2935,"祈願","ココトーニのサダカ０１","Mwachidudu wa Chimera"," (People take turns tilling the graves with hand hoes to weed them, all the while speaking to the dead. Starting with the eldest Mwachidudu.) Mwachidudu: Haya basi. Mino be nahenda anza kulavya hotuba. Ala yedziloka, be, ni Murina na Chari, kudza towa yiyatu hotuba yao yokala anakulaga.Murina Benzingo, Murina ni ye abayo mwenye. Rero be uloka rero, hiyu hiyu. Sambi musirikise gakpwe gondakala unagomba phamwenga na ameyo. Maana wakudza achipata ameyo na achikpwitikiya(agree). Haya wahi. Samba unamanya Benzingo wakala kana muche mumwenga. Achee akala ni anji. Haya be musirikise gondakudza nago ye Benzingo. Mino yuno ni ye Bemose kare umumanyaye. Hata mimi nami nadza phapha vivyo kpwa garatu umanyago. Ala vino rero be ni Murina, Benzingo Murina wakala akaihiwa Belefani. Be ro dzina ra Benzingo kadzangbwe kumupata ye Nzingo. Ni umudinire apate Nzingo.(Let you make efforts for him to get..) Hata vivi vyodzikudza phapha. Bemba vivi ye Menzingo naende akalae mwana. ","k'oma,sadaka",1991/9/15 0:00:00
2936,"祈願","ココトーニのサダカ０２","Mwachidudu wa Chimera"," Chaka(Murina's FBS=B, =Benyamvula(Cha)): Hata ye Nzingo kpwanza wafa dzuzi dzuzi. Kadzangbwe kumala hata mwaka. Ye Nzingo ndiye muvyere kamare. Mba ni muphwangbwa wa achina kpwa Bechidosho ye. Haya Murina be hiyu sambi uloka. Woman(Murina's FZ, (Tsa)): Be hu mashakani mwenehu, hata vyakuhenda kahuna. Hu shakani kabisa. Hata sino anjine kaudzangbwe kuloka kpwanza. Maana hata nyo alume nao ninamba anenda kufani. Yedzeloka be ni muvaha mwenye, Murina. Hata tsi Chaka(Murina's uterine brother, different from Chaka above), tsi Berocha, ye Berocha tsimumanya ariko. Ala yuno yuno u phephi wahi. Nidzimona. Uzima wahi. Ndio huuhenzao. Hunahenza uzima. Sedze ukamba naagbwira. Aaa. Hata nakala hu nduni. Dzakpwamba tsivyarire? Aa aa hunahenza uzima sino... Mumwenga ni uwe mayo muvyere, Memuyugo. Ee samba mwakala mukasagala na mukakanyana tototo. Heka hata hunasirima na kamugagomba. Uzima mwirini be vivi. Phenye adzukulu. Nao. ","k'oma,sadaka",1991/9/15 0:00:00
2937,"祈願","ココトーニのサダカ０３","Mwachidudu wa Chimera"," Chaka: A be mino tsingari gombere saa zizi, uwe mayo. Ni murina. Ukudza una shidaze zodzimureha phapha. Undakpwambira. Lakini sino hu shida zodzimureha. Be undakpwambira mba mwalagana. Ala vivi undakpwambira huvugule. Uvugule, uvugule umuvugule Murina. Mwinyi mwinyi hai. Murina achitsuma, apate. Mimi nichitsuma nipate. Munjine achitsuma, apate. Ha mbona chila chitu chi nze mbona. Ha kona hata narima na mukono wa kotso. Be ni mukono uu ni ukongo. Ala nakurimira vivo mwinyi mwinyi ee. Woman(Murina's FZ, (Tsa)): Murichire ahende baha ga kubandwa njirani naariche, muphunguze chiru(ya uchi) yikaza, ukongo be tsi wa mulungu. Ye ni kunwa uchi. Chaka: A be ko kunwa samba unamanya we mayo nakala ninanwa. ","k'oma,sadaka",1991/9/15 0:00:00
2938,"祈願","ココトーニのサダカ０４","Mwachidudu wa Chimera"," Tsa: Ni kunwa, ni kunwa, ni kunwa. Usambe kahi waanzadze mwanao ni kunwa. Cha: Nichinwa uchi nifyoke! Ni nyani ye anilomberaye vyo? Tsa: Achinwa uchi naagbwirwe ni fyokpwa. Ambe ninauricha kama miezi miiri. Mo mufukoni muhende chitu(pesa). Cha: Unalembwa unalembwa. Nichitsuma, nipate. Nichiphanda munazi wangu, umere. Tsa: Haya lola wahi mulumeo wavyalwa na kaza ga kumugurira mukamba kpwa uchi. Aa mwambe atsinwe. Cha: Pesa zidze nyinji, haya dede. Murina: Uu basi mino tsingari gombere saa zizi. Nagomba kpwa hiwe mayo hiwe. Mayo hiwe. Mayo wafa, na wufapho, mimi be nakala nichere nyuma sana. Nakala tsidzangbwe kukala mutu. ","k'oma,sadaka",1991/9/15 0:00:00
2939,"祈願","ココトーニのサダカ０５","Murina Chimera"," Murina:(continues) Vino nichikala hata nami nichenda dzifundisha kubuni (ス ku-buni) wangu nyo mudzi. Muche nichipata. Be hangu tsina chitu, nichidza nichidza kuvoya mayo nisaidia. Mayo nisaidia. Nipate muche mimi. Ni phaii.Nidzilozwa kare muche wa chiraphai udzinishinda. Nidziwala munjine. Aa hata chikala nawarira p'amvu sambi. Mba hata mali tsiyimanya ko yilaako. Sambi be mugalagala na upwa kauya chiphuphu. Nasagala mo kokotoni. Phanaloka Ndegbwa wa Murabu na Muchewe. Ninamba 'we musena ye musirimi na musirimi kaafugana?' Unamba 'hunafugana muno.' Namwamba 'yino tabu yangu niriyo nayo yino ya kukala tsina muche. Nawe musena kuna mulume wa kudina. Mino nidzidina ala tsina muche. Vidze we yuno? Hukaphalana sino? Ala hukadina atu airi, ala kahusagala hukahurira? ","k'oma,sadaka,結婚,経歴",1991/9/15 0:00:00
