2909,"呪文","チャリのクブェンドゥラ０１","Murina & Chari"," (phenye koroni, after kutsimba mizi) M: Gbwira nyo muzi ugombe go gako. Mino niutsimbe. C: Basi nagomba. Tsingagombere saa zizi. Nikagomba, be nagomba kpwa uganga wangu. Nigombapho kpwa uganga wangu. Mino mutu mimi tsina dambi na mutu. Tsina dambi na mutu. Ni mutu wa uganga. Na uo uganga wangu be mino vivi nakudza yiyi Chinango. Nidzapho Chinango, bemba chikala unararamukirwa ni atu, kumba aduruma nyo kavyenzi. Vino be dzikala mutu wa kulogbwa kpwenda tu. Be mino ninagomba. Mutu mimi nakudza henda hewa k'omani, nambwa kukala uwe mwenye be ugangao wakpwenda ikpwa makoroni uchenda ikpwa mizimuni. Vivi rero nidzikudza, dzikudza phapha mimi na Murina. Murina yuna uganga na mimi nina uganga. Wawalwa uganga wangu uchenda sindikpwa. ","kuphendula,koro,uganga,utsai,夢",1991/9/9 0:00:00
2910,"呪文","チャリのクブェンドゥラ０２","Murina & Chari"," C:(continues) Kpwa ninambwa kukala mba yuno achipata uganga, hata yuno mulume akalagula vyo, tsi yuyu muche yunapiga mburuga. Hunausindika uu. Uchifa uu, hata uu nao undakala kauna gatende. Haya yuno angalale yuno amba yuna ngulu yuno. Vino rero wahi, mino mwenye nichidza gambirwa, vino sambi wahi nidzikudza phapha. Na Murina hudzikudza wala uganga wehu. Na huna musena wehu. Ni shaidi ariye kpwamba ni mwana wehu, ni Kalimbo. Naye yunasikira gaga nigombago. Yuyatu ni mutu wa kure. Mulungu phanjine wahandika hudze huwale uganga wehu phamwenga. Vivi rero be dzamba u muzi uu nichiuwala, hata nichenda ukuna nichiufukiza. Be pakapaka. Senzi akongo kusindikika. Ninahenza akongo akudza be akudza na pesa. Si akongo akudza a madeni. Mino ninahenza pesa. Yangu ni tsumo. Uganga dziuwala chikala waikpwa koroni. ","kuphendula,koro,uganga,utsai",1991/9/9 0:00:00
2911,"呪文","チャリのクブェンドゥラ０３","Murina & Chari"," (Murina unakokotera making vuo) M: ...(inaudible).. Kaziyo ni kureza. Salama salamini. Muhi wa peho ni nyunyu mosini. Ro fyulamoyo ra dzuzi riro be rakala rero rakala dzuzi na dzana, ela vivi rero wahi dzamba narizizimisa. Na mwimwi mihi ya peho. Wa Vumba kuphoza, wa Bonde kuphoza. Wa Daluni kuphoza. Kuphoza hata Mashua kuphoza. Kuphoza wa Vumba kuphoza, wa milimani kuphoza, wa mbilichimo kuphoza, wa Tumbatu kuphoza. Ameni. Mihi ni kukomwana(kupigana). Muhi na muhi ni lazima ukomwane. Mihi ni kushindana. Vivi dzamba kashinde. Uwe salama salamini. ","kuphendula,koro,uganga,vuo,muhi,peho,fyulamoyo",1991/9/9 0:00:00
