undakala wa kpwangaika kpwenda. Mw: Na kazi achiyitsakula na yundapata? Me: Ee yundapata sana, hata mwanzo achifanywa fanywa achenda vyakpwe kazini yuyu, hata kauka uka kahiri, kudza kudza mudzini yunafanya kazi kpwenderera. Man: Haya phapho ndipho niphahenzapho, ela nyo ache ni anji, ache agande.","kayamba,lavya konze,mburuga,utsai,phendula",1991/10/26 0:00:00
3508,"儀礼","メムヮカの呪医就任３１","Mwainzi","Mw: Sambi chikala yundashindwa ni kunanio nikukala maneno gasira. Kpweli ya mimi vyo vyangu nihenzavyo, dzivipata. Kpwa vivi kuwala ng'ombeye ni sawa. Neno rodzirokoseka phapha ni ra mukoba. Lakini ndarisagarira na aa anangu. Munyazi: Phanahenzwa phakale phana kakaphu kadide tu, adze asagazire nyo anae. Mw: Be kaphya be wahi. Kotsodzangbwe kuhumirwa. Ka phapha? Kara kanjine tsikaenzi. Sambi ni kuwala ng'ombeye. Phondakala ye mwana nako kakale pho tsini. Alafu bemba u phapha? Man: Eee. Mw: Chane kokoterani. Umiro kaulaa ati. Amba chikala udzuka wala kare unakokotere nyo kuku. Kaphayuga kahiri phapho. Umiro kaulaa ni usingizi, hebu asena mudzilala? Kokotera kokoterani gasira kare gago.","kayamba,lavya konze,mukoba,ng'ombe",1991/10/26 0:00:00
3509,"儀礼","メムヮカの呪医就任３２","Anzazi","[makokoteri after mburuga test] A: Haini ninagomba, nagomba na uwe mwanamulungu na mwana chitsimbakazi na mwana laika, mwana musambala, mwana mubarawa mwana mukpwaphi, mwana kalunguzi. Hai hai hai hai phamwenga na uwe mwarabu. Na bulushi na mwana rohani, mwana musomali, mwalimu kuruani, mwalimu sudiani, jine mwanga, jine bahari, p'ep'o mulume, kadume zikiri maiti. Haini hai hai ni uwe mwanamulungu, sino hunakupha ng'ombeyo. Ng'ombe yiyi be ni yako. Uyirinde usiku na mutsana, yipigbwe ni peho. Kuvyala phatsapatsa yiyatu ng'ombe yiyatu. Ela ukamba unayirinda ni chidundurumangbwa phapha kukala chikongo, kukala chikongo chiratu chidunduruma kulaira hangu pindi. Ndo chinambwa kachiphola kpwa yuyu muvyaziwe. Yunahenza urongi. Basi urongi tsi unjine. Urongi ni uu. Nyodzilaa phapha rero.","kayamba,lavya konze,ng'ombe,mburuga",1991/10/26 0:00:00
3510,"儀礼","メムヮカの呪医就任３３","Anzazi","A: Uwe mwanamulungu, phamwenga na anae osini. Ario mumu ndani ya ngome. Kuvugula yuya mwana chidunduruma kukala muzima. Higara magulu kpwanza nahenza gaenende. Mbona munamwika chiwete mumu nyumbani, yuya mwana chidunduruma. Na achuzwa, unambwa ni uwe mwanamulungu. Unahenza urongi. Basi uratu urongi okala uchiuvoya dzuzi na dzana. Urongi ni uratu nyo dziuhewa yiyi rero. Na chikala ndiwe mwenye kondo jeri, unahenza kugbwira uratu urongio, ndo uvugule chidunduruma. Nahenza mwanzo wa yiyi rero, hata yichifika machero, chidunduruma chikala chinaenenda. Kuratu kosini chinafika kura kosini chinafika. Nimanye ni mwimwi, ana arumwengu jeri, munahenza kazi. Bemba hata phana anjine. Sino hudzanza na uwe mwanamulungu. Lakini anjine osini kadzangbwe kukala andahewa urongi wao. Bemba sino hata ni kukaza mairo. Vidunduruma ni viratu virivyo rivyo dzimupha yiyi kazi.","kayamba,lavya konze,mburuga,mulungu",1991/10/26 0:00:00