2940,"祈願","ココトーニのサダカ０６","Murina Chimera"," Murina:(continues) Unamba 'aa! gosi ganamanya mulungu. Nahuvoye mulungu.' Kona be hata huya musena ni Chari. Nina Chari. Ala ni mukaza Ndegbwa wa Murabu. Hata nichipata, hata hudzitsama hudzikpwenda Chinango. Chari udziugula, ndo ukongo uzidi sana. Na ni muchengbwa. Una malingbwa. Na ni mukongo. Mino wahi nidzikudza, musena, yiyatu safari yangu yiyatu, musena, mino nakurimira. Nidziloka. Mbara ni yiyi. Woman(maybe Memose=mukaza Mwachi....(W1): Asena. Samba wakala u musena wangu wee. Sambi heka mino hata navunzika magulu? Navunzika chunu. Navunzika tsingo. Cho chinihendacho vino ni chitu chani? Na hangbwe kaphana mwenye. Hata mwenye ni mimi. Bemba nirichira mba, nikale muzima. Haya wanisiya tsivyarire. Vino navyala ano Mose. Mose nidzimuricha nyumbani. Ala ngari nidzikudza naye. Ala kisha undakudza munirichire kamare kamare. ","k'oma,sadaka,結婚,経歴",1991/9/15 0:00:00
2941,"祈願","ココトーニのサダカ０７","Chari Malau"," W1:(continues) Niphole mba mwi asena. Ara anangu nindaarimiradze? Na tsidima kuvumbama? Haini roho kuuka. Dziwe ra moyo wa nyuma karuka kamare riro. Hata namba nindauka naro mino. Dziwe ra moyo wa nyuma. Ha vivi aniphole asena aniphlee. Dzuzi nakala phapha. Kisha nichidza rima nichigomba. Bule vivyo. Kuniphoza we mayo. Wanzadze be wee? Nakukosani? Niphozani be asenani. Heka mino ninafa. Roho be rinapiga, hata moyo wa nyuma. Roho rinapiga, hata mongoni. Richikpwatya kpwahuka, hata tsidima kamare. Chari(C): Haya we mayo, uwe mayo. Mino tsikumanya. Maana hata ungafa (wakati uriphofa), mino tsiko, ala ingawa tsiko wahi mino nidzigbwirikana na mwanao. Be kulaa hangu phapho be kukala dzakpwamba be ni chirapho. ","k'oma,sadaka,chirapho",1991/9/15 0:00:00
2942,"祈願","ココトーニのサダカ０８","Chari Malau"," C:(continues) Kugbwirwa ni ukongo. Ukongo nidzisagala tsiku nyinji mimi. Hata kurya mitsanga. Mimi nakudza mwenye phapha, nichidza gomba. Nichitanga na njira. Mimi tsina phatu phodzisagala kpwa ukongo. Hata vivi nichere ni mukongo. Nafikiri nakudza voya kuvoya kpwangu mino nichamba mayo..(inaudible)... nahenza uganga. Be chikala ni uganga, be unipe nguvu. Uchinipa nguvu, mwanao ni muganga na mimi ni muganga. Be nichidza ona nyo uganga wangu ulaa jeri jeri. Nichitsama, nichenda Chinango. Nendapho Chinango, be nidzikpwenda piga mburuga jeri Chinango mimi. Hata nidzipata pesa. Nidzigula goma ra mbuzi mimi ro ra kpwanza renye. Ninamba nichikala nidzigula mbuzi, achivyala, ninadza piga ngoma. Be mbuzi yivyala jeri, nashukuru, hata vino nidzikurehera mbuziyo, nidzikurehera nguoyo. ","k'oma,sadaka,uganga,約束,mbuzi",1991/9/15 0:00:00
2943,"祈願","ココトーニのサダカ０９","Chari Malau"," C:(continues) Vivi be nahenza pakapaka uganga. Mwiri uvugukpwe. Be hata phano niripho mino, hata avyere angu achere kuvyala, ala mino ndani yihangama. Hata ni ukongo wa ndani tu. Nidzilagula hata nidzitsoka. Vivi be nahenza univugurire uganga wangu, hata gangu nigaazago na moyo mimi mwenye. Nahenza dudududu ya akongo dza viratu pindi, hata nigule yiyatu mbuzi ameye yuyu. Vivi be mbuzi hiyi ya mkaza mwanao. Ni mimi. Mbuzi yiyatu nayigula mimi. Na nichamba yichivyala, ninadza na mwanawe. Na ndo yuyatu. Nivugurira uganga. Na uzima avyere angu enye. Mwachi...(Mwa): Ni bahi phapho wawe? Kaandarima anjine? Mwanakombo(Z of Murina, mukaza Mwanza(MK): Nidzisagala phapha. Vino nidzuya phapha. Dzuzi be napata bahati. Maana phakala pharimwa ni asena. ","k'oma,sadaka,uganga,約束,mbuzi",1991/9/15 0:00:00
2944,"祈願","ココトーニのサダカ１０","Mkaza Mwanza"," MK:(continues) Rero be nidzirigbwira(jembe) muchira(wa jembe). Be ni mimi mwanao wa mwisho. Wavyala vivi, hata uchitsoka achisala mimi. Vino heka hata tsipata utu mino? Nidzuya phapha. Anangu kaafuhuka. Mino mwenye tsi muzima. Kuguwa, tsiguwa. Chipande, tsipata. Hata ni mutu tu. Na nguo tsina. Haya lola nichihenza safari ni mpaka nikahende lalamira mutu. Ni maneno gago amba nirichira. Nichifika pho njirani, nikaone dza Kalimbo upotosa pochiye, nikagule nguo. Kuna adzukuluo kuko. Unaahenza aloke. Be heka unaatiya vizungu, unaamerereza vitswa, mtu afutuke uso? Ni uwe. Anadza be arichire. Be unahenza aloke andakudza kuphani? Ye mutsedzao yiye hata kalolwa ni mutu(is ignored). Nidzikpwamba umutiye p'amvu. ","k'oma,sadaka,pamvu",1991/9/15 0:00:00