2912,"呪文","チャリのクブェンドゥラ０４","Murina & Chari"," (makokoteri for ndonga ya mureya, the beginning of which are inaudible.) M: Bahi kpwambwa kuna fyulamoyo ra pera, kuna fyulamoyo ra dzovu, kunafyulamoyo ra nyahi, kuna ra nundu, kuna fyulamoyo ra muzimu, kuna fyulamoyo ra nyoka chikpwakpwara. Kuna fyulamoyo dzimene, mbayumbayu, mbongbwe dzimene, fukara, duwa. Mutu yuyu Chari walogbwa, na yulogbwa yuyu Chari be yunalogbwa dambi. Chari karya cha mutu. Chari ni mutu tu, mutu yuyu k'oma enye a chiganga. Kudza aganga kudza mupa uganga Chari. Hata ye Chari mwenye be kaumanya uganga ni wani. Ela vino aduruma be adzimonera chidzitso kamare kamare, hata kalala kasinda. Hata asinda na dzina ra Chari achesa na dzina ra Chari. Kpwa dzulu yani? Chari. Uganga ufe. Hata ye mwenye ahenda fa. Bemba hata tsio mulungu. Aratu kalaganire na mulungu. ","kuphendula,uganga,vuo,fyulamoyo,chidzitso",1991/9/9 0:00:00
2913,"呪文","チャリのクブェンドゥラ０５","Murina & Chari"," M:(continuation) Vino wahi mino tsikpwiyire uwe muhi, muhumwa. Muhi ni kuhumwa ni abaye, muhi, ukahumwa ni ameye. Kuna abayo, abayo ndimi. Kuna ameyo, ameyo ndimi. Maana mino tsikpwiyire. Nakugula be na pesa zangu. Na nakugula na Mangale wa Ngome. Nichikugula na Kachunga wa Bekanga Munga. Nichikugula na Lwambo wa Baya. Nichikugula na Zuma wa Ngome. Salama salamini. (facing Tabu) M: Hata cho chisichi chiricho phapho be kale kuchonere? T: Tsichonere. M: Aaa gashinda kumanya nyo muhi. C: Ni kaumanya? T: Uo muyu ni o uhundwao go mauyu? M: Be umanya go mauyu. ","kuphendula,uganga,vuo,muhi,購入",1991/9/9 0:00:00
2914,"呪文","チャリのクブェンドゥラ０６","Murina & Chari"," (makokoteri for the trap of mureya drawn on the ground) M: Salama salamini. Muhi mutumwa utumikaye, ukambwa gbwira, ukagbwira. Ukambwa richa, ukaricha. Vivi rero be ni Chari. Chari wapigbwa chizumo. Chizumo chiratu be ni muche, ni mulume, mino tsimumanya yehenda viratu. Mino wahi nahenza nizizimise Chari. Na yiyi rero uwe fyulamoyo. Uwe fyulamoyo chikpwakpwara, fyulamoyo nzaiko. Nzaiko chikpwakpwara nzaiko fyulamoyo. Kuna fyulamoyo ra muzimu, kuna fyulamoyo ra tsungula, kuna fyulamoyo ra diya, kuna fyulamoyo ra paka. Kuna fyulamoyo ra chikpwakpwara, kuna fyulamoyo ra nundu, kuna fyulamoyo mamba. Hiwe ra mamba ni uwe, mutu umugbwiraye akenda dzitumbukiza ndani ya madzi. Akakala maishage gakala ni ga mamba. Mwanadamu mwenye be kakala hivyo. Chari ndiye kala yunambwa akale vivyo. ","kuphendula,vuo,muhi,utsai,fyulamoyo,自殺",1991/9/9 0:00:00
2915,"呪文","チャリのクブェンドゥラ０７","Murina & Chari"," M:(continues) Chari achihewa fyulamoyo ra nundu. Fyulamoyo ra kudzifunga lugbwe. Kuna fyulamoyo hata ra mbega. Mbega kakala photsi. Mbega yukala dzulu. Wambwa Chari akale dzulu. Akale dza yu mumu dza kamo. Mino nagomba tsi muganga. Muganga mwenye ni mulungu. Kpwangu mino ni kusawazisha. Na kutivya roho ya Chari pho yiripho ikpwa. Na nikagula mwimwi mihi be namugula kpwa maana zangu. Maana ni zani? None musena yuna tabu dza viratu. Haya mino nihunde hiyi mihi, nikakale Chari namulagula. Na vivi rero be mwimwi mihi dzimuhunda. Dzimuhundira Chari. Chari achipigbwa ni mihi yiyi. Chari mwiriwe apigbwe ni peho. Upigbwe ni peho. Fyulamoyo riratu rinamanya kumulaa, kaphana Chari kudziheza nyugbwe(lugbwe) kahiri. ","kuphendula,vuo,utsai,fyulamoyo,自殺,muhi",1991/9/9 0:00:00
