213,"解説","除霊１","Benyiro"," Q: Maana ya kukokomola ni utuwani? A: Kupiga ng'oma, dingbwa, dingbwa... Muhi kutsongbwa, una panga kutsongbwa munyumbu kufanywa ng'oma mbiri za kosi kosi. Kpwakizwa na bumbumbu, kpwakizwa kumwenga na mabumbumbu, kpwakizwa kumwenga hata mabumbumbu mahahu. Na hiyo bomu yenye mugono uzima. Kukokomola ni kupunga nyama vivi, yunavina nyama. Achivina, achivina, achivina, chikala kumba ni wa kuku, kumba ni wa mbuzi. Akagbwira chitabu dza chichi chahandikpwa aratu nyama. Aratu nyama apungbwao, mpaka ahandikpwe muratu karatasini.","除霊，kukokomola,munyumbu,bumbumbu,mugono,kupunga,p'ep'o,nyama,憑依霊，憑依霊の絵",1987/1/1 0:00:00
214,"解説","除霊２","Benyiro"," Ahandikpwe mudamu vivi maana unga mudamu. Haya achidza ona riratu karatasi. Haya dingbwa, dingbwa. Hata akakome muyuni, kumba ni Sudiani, kumba ni jine ng'ombe. Achifika kumba ni mbuzi, unawala damu inatiywa chikombeni. Yinatiywa chikombeni na nyuchi, uwalwe na nyo muhaso ukorogbwe, aneswe, achimala na vuwo hirino. Rinawalwa vuwo yunavungbwa yunavungbwa. Achiunulwa, achisagala haya yunatsodzwa. Yunatsozwa vilungo vilungo, hata go. Achidza fika mudzini, haya yunashonerwa pingu, unahewa. Ndo kukokomola. Makayamba ni sawasawa na ko kukokomolwa. Amba chidzako ni kuzuzwa akaudzwa chivuri. Akazuzwa akalaviwa uganga, ala achizuzwa hinyara nyama kuna nyama anjine apungbwao akenda sindikpwa. Haya ndo kukokomola vivyo. Nyo uganga wosini ni wa kukokomolwa tu.","除霊，憑依霊，憑依霊の絵,sudiani,jine ng'ombe,kuvunga,kutsodza,kukokomola,kusindika,kuzuza",1987/1/1 0:00:00
222,"解説","ニャグとズニ１","Benyiro","Phana nyama a kondesa muchetu, na hinyo a kurya ana aihiwa Nyagu. Kuna Nyagu na Dzuni bomu. Nyagu u mbali, na Dzuni bomu u mbali. Nyagu upungbwa na kuku mwiru, na wa kundu. Dzuni ni jogolo dzeruphe. Dzuni ripungbwa na kuku anne, mwiru, wa kundu, wa mirimiri, wa chiphanga chiphanga. Kuku anne ndo chidzako akafumirwa pingu ya phano chilagani. Mwana ya akafumirwa pingu ya hiphano na ya mukononi. Hata uchidza ona unenda kusagalani, hata unasagala kana utu. Ala chidzakala unaidima kuunuka, achima koko, chidzako unaheza dza kpwenenda, ikatoswa yiya yikakala mbali na yiya mbali. Kpwa achigbwa nayo tu. Yunagbwirwa ni chifofo.","p'ep'o,憑依霊，nyagu,dzuni,治療,chifofo,母，子",1987/1/1 0:00:00
223,"解説","ニャグとズニ２","Benyiro","Na achihenda vivyo, kumba ni nyagu, kumba ni dzuni. Ala nyagu ndiye mutsai sana. Nyagu na Dzuni na Chilui, akaheza kulala na mulume weruni, ulala na mulume weruni, mwana unafa phapho. Aaa uchiheza tu, uchimala go manenogo, uchimala tu. Ni bahi. Tsi vyo, u mudzini, achienda mona ameye, achamwe go maziya yunakpwatya kuphaphika. Na matso galu galu. Sambi na sambi kare. Unafa kare. Muchetu achuzwa udzihendadze? Chikala phana muganga phephi, yunatuwiwa mairo kare. Chiamba unadza ni roho tu, tu tu tu. Muganga unaloka, unamwamba we muchetu udzihendadze? Aaa ni go umanyago nidzilembwa ni moyo. Haya unenda ko weruni, unenda tsuma mihaso. Unadza zivula zo pingu. Unagomba nazo. Unazivika madzini ye mugangawe yelagula ukongo uo.","p'ep'o,憑依霊，nyagu,dzuni,chilui,性,婚外性交,kuvula pingu",1987/1/1 0:00:00