3511,"儀礼","メムヮカの呪医就任３４","Anzazi","A: Hata kala kavina chitu, lakini ni kukaza mairo vivyo vikenda iya lakini mukadza hewa mwimwi anjine musereo. Maana phana dena mukambe, yiye dena mukambe be warira pindi sana, yiyatu kaziye na kadzangbwe kuyihewa. Phana bwana masai, yunahenza kaziye. Kadzangbwe kuyihewa. Phana muchetu wa chidigo, phana mwana marera. Huya chibarabando, musindo wa vuri, musindo wa mwaka. Hiwe mujita koma, hiwe shera usheraye madzi na mawe. Basi mwimwi namwi munahenza marero genu mwanzo mumu mwirini. Kamudzangbwe kuhewa. Mupeni nguvu. Phamwenga na vidundurumavye vyosini. Vikale vizima. Hikara kariko hiphara photsi, mwanzo kaenende. Vyo viryivyo dzulu dzulu kuenenda na kupata. Ndivyo huhenzavyo muhewe kazi yenu. Mwimwi ana arumwengu osini. Kuvugula sana ng'ombe hiyino ya uwe mwarabu na mwana rohani.","kayamba,lavya konze,mburuga,ng'ombe",1991/10/26 0:00:00
3512,"儀礼","メムヮカの呪医就任３５","Anzazi","A: Na mwana musomali na mwalimu kuruani. Jine mwanga, jine bahari, p'ep'o mulume, p'ep'o kadume, zikiri maiti, chetu ra chipemba. Ni ng'ombe yenu yiyatu. Mino nidzimupha nikamupa dza vivi, ninahenza mwanzo mugbwire kazi yenu chividzo chenye na ani. Na kupiga njerenjere. Kumba naswi hunamanya kuhewe kazi yehu. Kazi yiyatu wari munayirira kulaa hangu phapho. Hata chiratu chidunduruma chiratu chikakala chinagbwa pharatu photsi kpwenda chinakurutika na photsi. Munambwa munahenza kazi. Basi kazi ni yiyi yodzilaa yiyi rero. Yiyatu kazi yenu. Nahenza yuyatu mwanangbwa kanza hata achigbwira chigulu atsuye kahiri pharatu photsi. Maana akauya kahenda uya kahiri. Sino hundamanya tsi mwimwi. Hundatsakula maneno manjine ga kufanya. Hufanyire yuyatu mwana chidunduruma.","kayamba,lavya konze,mburuga,ng'ombe",1991/10/26 0:00:00
3513,"儀礼","メムヮカの呪医就任３６","Anzazi","A: Elakini vivi vyonihenzavyo ninahenza uzima. Hata achanza kuenenda yuyu mwenye kpwanza agbwire mukobawe ela mutejiwe akale ni yuyatu mwana chidunduruma yuyatu, kpwa ta ni muzima. Nimanye jeri ni mwimwi ana arumwengu. Bemba muvugule. Pharipho uwe luki na gaza, na mwana pungahewa, boko musawe. Hai hai kuvugula phamwenga na mwana mudoe. Phamwenga na mwana chizuka na uwe zimu. Haini kuvugula sana, phamwenga na uwe mwana chirimanjaro ndiwe murezi(mutu ambaye yunarera mwana). Sino hudzilavya kazi ya uwe mwanamulungu na mwana muchirima. Na nahenza muyiphokere, mupate kuronga usiku na mutsana. Muganga kalala, muganga kasagala yurimira lugendo(mwendo). Kazi hudzimupha, kazi musiyizagaze himuno nyumbani. Hunahenza kazi yenende hiko konze. Mara hunambwa yu Vigurungani. Ndivyo huhenzavyo. Ndiyo maana ya chiganga.","kayamba,lavya konze,mburuga,muganga,kazi",1991/10/26 0:00:00
3514,"儀礼","メムヮカの呪医就任３７","Anzazi","A: Usikire hivyo uwe mwana mulungu. Phamwenga na anao osini. Kakuna kondo. Uvugule salama salamini. Murinde ng'ombe zenu usiku na mutsana, zivyale patsapatsa ng'ombe zizi na hata zichivyala dza vivi mundagurirwa migozigozi(nguo) yenu ya uwe mwanamulungu. Na uwe mwarabu udze ugurirwe migozigozi yenu. Lakini vivi niuhenzao ni uzima, salama salamini. Kpwenu arumwengu osini haini asena, yangu ni hai. Muvugule mwana chidunduruma, muphokere kazi na furaha.","kayamba,lavya konze,mburuga",1991/10/26 0:00:00