2916,"呪文","チャリのクブェンドゥラ０８","Murina & Chari"," M:(continues) Uwe fyulamoyo ra nyugbwe, fyulamoyo ra chifyu, fyulamoyo ra mundu, fyulamoyo ra gari, fyulamoyo. Kuna fyulamoyo hata ra ndege, kuna fyulamoyo chaa cha achanda. Kuna fyulamoyo hata ra madzi. Kuna fyulamoyo ra mbulu, kuna fyulamoyo ra nyoka, kuna fyulamoyo ra nundu, kuna fyulamoyo pindamongo, dzimene, mbayumbayu, charika. Kuna mutu(loc.) uvinwamo hiwe charika. Ni hiwe chibumbumbu, ngoma ya achetu. Kuvinwa. Uvinwa ni achetu. Dzimene mbayuka, mwenda phuphu. Mukala phuphu. Hiwe kuna maneno manji genye hiwe. Kuna mavi ga mavi. Kuna mudzi. Kuna munda. Mukundu wa abayo, mukundu wa ameyo. Hiwe fyulamoyo maana ndo wapizwavyo, wapizwa na mundu, ukapizwa na lugbwe, ukapizwa na chifyu, ukapizwa na utu wani? Na tsoka. ","kuphendula,vuo,utsai,fyulamoyo,自殺,裸,罵倒",1991/9/9 0:00:00
2917,"呪文","チャリのクブェンドゥラ０９","Murina & Chari"," M:(continues) Ukapizwa na utu wani? Ukapizwa na gari. Ukapizwa na utu wani kahiri? Ukapizwa na muhi ubomu, ukapande udzirichire ugbwe. Ukapizwa na madzi. Vino rero be nalagula Chari mimi. Chari yuyatu be kana mwenye, mwenye ni mimi tu bahi. Na mimi vivi rero, hata chamba nyokala adzamba kukala mimi na Chari husipatane, hinyo atu atsoka atsoka! Maana hiwe fyulamoyo mino be nakugula kuhenda mala tsetsetse. Na ao be kashindana na mimi bule. Mino ao nabuse wao wa kocha(muhaso wa kocha). Mino wangu ni witsi(muhaso witsi). Vivi rero be nazizimisa fyulamoyo phapha phangu mudzini. Atu kutseka, atseke. Ninahenza vitseko na ng'anzi, haa haa. Ndo sawasawa, ndo nihenzavyo adamu asagala hivyo. Maana kondo kayijenga mudzi. ","kuphendula,vuo,utsai,fyulamoyo,自殺,不仲,muhaso",1991/9/9 0:00:00
2918,"呪文","チャリのクブェンドゥラ１０","Murina & Chari"," M:(continues) Hiwe chikomo kpwanyuka ukomekaye(kufunga) usiku na mutsana. Vivi rero hiwe chimuchafuo uchafuaye. Hiwe chidinya, chidinya ni uwe chikpwata. Chikpwata wambwa mutu yeyesini yendachirira phako phephi, phephi na uwe umudinye wambwa u muchokozi(kunyetera). Na muchokozi ni uwe muvunzakondo. Ndiye hiwe mwangachitswa, mwangachitswa. Wambwa wange(kpwanga) chitswa. Masikiro kuvuma. Roho kpwenda mairo, roho kpwahuka. Hiwe musindo upigaye kpwa vuri ukasindikiza kpwa mwaka. Ukapiga kpwa mwaka ukasindikiza kpwa vuri. Vivi laa mwirini mwa Chari ukarye ngoromwe hiko pwani. Ulae pwani wende nyika ukavunze madamau na maforo, hiwe fyulamoyo. (makokoteri paused) M:(speaking to Tabu) Niwarira yo ndonga yangu hebu. T: Lwaphi? ","kuphendula,vuo,fyulamoyo,muhaso,muhi",1991/9/9 0:00:00