2945,"祈願","ココトーニのサダカ１１","Mkaza Mwanza"," MK:(continues) Ache adzo adzo hata kalolwa ni mutu. Haya mutu wokolwa ni atsedza. We kpwenzi kpwa utu wani? Ni uwe. Ni uwe. Haya mumwenga wa kunyetera, achifa kare. Sere Chiti. Udzimuhosa matso. ye ariye ni muzima ye. Kana kazi. Udzimurichira mulala(kazi ya kusuka mulala). Na nyo mulala kaugulwa. Amba muvugurire, hata agule mbuzi. Adze nayo phapha. Mbuzi ni tide, ala ni wa ng'ombe. Urehe ng'ombe nziho na chai ya maziya. Na yiya nguoyo yiya undayigula nani? Heka hata ye mwenye una nongo za vifumba. Koti karitsuka hata yo sabuni kana. Tsi kazi yino. Amba vugula. Afaye ni kusiya. Heka wee unasiya na nongo? Be uchivugula, atu achipata, unadza jengerwa nyumba. Ano majembe gano gaoye. Haya be hurichire, huvugule be uzima. ","k'oma,sadaka",1991/9/15 0:00:00
2946,"祈願","ココトーニのサダカ１２","Mkaza Mwanza"," MK:(continues) Matsere gavyale manne manne. Ni kurya wari wa kusagbwa ni alume tu. Ha lole unahatswa na wari wa japani. Unagamanya go? Haya wari wa milozi ulaao uzunguni kpwano Kalimbo. Ni mukongo wa magulu. Yuyu chikala kagombere utsimurichire go magulu. Kuna anjine anamakombereza. Achigbwirwa, kaarichirwa. Ye kenzi kugomba. Be umudinire yiye(uhende bidii kumuyuga). Maana unakunyetera. Kisha mukanyane maana mosi mu kuko gurupu. Kpwaapiga milanga na pwaatsanganya ana enu. Azirana, kaahenzana. Mukanye ye Mwanakombo achenda gbwirikana na Choga. Ambe kuna mbari zangu kuko, kunahenzwa mbuzi yende kpwa mayo muvyere, kisha Choga atsireme wahi. ","k'oma,sadaka,hatsa",1991/9/15 0:00:00
2947,"祈願","ココトーニのサダカ１３","Mwachidudu wa Chimera"," Mwachidudu: Be mimi mba nindakudza na mbuzi. Be kumba achikala unyala, kumba we kunyarire. Uchidza mukumbikiza vyenye tso. Vino mbuzi hiyino sambi. Sambi mbuzi hiyuno, ukudza na Murina mwenye. Na Chari. Chari na Murina ndio ofika phapha, achidza kpwambira go maneno. Mino be ni kama kukpwambira kpwa ndimi mwanao wa kpwanza. Nalavya Mbeyu agombe hotuba. Sambi gosi godzigomba Murina. Gosi gaitikiye(respond) na hurio phapha hosini. Huchuka phapha, hupigbwe ni peho hosini. Kala ni kutsuma hupate. Maana ndo vitu vindakudza vinji. [CHANGE OF TAPE] ..Hata ambaye kadzangbwe kufika na mbuzi phapha, be ni ye dzikudza rero. Ala mimi nakudza nayo, hata hanga renye narimirira mimi. Hata ng'ombe nichitsinza pia. Sambi wahi musirikise mwenye malalamige go kudza nago phapha, mahitajige. Undakpwambira uwe mayo. Mwinyi mwinyi muvugule chila mumwenga yedzikudza phapha. ","k'oma,sadaka,mbuzi,hanga",1991/9/15 0:00:00
2948,"祈願","ココトーニのサダカ１４","Mwachidudu wa Chimera"," Mwachidudu:(cont.) Ara ambao anahenza amolagire uganga kpwa kaenzi kuwona uganga wa hiyuno, na mwenye wakpwenda na tabuze, amba we yendakala ugomba gago, monyeseni vihoja(mambo ga kukala gandayuga) yuya mutu. Ala uvugule hura uganga. Maana vitu vichikala vinji. Be sambi hata mundakala mutsalafu katikati ya lulimi. Sambi chila neno rorosi rihadzwaro na Murina narizame. Riphunguke. Hata akale Murina unaenderera na raha tu. Na kaziye tototo. Kpwa unagbwira, achipata. Uvugule haya mino gangu nidzisisa phapho. Musirikise mwenye vyondagomba. Murina: Basi mino tsingari gombere saa zizi. Ninagomba kpwa uwe mayo. Nigombapho kpwa uwe mayo, mutu mimi, ni vyodzikala nakpwambira kukala waniricha mudide. Tsidzangbwe nipate muche. ","k'oma,sadaka,mbuzi",1991/9/15 0:00:00
2949,"祈願","ココトーニのサダカ１５","Murina Chimera"," Murina:(cont.) Ala ninadza anza kupata yuyu muche. Nadza anza kupata yuyatu muche. Be nichipata mbeyu kali. Mbeyu ya muraphai. Nawe nakala udzirema pindi. Unamba mali yangu kayiwalwa muraphai. Muche yuyatu kahumarire miaka minji, huchitsamukana. Hunatsamukana. Mulumeo(abaye Murina) ye achikala niaye(intention) ni ya araphai. Be hudzishindana hata natumaini pho mudzini kaphana muraphai jeri. Araphai adzuka osi vyokala unahenza yiye, nawe vyokala unahenza uwe. Vyo vyako vyasinda mba. Kaphana muraphai phapho. Hata ye mudzukuluo muraphai kisha kaphana vivyo. Ye mwana yevyalwa ni muraphai be yuya ni mudamu wehu. Sino hunamuhenza adze kpwao. Ye be hunamuhenza adze kpwao. Maana yuya ni mudamu wehu yuya. Ala dze? Nidzipata muche ni Chari wa Malau. Mwanyota mwenye. Hudziwalana. ","k'oma,sadaka,mbuzi,結婚,経歴",1991/9/15 0:00:00