224,"解説","ニャグとズニ３","Benyiro","Yelagula nyama yiye, avike(鶏を) madzi mo nyunguni, amuvunge ye mwanache. Ha undasikira hieee. Ha unauya moyo wahi. Chilaa phapho haya unambwa muchetu sema ni nyani yedzihenda gano. Aa, ni afulani. Chilaa phapho unalavya mtumia unenda vyakpwe, unambwa uwe udzamba wolage mwanangbwa uwe. Mudzihenda utu wani na mukaza afulani? Aaa mimi! ng'o! Unambwa aa nikutuwire muchetu. Unadza kusema kpwani uifike. Aa,mba, ni musena wangu hangu pindi. Haya udzanzadze na ye mwanche walagulwa? Haya nyamala. Unalavya ng'onzi na kuku mwiru. Na ndama ya ng'ombe, tsi vyo, mia anne unalavya, ganatoka. Ye mwanache undakala utaphulwa kare.","p'ep'o,憑依霊，nyagu,dzuni,chilui,性,婚外性交,治療，羊，鶏黒",1987/1/1 0:00:00
225,"解説","ニャグとズニ４","Benyiro","Muchetu wa pingu hizo kalala na mulume. Kalala na mulume jeri. Na uwe mulume nawe(Nyaguをもつ女性の), uchilala na muchetu weruni, uchidza fika pho mudzini, mwana utsimukumbe. Mpaka kale ye mugangao wakupha vanda. Chidzako utiye madzini, uzigite zigite mo mukononi. Haya umukumbe ala, ala uchimukumba bila kufanyire gago, unamona hahaha nadigalalee. Na unauzwa haya mtumia heka udzikumba mwana, mwana yudzefa? Yutsakula kufa mwana. Wahendadze? Ha be ye mwenye unamanya achikosera neno kamukumba mpaka akumbe vanda, ndo amukumbe.","p'ep'o,憑依霊，nyagu,dzuni,chilui,性,婚外性交,vanda",1987/1/1 0:00:00
231,"解説","憑依霊の種類１","Benyiro", "Kuna hinyano a chirero a mbali, na hinyo ambao uchivyalwa nyama yiye u mwirini. Nyama yiye wa mwirini ni mulungu na musambala na mwarabu na chitsimbakazi. Kuna lalaika hirira ra kuwala vivuri. Chitsimbakazi ni cha mwirini cho. Na kuna nyama anjine. Kuna jine ripigbwaro na ngoma, mwana mubondeni. Na kuna chizuka chiwikpwacho ng'onzi, rikakala rinarira ng'onzi mweruphe tse wa virongo matso. Matso ni miiru pii dza mutu yedzipiga wanda. Ng'onzi ye. Na kuna nyama mumwenga ndiye zimu. Rakpwe ni ng'onzi kuwikpwa.","p'ep'o,憑依霊,nyama wa mwirini,mulungu,musambala,mwarabu,chitsimbakazi,laika,jine,mubondeni,chizuka,羊,zimu",1987/1/1 0:00:00
232,"解説","憑依霊の種類２","Benyiro", "Na kuna gojama. Ni pepo vivyo, be kaika ana baye. Hiye muchetu achiinjiza, ni kulavyatu, ni kulavya tu. Uchidza ona ni gojama rakpwe ni ng'onzi. Unapigirwa ngoma, awikpwe ng'onzi t'urume, hata chikala ukala turume. Haya akale andasindikpwa achenda sindikpwa haya. Kutaphulwakpwe ni nyogaze, ndo ushonerwe pingu ya lagani, arye nyo muchira wa ng'onzi, ndo kutaphulwakpwe. Na mihaso ujitwe na mihaso.","p'ep'o,憑依霊，gojama,羊,turume,kusindika",1987/1/1 0:00:00
233,"解説","憑依霊の種類３","Benyiro", "Na hiye muchirima ni wa mwirini. Jine ng'ombe ni wa kuusa. Kuna Sudiani ni wa kuusa. Kuna rohani ni wa mwirini. Kuna mpemba ni wa kuusa ye. Uchisikira mupemba manya ni wa utsai. Uchisikira cha kuusa manya ni utsai. Na chiko cha mwirini. Kuwikpwa ng'onzi muche, haya ndo mwanawe yuyatu ng'onzi. Hata yunaidima kubara yikakala kayenzi anzie kurisa mara yinatuwa tuwa ye mutu. Ndo zimu naro.","p'ep'o,憑依霊,nyama wa kuusa,muchirima,jine ng'ombe,sudiani,mupemba,羊，zimu",1987/1/1 0:00:00