2919,"呪文","チャリのクブェンドゥラ１１","Murina & Chari"," M:(continuing makokoteri again) Chari kuna fyulamoyo ra pera, kuna fyulamoyo ra nzovu, kuna fyulamoyo ra nyahi, kuna fyulamoyo ra tsimba, kuna fyulamoyo ra diya, kuna fyulamoyo ra panya, kuna fyulamoyo dzimene, mbayumbayu, kuna fyulamoyo hata ra p'ep'o. Kuna fyulamoyo hata ra jine, kuna fyulamoyo ra chikpwakpwara, kuna fyulamoyo ra nyugbwe. Fyulamoyo ra chifyu. Vivi nagomba na uwe muhi mutumwa utumikaye. Ukambwa gbwira ukagbwira. Ukambwa richa ukaricha. Vivi phonyosa Chari. Aratu nyologa Chari be, ni muche, ni mulume, mino tsiamanya. Na aratu be ni a dambi jeri. Ni a dambe jeri aratu. Hata tsikukala anaonera Chari. Na vivi rero be mino nakukanya. Rero kuna abayo. Abayo ndimi. Rero kuna ameyo. Ameyo ndimi. ","kuphendula,vuo,fyulamoyo,muhi,utsai",1991/9/9 0:00:00
2920,"呪文","チャリのクブェンドゥラ１２","Murina & Chari"," M:(continues) Mwana nikuambirwa ni abaye, akasikira. Mwana akambirwa ni ameye, akasikira. Hebu vivi rero richa. Na mino uwe tsikpwiyire. Tsikpwiyire uwe muhi uwe. Nakugula na Mangale wa Ngome. Nichikugula na Kanyonge wa Bekanga Munga. Nichikugula na Zuma wa Ngome. Nichikugula na Lombu wa Baya. Na vivi rero be humika dza vyonihumikavyo. Hebu sikira gaga. Kaphana Chari kupigbwa ni roho kahiri. Chikala yu dzulu dzimutsereza. Chikala waikpwaphi, dzimutsereza. Chikala yu pangani dzimulavya. Yiyi rero mwenga. Gasira gaga. ","kuphendula,vuo,fyulamoyo,muhi,購入",1991/9/9 0:00:00
2921,"挨拶","チャリのクブェンドゥラ１３","Murina & Chari"," (Chari led to the ndalani, was seated on the muhambo) M: Taireni taireni. People: Za mulungu. M: Alombwaye ni ani? P: Ni mulungu. M: Muvoya radhi. P: Hizi. M: Mikoba. P: Ni kusikirana. M: Yendaloga muganga. P: Naafe. M: Alogaye muteji. P: Naafe. M: Aganga taireni. P: Za mulungu. ","uganga,utsai",1991/9/9 0:00:00
2922,"呪文","チャリのクブェンドゥラ１４","Murina & Chari"," (makokoteri for k'uk'u wa kundu) Ptu. Bisimilahi rahamani rahimu....(Arabic spell)... Basi ni singesema saa hii wangwana. Naomba mashehe na masharifu pamoja na walimu, nisikieni. Naomba koma za mashehe na masharifu. Basi singagombere saa zizi. Ninagomba na uwe k'uk'u wa kundu. K'uk'u wa kundu. Ninagomba. Nikatsagomba be ni Chari. Chari ni mukongo. Muhi mutumwa utumikaye. Ukambwa gbwira ukagbwira. Ukambwa richa ukaricha. Vivi ni uwe fyulamoyo dzimene mbayumbayu. Dzimene ra ng'ombe, dzimene ra nundu, dzimene ra mbulu, dzimene ra nyoka, dzimene. Ameni. Ni Chari hiyu walogbwa. Kokulogbwa be na fyulamoyo, dzimene mbayumbayu. Kudzimena ye mwenye, hata kukala kana ra kpwamba. ","kuphendula,fyulamoyo,鶏赤,dzimene",1991/9/9 0:00:00