2950,"祈願","ココトーニのサダカ１６","Murina Chimera"," Murina:(cont.) kahuna chitu kamare. Hudzikala dza hu mumu dza kahumo. Tabu hudziyipata kpweli kpweli. Hata hudzambwa kukala yiyi dunia be vivi wagahenda ela vivi gandashinda gaga. Haya we musena hata unafa kare. Ha be hata uchifa, mino sambi nikale nidzianziraphi hata nenderephi? Hudzikudza phapha. Huchidza voya. Mayo huvugurire. Mayo husaidiye husaidiye. Ukongo uu welepuke mwirini. Chikala ni uganga, ulae. Aa hata mburugani. Mburugani huchenda pata ni k'oma be ya uganga jeri. Huchidza phapha vivyo. Mayo be huvugurire uzima be vino. Na kazi yehu be ndiyo huyihenzayo. Uganga wehu ukavuguke. Uganga ulaeto. Ulae chikala ni uganga jeri uu. Vivi be uganga ulae. Na huchidzaona uganga ulaa, hata siswi hudzikala atu a kazi kpweli. Hata hunafuga mbuzi. Amba we u wa mbuzi na nguoo. ","k'oma,sadaka,mbuzi,結婚,経歴,uganga",1991/9/15 0:00:00
2951,"祈願","ココトーニのサダカ１７","Murina Chimera"," Murina:(cont.) Natumaini nashukuru alahamudhulahi rabina ra mina. Kazi huakpwenda yifanya jeri Chinango. Be huchifanya kazi, hata huchiihiwa atumia siswi. Kpwani vivi dzina ra mutumia rinauka? Ala nakala naihiwa mutumia mimi. Kumba utumia tsi nyere. Utumia ni vitu. Mbuzi nazigula kama kalimati. Nichimanya kumba atu atsuma hivi. Yiyatu mbuziyo yenye yokala nakulaga nichiyigula. Ya chititi yenye ya mkaza mwanao. Ni Chari. Be achiyigula na pesaze. Yiyatu yokala unakulaga hata ye mbuzi. Be mwanawe ni yuyu(mbuzi). Vino wahi hudzilaga mbara kukala hudze hudzitira. Bemba yichifa mbara yunuka mbara. Hata vino hudzikudza na mbuzi. Vivi be hudzikudza na mbuzi. Na mbuzi be hunakupha. Na ninakupha yuyu mbuzi, be ninahenza uzima. ","k'oma,sadaka,mbuzi,経歴,uganga,約束",1991/9/15 0:00:00
2952,"祈願","ココトーニのサダカ１８","Murina Chimera"," Murina:(cont.) Ha lola mukaza mwana udzuma mwiri. Hata yunga chigongo. Kuna mwiri wa mwanadamu ukakala viratu? Chikala ni uwe ndiwe wedzigbwiririra. Phanjine hata nilagulapho muhaso chamba nautiya mwirini, kavyenda sawa na hura ukongo. Ukongo kawogopha muhaso. Vivi be ukongo naukaogophe muhaso. Akanwe fungu mwenga renye tu, hata kala ni ra misunduzi, riratu joka be ruke kamare, hata avyale yuno. Aphole. Be hata kalapho kandapata yuya mwana, kpwa hata phanjine tsidima kuphenya ndani mwa mutu nikamulaula. Be uno uzima wenye kaphana. Sino hunahenza uzima na kazi mbere. Maana kazi ndiyo yilolayo atu. Woman(Murina's FZ(Tsa)): Mwanadamu kagulwa. Uhenda lolwa. Murina: Mino nina haja na muche munjine, nilole na mali. ","k'oma,sadaka,mbuzi,uganga,mali",1991/9/15 0:00:00
2953,"祈願","ココトーニのサダカ１９","Murina Chimera"," Murina:(cont.) Maana mwanadamu kagulwa. Hinyara ambao muche ni kugulwa be ni ulongo. Higara ni masikizano na ni pemze(?mpenzi,upenzi) ni ushaidi wa menzwa. Lakini tsi kugula. Lakini sheria yinamba kpwamba nipate mali. Mino nipate muche munjine. Yuyu be ahende munziwe mba. Ndo konjeza majembe mayo. Be ni mali. Vivi be nichitsinza yuyu mbuzi phapha. Hata huchimurya phapha. Hata nichifika kuko, kazi yangu, yivuguke kpweli kpweli. Nisagale kazini dza viratu vyokala ninanza. Nisinde kuhandika mimi hata kutswe. Kuchitswa nina magana mahandahu phano. Niike nyumbani. Muche niwale kare, niike mudzini. Nonjeze anadamu mba. Kuvyala be ni kpwa mulungu. Be hata nikaririra kuvyala be si mpaka akale ye mulungu wanihesabu. Mulungu ndiye amanyaye. ","k'oma,sadaka,mbuzi,uganga,mali",1991/9/15 0:00:00
2954,"祈願","ココトーニのサダカ２０","Murina Chimera"," Murina:(cont.) Mulungu ndiye amanyaye. na uwe ndiwe umanyaye. Vivi wahi nahenza adamu mino. Hata we vino be undahatswa ni nyani? Chikala yuyu uchere na ana, kazi ni tumbo na kuvyala ana tu. Ndo nihenzavyo mino. Mbuzio ni yuyu. Rero nidzikuphirikira mino mayo. Na mbuzi be uwale yuyu. Chari: Uu. Basi ninagomba. Tsingari gombere saa zizi. Ninagomba kpwa uwe mayo. Mino tsikumanya. Ala we unanimanya. Wakpwenda mbere za hachi, mino nichere nyuma za ubatili. Mutu mimi nakudza phapha. Kudza voya kpwadze? Nidzigbwirwa ni ukongo, be tsiku nyinji. Ukongo huchilagula. Hata ukongo kumba unalairira k'oma ya uganga. Nambwa kukala unahenzwa uganga wa kpwao mbarini. ","k'oma,sadaka,mbuzi,uganga,mali",1991/9/15 0:00:00