234,"解説","憑依霊の種類４","Benyiro", "Chizuka chiko cha utsai. Jine riko ra utsai. Mpemba uko wa utsai, na Mpemba u kuko wa kukutsunuka wa mwirini, ariye uhendavyo unapata mali tu. Uchifika phako mundani, unarima, ha manya ni wa mwirini viratu. Na hiye wa utsai. Na kuna nyama aihiwaye nyoe. Ni mulungu mubomu wahi. Wihiwa nyoe ndiye ariye na Muduruma phamwenga. Be nyama ni achafu ao. Achigbwira mutu ao unafererwa ni mutu sambi na sambi. Na achidza muganga unataphukpwa sambi na sambi yenye.","p'ep'o,憑依霊,chizuka,mupemba,jine,nyoe",1987/1/1 0:00:00
235,"解説","憑依霊の種類６","Benyiro", "Phana muzungu u mbali na muzungu wa keya. Kukuwe ni mweruphe. Naya nyama yiye ni mubaya sana. Ngoma zao nibomu yiyatu ya muchirima. Kugbwirakpwe chikala ugbwirwa, karya wari, urya matumbi tu. Matumbi na muwa na nyuchi, na sukari, haya ndo muzungu. Chiryangonache ni avale chipande na virahu. Virahu hivira vya chingo, viriravyo ng'e hivira vya chingo na koti. Na sokisi na chipande, na chepeu hichi. Haya ndo ngoma inapigbwa wahi, yunavina.","p'ep'o,憑依霊，muzungu,muzungu wa keya,鶏白,muchirima,matumbi,chiryangona",1987/1/1 0:00:00
236,"解説","憑依霊の種類５","Benyiro", "Nyama a chiduruma enye ni mulungu na bulushi, na mwarabu na rohani na chitsimbakazi na musambala, na mukpwaphi, na muduruma na kasidi na chiyuga uganga. Kpwala pepo una muhiwe. Kpwala pepo una muhiwe. Haya ichilaa phapho ikatsanganywa phamwenga. Aa a chirero apungbwao, phana muhi wa pepo na muhi wa mulungu chidzako unatsanganywa phamwenga. Na wa mwarabu unatsanganywa phamwenga, na wa bulushi unatsanganywa phamwenga. Ala kpwala mutu una muhiwe.","mulungu,bulushi,mwarabu,rohani,chitsimbakazi,musambala,mukpwaphi,muduruma,kasidi,chiyuga uganga,p'ep'o,憑依霊，",1987/1/1 0:00:00
237,"解説","憑依霊の種類７","Benyiro", "Na baniani naye, muchetu yuna baniani mba, karya maziya na karya nyama ya ng'ombe. Uchimukumbira phapho yunakala mukongo muno, kpwa yiyatu nyama ya ng'ombe na maziya. Hangbwe, ye baniani ye mukare wao wafa achisiya mwana achirerwa na maziya ga ng'ombe. Hata unatiya na kukala ndiye ameye. Go maziya ndigo ga ameye kagamwa.","p'ep'o,憑依霊，baniani,ng'ombe,maziya",1987/1/1 0:00:00
238,"解説","憑依霊の種類８","Benyiro", "Mudoe, pinguye ni ya phapha lagani. Mdoe kaziye ni diya rife ukawale gala menoge mare, haya ifumwe na pingu phano lagani. Tsi vyo ifumwe na pingu kuno ilaa atsa. Kuno koloni na kuno ilaa atsa. Mihaso yifungbwe phapha afumirwe pingu atiywe ye mwana avale. Na mbuziye ni diya ra virongo matso. Kuvikpwa diya. Haya unaro. Mwana kufyoka na kutsama damu mwirini na kuphaphika. Dzuwa chikala ushindwa ni ukongo wa mwana, yunafa, undasikira unahenda kuee,kuee,kuee, kpwa ugbwiriwe ugwira dza kpwamba ni mwanadiya. Unamanya ni mdoe kare. Nakurira sana, achese kurira, haya ni mudoe. Haya chikala kaadzangbwe kupata ye muganga yu kure, uchiwala ro dzino uchimutiya tu. Ni bahi.","p'ep'o,憑依霊，mudoe,diya,kufyoka,kutsama damu,kuphaphika.",1987/1/1 0:00:00