2923,"呪文","チャリのクブェンドゥラ１５","Murina & Chari"," Ko kutsahamirwa ni kpwala chitu kamare, chochosini. Hata ni Chari tu, uchimwambira. Ni hiwe fyulamoyo uchikoma kpwa nyoka. Mukundu wa abayo, mukundu wa ameyo. Kuna mudzi, kuna munda. Wambwa phako usagalapho tsolalapho. Mino vivi be naphendula fyulamoyo. Na fyulamoyo be nariphendula na yuyu k'uk'u wa kundu. Yiye(mutsai) waloga na yuyu, k'uk'u wa kundu. Na yuyu, be namuphendula na yuyu, k'uk'u wa kundu. Kakuna fyulamoyo kahiri. Fyulamoyo, abaye ndimi. Fyulamoyo ameye ndimi. Vivi be chila chitu, mino vivi be nausa chila chitu. Mukomo, mukomo wenye wa mubongbwe, mukomo wa pindamongo, mukomo wa chikpwakpwara, mukomo wa nyuchi, mukomo wa mivu, mukomo wa chizimba. Gosi garatu ni maduwa. ","kuphendula,fyulamoyo,鶏赤,罵倒,utsai,mukomo,dua",1991/9/9 0:00:00
2924,"呪文","チャリのクブェンドゥラ１６","Murina & Chari"," Na vivi rero, dzamba vivi rero, dzamba tu, vivi nigombavyo. Dzamba Chari achilaa phapha, akili zinamanya kurumbama nazirumbame. Ameni dzamba yo kaziye yenye dzamba nayifumuke. Yunamanya kufumuka nayifumuke. People: Nayifumuke. M: Hiro dzimene ameni rinamanya kuuka naruke. P: Naruke. M: Chari yunamanya kuhenzwa naahenzwe. P: Naahenzwe. M: Chari yunamanya kuhenzwa mwanzo wa phapha, vivi paka Tanga anamanya kudza achina Tanga hebu dze? Anamanya kudza achina Tanga. P: Naadze. M: Chikala ni kudza nadze. Amba Achina Tanga. Achina Vigurungani anamanya kudza naadze. ","kuphendula,fyulamoyo,鶏赤,dzimene,uganga",1991/9/9 0:00:00
2925,"呪文","チャリのクブェンドゥラ１７","Murina & Chari"," M: Vivi be naphendula na yuyu k'uk'u wa kundu. K'uk'u wa kundu ni yuyu. Dzamba rinamanya kuuka naruke. P: Naruke. M:(continues his makokoteri) Salama salamini. Muhi mutumwa utumikaye. Ukatumika ukambwa richa ukaricha. Ndiwe chibumbumo, ngoma ya achetu. Kuvinwa ni alume, avinwa ni achetu. Sikpwiyire uwe fyulamoyo. Nakugula na Kanyonge wa Bekanga Munga. Kisha nichikugula na Longo wa Baya. Nichikugula na Zuma wa Ngome. Nichikugula na Mangale wa Ngome. Be nakugula kpwa zo tabu na mashaka. Na tabu na mashaka be ni zizi nizionazo kare, zirizo na Chari mwirini. Chari kulogbwa vyenye. Kuhenda imirirwa chikola cha muhaso. Be anaona atu kamanya. Atu anamanya sana. ","kuphendula,fyulamoyo,鶏赤,購入",1991/9/9 0:00:00
2926,"呪文","チャリのクブェンドゥラ１８","Murina & Chari"," M:(continues) Be kakala ni fyulamoyo hicheye, phano be karilala chitu phano. Mwanzo rinavuguzwa rero riri fyulamoyo. Maana rinaphekpwa rero hata karindaphakala phapha. Vivi rero be dzamba nayisunganya yiyi mihi. Na dzamba uwe be wakala moho dzuzi na dzana. Ela vivi achigbwira na vuo rangu, unamanya kukala ivu, naukale. People: Naukale. M: Ameni yuyatu yehega muhaso uratu, unamanya kumuyira mwenye naumuyire. P: Naumuyire. M: Yuyatu hata kudungbwa chifyu, yunamanya kudungbwa nadungbwe. Mutu yuatu yunavyogbwa ni gari navyogbwe. P: Navyogbwe. ","kuphendula,fyulamoyo,鶏赤,muhi,utsai,呪詛",1991/9/9 0:00:00