2955,"祈願","ココトーニのサダカ２１","Chari Malau"," Chari:(cont.) Nichidza kpweli na nichidza lavya nguo. Maana nakudza na nguo phapho. Ala ninavoya amani ya uganga ulae, na ukongo uhende baha. Be nagomba. Hata nichamba kukala mimi ninahenza chikala ni uganga kpweli nyo uhenzewao, be uganga naulae. Na uganga uchilaa, ninapiga chititi mimi mwenye, hata nigule mbuzi. Na ye mbuzi yiye achivyala mwanalume ninadza naye phapha. Nimanye ni shukuru ya uganga wangu. Nafikiri mbuzi nakpwenda yigula jeri Chinango. Kpwenda fanya kazi mimi, hata kukala dzakpwamba ni chifu pho niripho, nagbwira pesa kavidimikika. Hata nichigula ameye yuyu. Uvyala ye mbuzi. Hata nafikiri uhenda kpwe nye mimba nane nzima. Rero sambi ukongo kawenzi kuuka. Be hunamba phanjine ni viratu vyokala ninadza gomba phapha. Naona dzakpwamba walembwa. ","k'oma,sadaka,mbuzi,uganga,経歴,約束",1991/9/15 0:00:00
2956,"祈願","ココトーニのサダカ２２","Chari Malau"," Chari:(cont.) Ndo vino nidzing'ang'anyiwa ni atsai. Hata ninambwa nyo uganga wangu be wakpwenda salatwa muzukani, hata tsina cha uganga kahiri. Hata nona tabu tu na mashaka. Ndani yikpwenda chacha. Joka ra ndani rikpwenda chacha. Hata tsina mamura ga chidamu kahiri. Vino sambi wahi, mino nidzikupha kaziyo, ninahenza uvugule kazi. Yuyatu ambaye kazi yiyatu tsiyenzi, umone uwe. Ariye kenzi kazi yangu. Mino kazi yangu ninahenzani? Ninahenza uganga nipate, kutsuma na kupata. NInahenza mbuzi, ninahenza ng'ombe, ninahenza kuku, ninahenza yuyatu kuku ndiye arehaye mbuzi, hata akareha ng'ombe. Ng'ombe ndo zirehazo adamu. Hata nyo atumia bevyalazo samba ambwa agula hata atu a kuhenda gula atumwa. Vyo be kakala atu atsuma vivi, angari agulwa nyo? Amba vugula kazi wee, na uvugule mwiri. ","k'oma,sadaka,mbuzi,uganga,utsai,不妊",1991/9/15 0:00:00
2957,"祈願","ココトーニのサダカ２３","Chari Malau"," Chari:(cont.) Na phapha niripho wahi, ro joka ririro mo ndani wahi, hata runga dzakpwamba ni mwana. Ni mutu muzima wa kukala ningari nichere kuvyala. Atumia akomu enye ario achere kuvyala, vino ndani hata cho chisibabu chikakudza be chakudza na kpwinjiza kulavya. Kpwinjiza mwana, kuyaya mo ndani. Ndo kukala mukongo hata rero. Mwana kpwenda hata mwezi wa saba, ukongo phyu. Rero chikala ni uwe ndiwe yaza yuyatu mwana, vivi ninahenza tu, mwana akule mo ndani. Ro joka be rikale rakala ni uwe, unahenza mbuziyo, vivi ninahenza uzima, ninahenza uzima na kazi yangu yivuguke. Hata garatu gangu nazago pharatu mudzini, ganikarire tototo. Na kazi yangu yikaze kuvuguka. Uzima ndio nihenzao. Aratu ambao kpwamba kaenzi uganga wa Chari na Murina, be udzaaona uwe. ","k'oma,sadaka,mbuzi,utsai,不妊",1991/9/15 0:00:00
2958,"祈願","ココトーニのサダカ２４","Chari Malau"," Chari:(cont.) Sino kahuna dambi na mutu. Na wala kahudzangbwe kpwenda muzukani, kpwenda salata mutu kpwa ili asipate. Hunarya riziki zehu. Vivi rero be nidzamba ukongo niuriche phapha. Mbuzio ni yuyu. Yiyi mbuzi be nakulaga mwenye. Na akili yangu. Vino nidzikudza nayo mwenye. Na nguoyo phamwenga na videmuvyo. Uhewe mbuziyo urye mayo. Kunimanya. Mino tsikumanya. Na kisha uwe unanimanya. Maana mutu ambaye kpwamba nina mwanao, unanimanya. Mwanao Beyawa wambwa ndiye Beyawa Benzingo Murina. Mbona ye Nzingo kaoneka? Wambwa ni Benzingo tu. Haya Nzingo mbona unaola mo ndani? Ha vivi vugula kazi, vugula kazi. Mwachidudu: Haya chikala yuno ushindwa ni uganga kpwa uganga uchira mbere. Mba naatsume phaloke munjine, adze avyale ye Nzingo. Adze avyale Nzingo na ye Yawa. ","k'oma,sadaka,mbuzi,utsai,不妊,uganga",1991/9/15 0:00:00
2959,"祈願","ココトーニのサダカ２５","Chari Malau"," Chari: Ninahenza faida ya uganga. Hata nambwe 'zyele huya unaloka'. Be ni faida ya uganga. Mundani hata ukarima, kupata chitu kahiri. Mirenje yidzuma ngu. Kayivyala. Amba nahenza wari mino. Na uratu wari be. Garatu matsere ndigo gaikago pesa. Pesa zikareha adamu. Murina: Haya nguo ni zizi mayo. Vivi rero be nakupa nguo rero. Nguo ni zizi mayo. Na vivi munivugurire. Hata hinyara atsai hinyara ario ananendera mairo. Atu aratu anamanya kushindwa, aratu naashindwe. Mimi nipigbwe ni peho, na mudamu wangu apigbwe ni peho, na adamu angu apigbwe ni peho. Ni mbuzi, mbuzi zangu zivyale patsa patsa. Ndo nihenzavyo. Kisha kutsuma na kupata sana. Ndo nihenzavyo. Kuku angu achivyala atsisaze mbiza hata mwenga. Ndo utsumi. Ndo utsumi. ","k'oma,sadaka,nguo,uganga",1991/9/15 0:00:00