3515,"儀礼","メムヮカの呪医就任３８","Munyazi Mechombo","Munyazi: Kuna kalumengala, hiwe mutumwa, hiwe kagayi, hiwe kasidi. Mutu hiwe be wakudza pindi. Wakudza pindi mumu udurumani mutu uwe. Na uchigomba unamba mino ninagaya maana ninatsakula kazi yangu, kazi yangu nayivoya pindi na kazi yangu tsiyona kpwa utu wani? Nidzigbwira tsiricha, hata nichiricha, mukale mudzinipa kazi yangu. Be anzienu avoya vivyo mwi asena. Anza kolaga mutu, ndo akakala andahewa. Kpwani mukavoya pore kamuhewa. Haya vino lole ye mwana chidunduruma vyo arivyo yuhenda kurutika, mudzimwika chiswere muratu nyumbani kalaa. Kumba ni uwe mwana duruma. Basi yiyi rero uwe mwana duruma kpwanza mino dziudza, nidzikudza na mugovigovio. Nikaloka na chihicho, Chihicho hicho mino dzikupha uwe mwana duruma, hiwe kalume ngala, hiwe kasidi, hiwe nyoe. Usizamire atu kahiri. Kala ni kuzama, wari ukazama dzuzi na dzana.","kayamba,lavya konze,muduruma,zama",1991/10/26 0:00:00
3516,"儀礼","メムヮカの呪医就任３９","Munyazi Mechombo","Mu: Kpwa uchigomba unamba mino tsihewa, nalorera na welevu wao. Kana cha welevu aratu, kumanya kaana cha welevu. Gano wari mundagahewa rini. Mbona vino higano mudzigahewa. Sambi vivi rero uwe mwanaduruma nahenza wanze kuunula yuya mwana chidundurumangbwa. Hata ukamba unafanya kazi ya yuno mwanamulungu. Kisha chidunduruma ukale unacho, udzichiunula uwe mwana kalumengala. Umanye uwe nawe ukasagala vivyo undakudza pata kaziyo iriyo kpwamba unayihenza. Nawe upata mwanao, nawe ukale unaronga dza mwanamulungu. Utsikasirike(utsitsukirwe) ukamba mbona yuhewa mwanamulungu. Mino tsihewerewe kpwa utu wani. Uwe nawe undakudza pata wako maana kawidima kudza na kulavya mwana wa uwe mwana duruma kare, kabila mwana mulungu. Huchihenda viratu ni makosa. Maana ni hulavye mwanamulungu, hudze hulavye wa dena phamwenga na nyari na bwana masai. Phamwenga na muchetu wa chidigo.","kayamba,lavya konze,muduruma,mwana wa ndonga,mulungu",1991/10/26 0:00:00
3517,"儀礼","メムヮカの呪医就任４０","Munyazi Mechombo","Mu: Achilaa aratu osini na mwalimu gojama, unadza hewa wako phamwenga na mwalimu gojama na mawiya. Hiwe mwana duruma, hiwe mutu wa nyika, unadza pata wako. Elakini vivi nahenza uphokere kazi ya mwanamulungu, hata uwe mosini mukale mundafanya kazi. Muronge usiku na mutsana. Muganga kahenda usingizi. Saa sita za usiku yunalamuswa. Yuno yunalamusa heka mino dzikudza na mwanangu yu vino. Yuno yunafanya kazi ndivyo nihenzavyo. Elakini phano nyumbani phakale ni phazima phosini asena angu. Muchikala kondo yosini munayuga uno mudzi, ni kazi bahi. Kazi ni yino rero yodziyoyihewa. Ni muvugule uno mudzi wosini. Mwanzo wa chichi chidunduruma chiricho ni chikongo, hata viratu vinjine virivyo vinaenenda. Uvivugurire uwe mwana kalumengala, uwe muduruma, uwe kagayi, uwe kasidi, uwe nyoe. Vugula, musena wangu, uvugule kazi. Kakuna kondo. Salama salamini.","kayamba,lavya konze,muduruma",1991/10/26 0:00:00