2927,"呪文","チャリのクブェンドゥラ１９","Murina & Chari"," M: Mutu yuyatu yunamanya kudzifunga lugbwe nadzifunge. P: Nakadzifunge. M:(continues his makokoteri for k'uk'u wa kundu) Salama salamini. Muhi mutumwa utumikaye. Ukambwa gbwira ukagbwira. Ukambwa richa, ukaricha. Vugula vugula (many times). Phaphika Chari, phaphika Chari. Wapewa Chari dzuzi na dzana. Vivi rero be dzamba uvugule. Uwe muhi muphoza uphozaye wa bonde, ukauphoza wa Vumba, ukauphoza wa Pemba, ukauphoza wa Daluni. Dzamba vivi rero be ukale maphozo uphoze. Hiwe mwangachitswa, wangaye usiku na mutsana. Hiwe chikpwakpwara ni uwe upigaye kpwa vuri, ukapiga kpwa mwaka. Ukapiga kpwa vuri ukasindikiza kpwa mwaka. Wambwa ududumize mwirini mwa Chari. Vivi rero be dzamba uwe chifyatula, dzamba dzikufyatula. Mutu uwe kuna kpwenu, hata kpwenu ni nyika. Ukavunza madamau na maforo. Uchuya pwani ukabande makala na mangoromwe hiko. Salama salamini. ","kuphendula,fyulamoyo,鶏赤,utsai,呪詛,muhi,雷",1991/9/9 0:00:00
2928,"呪文","チャリのクブェンドゥラ２０","Murina & Chari"," (continues) Vivi roho ni kutuwa, sura ni kutseka na atu. K'uk'u wa kundu ndiwe. Chari kana kondo na mutu yuyu. Hata ye alogaye Chari be ni kumonera tu. Chari karya cha mutu. Chari urya jashore. Na vivi rero be mino narusa riri fyulamoyo. Kakuna dzimene, kakuna fyulamoyo ra dzimene, kakuna fyulamoyo ra mbega, kakuna fyulamoyo ra nyani, kakuna fyulamoyo ra mamba ra ndani ya madzi. Kakuna fyulamoyo ra lugbwe ra nundu. Kakuna. Vugula vugula, ukale chivugu uvugule. Ukale chivugu (many times) Vugula Chari(many times; Murina rubbing Chari with k'uk'u na vuo) Akili zizi kaphana kurira nyenze kahiri. Akili kaphana kurira magari. Akili ni zifunduke za chiganga. Akili wongo usuke wa chiganga uo. Wongo kausuka wa chikongo. (Murina releases k'uk'u wa kundu)[END of k'uk'u wa kundu] ","kuphendula,fyulamoyo,鶏赤,akili,muhi,nyika",1991/9/9 0:00:00
2929,"呪文","チャリのクブェンドゥラ２１","Murina & Chari"," M: Reha ye wa chimulimuli. (makokoteri for k'uk'u wa chidimu) Salama salamini. K'uk'u wa chidimu ni uwe. Hiwe ndiwe ndimulo ache ndimulo. Wambwa phako ukalapho kuna mudzi hiwe. Vivi rero dzamba nazunguluka Chari na yuyu chiziwi. Chizibwi ni cha miaka minane. Uwe k'uk'u wa chidimu ni uwe. Vivi rero dzamba Chari phakpwe akalapho nahenza akale mbega. Aonewa ni chila mumwenga. ","kuphendula,fyulamoyo,鶏逆毛,mbega",1991/9/9 0:00:00
2930,"呪文","チャリのクブェンドゥラ２２","Murina & Chari"," (continues) Chari akalapho phakpwe ni ngekewa. Kugomba ng'anzi na ayae. Salama salamini. Vivi naphendula Chari mino. Dzamba vivi Chari achilaa phapha ukongo ukale pungu wuruke. Ukongo ukale mutsuchi wuruke. Vivi rero dzamba Chari achilaao phapha, magulu ni nguzo gamute. Mikono ni mikpwaho yigbwire, chitswa ni muvure chiime. Salama salamini. Hunavoya k'oma za mashehe na masharifu. Mino tsina dambi. Mwenye dambi be ni yeloga. Na vivi rero namogesa Chari. Chari yuyu achilaa phapha apigbwe ni peho. Akale dzawamba yuvyalwa rero, nongoye yikale mbidzo. Salama salamini. Muhi mutumwa utumikaye. Ukambwa gbwira ukagbwira. Ukambwa richa, ukaricha. Vivi k'uk'u wa chidimu ni uwe. Vivi naphendula Chari. ","kuphendula,fyulamoyo,鶏逆毛,nongo,kuogesa",1991/9/9 0:00:00