2960,"祈願","ココトーニのサダカ２６","Murina Chimera"," Murina:(cont.) Mino vivi nahenza univugurire. Ha lola uganga. Vivi be tsina kamare. Uganga be tsina kamare. Hata kuloha kpwenye tsiloha. Ko kuloha be tsiloha kamare tsetsetse. Ala nichenda mburugani, nambwa k'oma ya ameyo. Vino wahi uwe mayo, be ni uvugule. Nidzikuvisa nguo mino vivi. Kisha nidzikupa ya peho. Kumanya mino ninahenza kazi yangu yivugukpwe? Kumanya mino ninahenza ukaleto, na mimi nami nikale phadzo? Amba mutu uhatsa mukpwakpwe(mutu wa kpwakpwe), akenda pata we mayo! Vivi be nina wende wenye wa muche mutsanga mwenye. Na wende wenye u kali na mali yi lwaphi? Na mutsumi wa mali tsi mutu munjine. Ni mimi na Chari. Haya hupe mali be. Hupe mali. ","k'oma,sadaka,nguo,uganga,結婚,mali",1991/9/15 0:00:00
2961,"祈願","ココトーニのサダカ２７","Murina Chimera"," Murina:(cont.) Hata yuya muche adze mudzini yuya. Achidza mudzini ninadza kuphirikira, nikpwambe mba hiyu mudamuo baye. Be kona. Nikukala ni utu udzo mba. Nindakala nina adamu airi. Rero ni nimone wahi, be ni nimone, nichimona tu, ninadza kare. Nidze nikonyese. Yo mali yichiloka, kura be nidziziricha ni mee mee(cries of goats). Zinjine(mbuzi) zina utsungu(wa kuvyala) kura. Be ni kukala ni vidzo to. Ala vivi mbona ninasirima. Lola anjine hata akpwenda Mwachijembe, ala akpwenda tsakurira muhaso mimi tu. Kpwa upatadze yuno? Piga atu hata wahumbule matso. Hiyiya kazi ya kuhumbula matso unayimanya. Kpwaapiga na kpwaahumbula matso sana aratu, hata asikire. Hata aniriche vivi muzima mwenye kamare kamare. ","k'oma,sadaka,nguo,結婚,mali,utsai",1991/9/15 0:00:00
2962,"祈願","ココトーニのサダカ２８","Murina Chimera"," Murina:(cont.) Kpwanza nichifika phapho(mudzini), achikala ao, tsi ulongo(what I have said), akpwenda nenderera mimi, ninahenza nende nikaaone na makombereza osi. Hata nyo muhaso ukutike autsuphe. Achilaa phapho agariche kamare. Ndo nihenzavyo mino. Mbuzi ni yiyi. Haya be mino nalavya wari na nikalavya wari, be nidzikurehera mbuzio, urye wari na mbuzio yuyu. na nichuka phapha be nikapigbwe ni peho mimi. Tsumo rangu ridze sawasawa. Na uzima niupate. Mkaza mwanao yuyu apate uzima, ndani yihurire yiyi. Mbona ndani yinagomba bahari ya madzi? Na madzi garatu kagamanya galaaphi. Chikala ndimwi nyodzisaidia, kukala munahenza mbuzi wenu, kpwata mudzigbwiririra kinyi, ni uwe mayo, vugula mwanzo wa rero. Vugula uganga wangu. ","k'oma,sadaka,nguo,wari,utsai",1991/9/15 0:00:00
2963,"祈願","ココトーニのサダカ２９","Murina Chimera"," Murina:(cont.) Mino tsina tsumo. Tsumo rangu ni uganga. Mutu mimi tsina kazi, hata kazi yangu be ni uganga na jembe. Hata vivi kutsuma na kupata ndo nihenzavyo. Arya wari rero. Mbuzi ni yuyu yedzekurehera yuyatu wako. Uvugule. Chari: Haya vino ninagomba. Ninagomba. Nidzikudza na mbuzi mimi. Mbuzi yiyi nayilaga mwenye na mulomo wangu kpwa ukongo. Ukongo ukpwenda chacha, hata kauphola kamare. Hata vivi nikpwamba kaudzangbwe kuphola. Nalaga chilaganengbwa mimi cha mbuzi na nguongbwa. Vino rero be nidzilavya mbuzi. Mbuzi yiyi be ni yo ya kuyilaga mimi. Nichamba kukala mimi 'chikala uganga wangu ulaa, tototo, ninadza na mbuzi yangu. Nindagula yo mbuzi, yivyale ye mwana.' Nami nichihenda vivyo jeri. Yichivyala hata yihenda ana kahi ni sabaa. ","k'oma,sadaka,wari",1991/9/15 0:00:00
2964,"祈願","ココトーニのサダカ３０","Chari Malau"," Chari:(cont.) Rero nidzikudza kupha mbuziyo. Tsidze ukamba nakulemba. Tsikumanya mino ala uwe unanimanya. Ala vivi be unanimanya, nami ninakumanya. Maana nina mwanao. Mwanao tsi mutu munjine. Ni Benzingo. Vino hata ni Benzingo na ye Nzingo kamanyikana ko ariko kamare. Mba, hata vino hunahenza Nzingo. Hata ye angurumaye mo ndani, naanyamale, arehe Nzingo, hebu arehe ye Yawa kare. Mbona hata yinakala aibu yino. Haya vino be phokera mbuzio na wairo na nguoyo na kuvugula kazi. Vivi kpwanza nichifika pho mudzini, hata a Mwanguda niaone phapho akudza lola muganga wao. Maana nidzandika hata nazirwa ni nyo akongo nyokala nidzialagula hangu phapho kaenzi. Hata achihadzirwa mimi, anamba (Chari) ni mutsai. Kpwa ko gahendwago hata aratu atsai. ","k'oma,sadaka,wari,utsai",1991/9/15 0:00:00
2965,"祈願","ココトーニのサダカ３１","Chari Malau"," Chari:(cont.) Pia nao(atsai) apige na kanda, ende vyao. Ninahenza uganga. Be vino kumanya ninahenza uganga. Be nidzikupha mbuzi. Ninahenza uganga phapha. Kpwanza tsenzi nuye(here again to ask for uzima). Hata nichuya, nidzikurehera yuyatu mukaza mwanao wa kutsuma mali yiyi ya uganga, nimanye kukala ni kpweli unahenza adamuo. Mwanza: We mutsedza wangu. Mino nidzikudza. Nidzikudza reha alamu ario kpwamba ni alamu na akakala alamu ni mwanao be Dzame. Dzamewo mwenye. Nakala tsikumanya uwe mwenye mwiri, hata vivi tsikumanya. Lakini vivi nakumanya kpwa dzulu yani? Muchetu, arie kpwamba ni mwanao uwe, Dzame. Ye Dzame ndiye muchetu wangu. Na mino nidzikudza phapha, kudza voya nguvu phako. na hata dzuzi nakala phapha nichidza gomba. Na tsidzangbwe ning'arirwe. Ala nahenza ning'arirwe. ","k'oma,sadaka,wari,utsai,mali",1991/9/15 0:00:00
2966,"祈願","ココトーニのサダカ３２","Mwanza"," Mwanza:(cont.) Na nyo mulungu vyo urivyo unanipangira, nahenza uzidi na kunipangira nipate yiyatu mbuzi, nami niloke phapha. Nidze nilae dza asena. Nidzikudza voya uzima wa kunivugurira, higara mambo garigo nyumbani galokago ugachinge(block) na kanda. Kisha yiyatu riziki yiriyo kpwamba ninapangirwa nireherwe, yizidi na kuloka sana. Hata uu mwezi udzao uu utsisire, nigule mbuzi yiyatu ya kpwako yenye, nidze nayo phapha. Nahenza nigule mbuzi yenye. Tsenzi kugula kadzana mbuzi. Maana nichigula kadzana mbuzi, ni nike mba. MIno nahenza nigule mbuzi hata kala ni magana mahahu. Nimanye ninadza nayo phano phano. Nidze nikuphe, kpwa ta nami nina raha, na mutsedza wangu. Nidze nikuphe mbuziyo, wurye na nguoyo. ","k'oma,sadaka,wari",1991/9/15 0:00:00
2967,"祈願","ココトーニのサダカ３３","Mwanza"," Mwanza:(cont.) Uvugule anangu apigbwe ni peho. Muchetu wangu apigbwe ni peho. Mino mwenye nihende muno. Pho mudzini napho phakale dzakpwamba ni phako mudzini pharatu, kpwa namanya atu achivyala ni kutsanganyikana. Vivi huatsanganyikana mayo. Kunimanya, nami tsikumanya. Ala vivi huatsanganyika. Hata uchinona amba mutsedza wangu huya, nami ninamba mayo hiyu. Univugurire salama salamini. Sina kondo nawe. Natsakula kupata, nipate zaidi. Mwachidudu: Haya uwe mayo mino tsina manji. Mino ndimi mudzi wa phapha kulaa hangu phapho. Kulaa hangu uzikpwe, nidzenderera hata hangaro nidzirimirira, nidzirusa. Ni mimi uchidza uchinivoya hanga, uchinipa nguvu jeri. Nichigula ng'ombe, nichigula ng'ombe, kisha nichigula hata mbuzi. Nichirimisa hanga richuka. ","k'oma,sadaka,wari,mutsedza",1991/9/15 0:00:00
2968,"祈願","ココトーニのサダカ３４","Mwachidudu Chimera"," Mwachidudu:(cont.) Vino wahi ni adide hinyo udzikpwatya kpwaatsaka(drive out from their hidden places). Yuya wakudza mwenye, be kuna anjine ambao a ko nyasi nyasi na osi ni anao dza vivyo mimi. Mino ndimi mwanao wa kpwanza. Sambi wahi, sino huchiloka dza vivi phapha. Hugomba neno mwenga ulalamishi wa uzima bahi. Na utsumi kupata. Maana uchitsuma, uchipata. Uchirya, uchimvuna. Hata uwe uriye phapho uchidza uchivoya, mba undakala unahewa kare chiphapho pho. Ha chikala kachipho, uhewani? Be nidzihenza uvugule hata avyalwao. Avyalwao pia nao akale ni murereo vivyo, ang'alwe ni matso vivyo. Nidzanza mimi ni mutu muzima, ha utumia vivi utsuma kukala wa bule bule. Tsina chitu kahiri kamare. Ni yuyatu wakpwenda vyala kpwao, nichikpwamba yundakudza uratu wakati uratu. ","k'oma,sadaka,wari,長男",1991/9/15 0:00:00
2969,"祈願","ココトーニのサダカ３５","Mwachidudu Chimera"," Mwachidudu:(cont.) Huakudza huchilagana. Huchamba hundakudza, hapana mbuzi! Be yo mbuzi yichikala yi phapho jeri, lakini makongo mayo gachiloka, makongo ko kpwa musena. Nifikapho, mbuzi yilagula mudamu. Je phana maneno? Yedzetiviwa(ku-tivya) ni wangu. We niriyekupha mbuzi ndiwe wangu mwenye(You who I promised to give mbuzi are also my people). Je phana maneno? Sere nitsakule mbuzi. Tsidzangbwe nipate yuyatu wa kukurehera phapha. Na dzuzi nichidza kpwamba. Be kuratu ariko naaphole, achikala uphola, mimi nami napiga mitingi(meeting). Ndiphokala nidzipata mbuzi, nichenda muwala kuratu. Nidze naye. Udze umumanye mba. Ndiphokala hunalagana. Tsidzangbwe nipate zo mbuzi hata yo tikiti ya kpwenda mutuwira nayo heka nakosa? Na kuratu kuna pesangbwa za mafungu walagulwa. ","k'oma,sadaka,wari,長男,約束",1991/9/15 0:00:00
2970,"祈願","ココトーニのサダカ３６","Mwachidudu Chimera"," Mwachidudu:(cont.) Sambi wahi, ye mukomu mwenye naye kaidima kpwenenda. Ni gegenye gegenye. Phapha ye wako mwenye uriyemusiya phapha mudzini. Heka ni phai. Hebu vugula. Chikala ni uwe. Aa yedzekudza rero ni a Bemupa Murina, yekala uchimwiha Benzingo. Mino Bemose be nanza pindi ko kudza phapha. Vino wahi, hai hai, uuvugurire. Huchuka phapha, huke azima. Huenda rima vuri vivi. Yendakpwenda rima chibatoche, aivise. Mwana wa muvyereo, mwana wa muvahao, siswi hosi, huuke na usalama phapha. Utu udzo hata ye mujeni wehu yedzikudza phapha, maana mujeni wehu achiloka umvunya siswi. Be hunahenza huzidi kupata hata ajeni dza ahahu dza aa, ndo mutu amvunapho, maana mutu mwenye mudzi ni kukala yupheyuphe(ku-yupha). Ala akadza mvunywa ni mujeni alokaye. Hemu wakala kuvyona vyo? Wakala kusikira mambo gano? ","k'oma,sadaka,wari",1991/9/15 0:00:00