2931,"呪文","チャリのクブェンドゥラ２３","Murina & Chari"," (continues) Dzamba vivi Chari, achilaa phapha, ukongo ukale pungu wuruke, ukongo ukale mutsuchi utsuke. Yiyi mihi ni kushindana. Ukambwa ni machezo ga alume. Na machezo ga alume gago mino tsigaona utu. Gago nigaiha machezo ga alume. Ye kana muhaso. Muhaso mwenye ni mulungu. Na mino navoya mulungu. Salama salamini. Yiye kana ufalume. Mufalume ni mulungu. Gaga hata ni machezo mazingaombwe(ス= juggling, tricks, alt.kiinimacho) gaga. Vivi navugula chifungo(fr.(ス kifungo= fastening act, confinement, closing)) chofungbwa. Chari wafungbwa dzulu ya muhi, wafungbwa dzulu ya mware, wafungbwa dzulu ya mufune, wafungbwa dzulu ya munazi, wafungbwa dzulu ya mukoma, wafungbwa dzulu ya mubambakofi, wafungbwa dzulu ya mubambara, wafungbwa dzulu ya mwembe, wafungbwa dzulu ya mukanju, wafungbwa dzulu ya muchungbwa. ","kuphendula,fyulamoyo,鶏逆毛,utsai,muhaso",1991/9/9 0:00:00
2932,"呪文","チャリのクブェンドゥラ２４","Murina & Chari"," (continues) Dzamba vifungo vyosi dziviteremusha photsi. Yiyi rero Chari be dzimulavya kuratu dzulu. Vivi rero Chari dzimwika photsi. Na vivi rero dzimuvugula vifungo viratu vyosini. Kakuna ukongo kahiri uratu wa kudza azira(kpwaza) malugbwe, kahi ni utuwani. Wala muchezo dzuzi na dzana utu uo. K'uk'u wa chidimu ni uwe. Dzamba vivi uphoze Chari. Uvugule, uvugule, uvugule(many times). K'uk'u wa chidimu ni uwe.[END of k'uk'u wa chidimu] (Murina slaughters k'uk'u wa chidimu) Ni t'ot'ot'o yiyo. ","kuphendula,fyulamoyo,鶏逆毛,上下,鶏黒",1991/9/9 0:00:00
2933,"呪文","チャリのクブェンドゥラ２５","Murina & Chari"," (makokoteri for k'uk'u mwiru) Hiwe mufufulo mufufulo. Chari wambwa afaye kauya. Vivi rero Chari be kafire Chari. Rero Chari dzimufufula. Dzimufufula Chari dzimufufula be salama salamini. Dzimufufula Chari...(repeated many times) Vivi Chari dzimufufula. Kana kondo kahiri...(repeated many times) Vivi be mufufule, hata uchuka, wuke naro ro fyulamoyo. Vivi be kakuna kondo kahiri. Chari walogbwa dzuzi na dzana. Na vivi dzamba uchuka wuke naro ro fyulamoyo. Haya be digirikpwa udigirikpwe, udigirikpwe...(repeated many times) Kaphana kondo kahiri. Mutu kamena mudziwe, mutu kamena anae, mutu kamena mulumewe, mutu kadzimena. Mwanadamu ni ye agombaye na anzie akasikirana, salama salamini. Haya tserera tserera wahi tserera gasira. Mino dziripa uwe k'uk'u, dziripa uwe k'uk'u ro fyulamoyo rosini be dziripa uwe k'uk'u. Tsiyo mbarayo uwe mulungu yiyi rero. Dzamba yuyu muriche, ende vyake. (Murina places the k'uk'u on Chari's head) Be yudinya muno, hata kandauka. (Murina washes her with vuo) ","kuphendula,fyulamoyo,鶏黒",1991/9/9 0:00:00