2971,"祈願","ココトーニのサダカ３７","Mwachidudu Chimera"," Mwachidudu:(cont.) Ng'ombe(dzina ra mutu) wa Sumba. Ng'ombe wa Sumba. Samba wakala achiloka mudzini dza vivi, phanalalwa na nzala. Ye akakala phapho ni mujeni. Kisha dziloni achiphenya usingizini, wari ukaloka unji wenye. Ukpwenda(unga) walwa Mombasa. Vyo kaukarire(Isn't this also good)? Ni utsumi ura. Je naswi huchipata ajeni dza ara, kahushukuru? Mwinyi mayo uhuvugurire. Huchuka hutsume. Pharipho lukodza lwa tumbaku luvyalweto. Lukodza lwa tumbaku lumereto. Aphandaye chimanga chigbwireto. Chinamanyiwa ni chani? Ni cha anangbwa ani? A Membeyu Kadzine. Mwana wa Murina. Rero ro dzina ra abayo renye ndiro rodzikudza kupha mbuzi. Mino abayo muvyere nanza pindi. Hata vivi nitsuma nidze nanze hahu. Be mwinyi nivugurira nami. ","k'oma,sadaka,wari",1991/9/15 0:00:00
2972,"祈願","ココトーニのサダカ３８","Mwachidudu Chimera"," Mwachidudu:(cont.) Avugurire osi aa. Hata ario ko mudzini, chila mutu muvugurire. Hata Berocha umuvugurire. Kuna Benjira Ngashu dzuzi wabanda musichanangbwa ko Miritini. Vivi dzuzi nichidza tuwiwa. Nichenda gaona. Tsinago phatu. Hata vivi navoya mulungu. Tsimanya kumba yuyatu mwanamuche yuyatu undalolwadze. Ela nichikala nidzikpwenda piga amani. Vino ni univugurire hata yuyatu naye nimulole. Aloke mudzini. Yuyatu naye ni mukaza mwanao vivyo. Rasi mwenye umuvugurire, akale muzima. Na yiyatu kazi aendererayo nayo. Na umuvugurire akale muzima naye. Aratu andakudza phapha vivyo, maana ni ako ati. Haya bahati mbidzo ni dza yiphiyo? Dzuzi nakpwenda pata anadamu ahahu na nichishukuru pia kpwa nguvu za mulungu. Nahenza unipe nguvu. Hata aratu aphenye mikononi mwangu sawa sawa. ","k'oma,sadaka,wari",1991/9/15 0:00:00
2973,"祈願","ココトーニのサダカ３９","Mwachidudu Chimera"," Mwachidudu:(cont.) Nipate mali. Yakpwenda phirika kuratu mara mwenga tu. Aratu adze mudzini. Nafikiri yiye ndiye wangu wa mwisho yiye. Berocha ye, wawala hunda. Udzirisukuma hikura. Mwenye kenzi kudza. Nahenza umuvuhe, adze adai rira hunda ra mwanao Dzame ririro udzirisukuma kuratu Migundini. Kenzi kudza, hunda ro ri kuratu. Rinasisigirwa ni atu. Sambi muvuhe hata adze, akatuwe riratu hundare. Achikala undapata mujiti, apate naye. Kpwa hivyo tsina manji zaidi. Ni gago kare. Uwe mayo(ameye muvyere yezikpwa adjacent to ameye Murina). Uvugule. Udzihewa wari. Benzingo Murina vivi. Unakupha hema. Aryani wari na kuhuvugurira njira za utsumi. Sambi nahenza hivino. Nahenza huchisagala phapha, humanye ana ehu anahurehera vitu. ","k'oma,sadaka,wari",1991/9/15 0:00:00
2974,"祈願","ココトーニのサダカ４０","Mwachidudu Chimera"," Mwachidudu:(cont.) Uwe nawe ugbwirikane na yuyatu mukakazio. Maana uwe ndiwe mutu muzima.Muchikala pharatu, mufunjane chitumia cha kukala anache nahuarereni hivino. Huarere na vino. Ndo sawa. Ndo machero naswi huchikala hudzikumbikira mwimwi hunadza lavya kuku hiwe mayo muvyere mwinyi. Muvugule muvugule siswi hosi. Uvugule hata Kanga na adzukulue naye. Maana Kanga kana njira. Mwana ni ye mumwenga tu. Vino sambi Kanga usegere pharatu. Muvugurire akale muzima na achipiga kutire, apate pesa afuge ara adzukulu. Mwanawe ni nyani? Ni Chizi. Basi kpwani udzimala uwe hata sere ye Kanga. Haya be mwinyi uwe nakupha wari, urye phamwenga na mukakazio. Haya be muchidzakala musegere phamwenga hiphano, ni muzungumuze maneno ga chitumia ga kufuga sino anache. Gago tu bahi. ","k'oma,sadaka,wari",1991/9/15 0:00:00
2975,"祈願","ココトーニのサダカ４０","Mwachidudu Chimera"," Mwachidudu:(cont.) Maana machero ndiphohudzapho murimira hunenda huuka arimire ara atumia. Atumia ni ano ani? Tsi mwimwi mwinyini? Muvugule. Mwanza: Yenderima apate, nguo hiyi mao na mimi nami ninahenzwa yangu dza yiyi. Nidze nayo nidze nayo. Nipate, nipate, nidze nayo, yo nguo dza yiyi. Kisha be yo yangu nichiyipata nipate na nafasi kamare. Yo yangu nihende yitungu.[END OF SADAKA SPEECH] ","k'oma,sadaka,wari",1991/9/15 0:00:00